［是咁的］ 我喺加拿大住咗十幾年, 識到一個女仔叫Z...（3）

我見好多人即日批喎。8個月係咪189？

我見好多人即日批喎。8個月係咪189？

485 政府自己公佈75%申請最快8個月.

屌 一講彩天個歌詞，就記起唔知嗰間學校邊條仆街，朝朝唱校歌唱撚到走晒音，重有個miss好撚興上堂開晒窗，個mic又大聲聽搞到焗住聽足成堂

我哋畀人趕出校之前, 有一次遲到, 成班早會嗰陣我哋拎住老麥係老母雄後面行過, 一路行一路同下面啲同學揮手打招呼

想問下之前傳係calgary嘅巴打, 而家嗰邊搵工租屋買車咩情況？

黐孖筋, 老細明知我老婆幾個禮拜後就走,突然請咗個住喺酒店嘅晚班, 仲要係90後嘅靚靚泰國囡囡

btw, 今日去到禮拜三都會有文, 之後由禮拜四開始一個禮拜我要同老婆去悉尼探朋友, 唔會有嘢出

不便之處, 敬請原諒

又有新女食

唔知喎, passport寫囡囡.

等我去完旅行返嚟、老婆走咗之後, 先睇下有冇機會驗明正身

賤格 有圖更好

盡力而為

為所欲為

我係出於學術上、想增加對人體嘅深層次、多角度理解
唔好亂諗嘢

我喺副駕位望住自己架車, 就快對撚住街嗰隻壆駛上去, 就開始擔心前排先爆過嘅橫軸、忍唔住同Z講：喂, 扭多少少丫老細..上壆啦...

Z一路講一路瘋狂扭我個軚, 直頭扭到盡咗仲“拍”咗一聲：扭緊囉屌！

我畀Z個氣勢嚇一下：唔使爆粗嘅...冷靜啲...扭甩啦...
心諗, 睇黎剛剛換咗條橫軸, 遲下可能到堂軚...

Z停定咗架車喺路邊、順手撳著埋個死火燈之後,深呼吸咗一下先講：小C子！再嘈我爆埋你添呀！

我：哦....
然後再細細聲講咗句：頭先唔係話屌㗎咩....點解變咗做爆嘅...

Z擰過嚟啤住我：講乜撚嘢話！？

我：冇...冇呀...我話你都揸得幾好, 慢慢揸就ok...

Z用完全唔信我嘅聲調答我：屌！一定係啦！

畀Z大大聲屌完之後, 我頭揼揼望下手錶, 原來已經半夜兩點幾, 不經不覺原來已經玩咗成個鐘..

...晏晝嗰陣, 我地成班A&R團隊, 係Midland嗰邊同班wedding planner setup緊個hall、 而我同另一個waiter一人一架ride-on scrubber玩緊碰碰車嗰陣,突然收到個電話.

我停低咗㗎scrubber之後拎個電話出嚟望一望：喂！小姐, 咩事？

Z：冇呀, 我今晚約咗班friend去echo唱k呀, 你收工之後有冇嘢搞？冇嘅過嚟join我哋丫？

我眼尾哨吓企喺附近著住全黑西裝, 同A&R一齊setup緊啲枱嘅叮噹, 諗緊今晚返屋企, 一入屋就扯爆佢嘅恤衫、之後撳住嚟砌嘅畫面....

然後唔知係咪叮噹feel到我昅緊佢, 佢突然擰過嚟望住我, 笑咗一笑.

放住叮噹個樣, 我猶疑咗幾秒之後, 決定重色輕友, 答Z：唔啦, 今晚個banquet都唔知搞到幾點..

Z：吓？咁呀...去食宵夜丫？我哋呢邊唱到成點鐘呀！

我心諗, 丫屌...既然講到食宵夜都得..斷估今晚完場再上叮噹屋企驅邪驅鬼, 就住時間玩, 應該可大約一點鐘閃人..

既然而家個天都畀機會我, 做個重色又重友嘅好男人, 冇理由唔做丫？

Z見我冇出聲就問多次：點呀？

我：如果你一點鐘後嘅, 我ok呀！

Z：咁係㗎喇喎？

我：係丫, 你哋去echo...咁近近地過緣續園囉？

Z：可以丫.

聽落計劃一切順利, 但始終我怕驅鬼嗰陣有咩意外發生, 都係留一線穩陣啲..：不過..我有可能晏少少先到, 因為有幾個同事冇車, 我哋要車咗佢哋返去先...你知啦, 夜媽媽又凍冰冰, 要人等巴士好撚慘...

Z：都可以呀！我最多係echo hea多陣, 你搞掂咪call我囉！

我：咁我差唔多到就call你啦！

Z：ok呀, 咁唔阻你做野啦,今晚見啦！

我：係係....今晚見.

剛剛收線, 揸住另一架scrubber車、一直蠢蠢欲動嘅waiter即刻成架撞過嚟, 搞到我差d飛咗個電話落地下..

嚇到我即刻鳩叫：屌你咩！？

然後成個場嘅人, 除咗同事之外、包括準備結婚嗰對新人, 同埋個wedding planner都望住我..

嗰晚除咗因為落雪, 所以BouquetToss轉咗係喺會場入面舉行, 而新娘又力大無窮咁張個bouquet飛撚咗上去三層高、仲卡柒咗係樓頂裝飾嗰到...

攪到嗰 banquet manager 越臨時臨急開架唧車出嚟、升個人上去幫佢執番個花球之外, 總括嚟講都一切順利..

順利嘅, 當然仲包括之後同叮噹嘅爆衫驅鬼、性交轉運行動...

係爆恤衫嗰吓畀叮噹屌咗兩句咁囉...

最後趕到過去echo, 連凌晨一點都未夠.

接咗Z去完緣續園食完宵夜, 仲要喺門口撞到嗰日放假冇去到banquet開工嘅Ri...引致之後嘅黑森林迷路事件....

不過當時我都唔知之後會發生啲咁嘅事, 同Ri喺門口吹咗兩句水, 就同Z入去緣續園攞位.

係食緊野嗰陣, Z就話：喂, 你食完嘢有咩搞呀？

我諗咗諗就答佢：一陣？冇呀, 咪食完嘢車你返屋企囉？

Z仲有啲古惑嘅眼神望住我講：咁呀.....咁呀.....

我：點呀又？

Z：冇呀, 如果你一陣冇嘢做, 不如姐姐幫你搵啲嘢搞吓？

我望咗佢一眼, 就笑住話：都估撚到你個仆街邊有咁好死丫....無啦啦約我食宵夜..

Z篇住嘴答我：唓...諗住不如我哋食完野, 揾個地方練下車啫...你應承過我㗎嘛...

我：我係應承過呀, 不過冇諗過咁突然啫..

Z：咁你遲早都要幫我㗎喇！而且今晚咁啱我、你、同架車三樣嘢都同時喺到, 擇日不如撞日啫...

我：一定係啦..又會咁啱嘅...

Z笑得勁sweet咁望住我個講：係囉！又會咁啱嘅！

我：丫屌....

咁陪Z練車呢件事, 我其實又冇所謂嘅..反正本身唔係Z約我食宵夜, 我一係就喺叮噹屋企過夜、一係就返屋企打機, 都唔會咁早瞓.

只係習慣咗Z講乜都順口串佢兩句啫...

諗咗諗, 就決定同Z過去pmall嗰邊玩下...

雖然pmall平日太多人亂鳩咁揸車嘅關係, 被美譽為：只要你嗰嗰到揸足一日車、唔撞到人又唔畀人撞嘅話, 考牌八成一剔過...

但而家都成點幾鐘, 唔單止夜闌人靜又凍冰冰,個天仲落緊雪, 唔好話練車咁奇特, 正常人應該連街都唔想出...

食完宵夜揸車過到去, 果然如我所料, 成個場得小貓三四隻, 應該係泊咗架車喺到再坐大班巴士去咗casino rama玩嗰班, 再唔係就喺網吧打緊機.

而且我喺呢個場做咗咁耐, 都幾肯定呢個時間pmall班食q一定瞓曬覺.

話曬當年凌晨兩點幾, 三十幾個警察包圍pmall, 連直升機都出動埋去圍捕持槍醉酒鬼, 佢哋都可以繼續瞓...

斷估呢個優良嘅傳統仲一直延續緊, 真係啱曬Z呢個戇鳩去練車...

既然要練車,就梗係先等Z去習慣吓我架車先, 唔係連架車都未習慣, 練嚟都係嘥鳩氣..

所以一泊好車, 我就即刻叫Z同我換位, 之後坐喺passengers seat冇出聲由佢亂舞龍咁舞.

其實Z都係緊張少少啫, 話曬佢都真係學過幾堂,正常喺個空蕩蕩嘅停車場入面跟住條線行黎行去, so far又唔見有乜大問題嘅...

都唔明Ke佢哋有咩好驚..

所以我諗左陣, 就決定同Z講：喂, 不如兜出停車場出面, 去大街兜個圈再入返嚟丫？

Z聽見我咁講就即刻dup break望住我：吓, 認真㗎？

我：係呀, 你咁樣兜嚟兜去都唔係辦法㗎, 不如直接出去兜個圈啦.

Z：um ......我淆底喎.

我：屌, 我都未淆,你淆條毛呀？

Z：唔係呀, 一陣間撞車點算呀.

聽見佢咁講, 我就扮嘢撳底隻窗伸嗰頭出去望下：車？邊度有車？睇過？

Z：唔係呢....

我見佢仍然猶豫不決, 就再加多句：嘩你老味丫！而家過咗七月好撚耐啦, 你唔撚係撞鬼呀嘛？過多幾個月聖誕老人架鹿車都嚟緊啦！

Z：um.....

我：點呀？你真係見到有車呀？係咪紙紮嗰啲？ 使唔使聽日同你過去Mississauga兜個圈？

Z繼續口震震咁樣講：妖....你肯定真係得？

我望住平時見串到佢咁盡,一定反擊我嘅Z而家成隻鵪春咁樣, 真係唔知好嬲定好笑..唯有同佢講：唉...咁不如我哋練下泊車先啦？晏少少先出去好冇？

Z諗都唔諗就答我：好好好....

我：丫你條友...
見到咁我就擰曬頭.

Z一見我讓步, 即刻扮曬嘢咁講：咩喎,我為你好咋！一陣間你架車有事我點算呀！

我：係係....
心諗Z呢條友一彈返入去comfort zone, 馬上打回原形..但諗咗諗好似有啲唔對路就問佢：吓我架車咋？咁我呢？

Z：你？你囉喎..

我：係囉？我點呢？

Z望住我有啲詭秘咁笑之後話：你囉喎....我總會有辦法嘅....

我：屌..仆街啦....
本來只係隨口問吓, 但見到Z笑到咁衰, 唔知點解我突然間好想試吓會發生咩事..

不過..都係諗下就算..
好大機率都係一句小C子, 之後打發我走....

Anyway, Z再喺個停車場入面兜咗陣,就開始練習泊車.

Front in都仲好地地, 唔係話完美但可接受, 但back in硬係泊到岩岩巉巉歪嚟歪稱, 唔係撞上壆就出界..

見係咁, 我就叫佢take個 break：喂喂, 停喺嗰邊落車食支煙,抖啖氣先啦...

Z聽見即刻鬆咗口氣, 放開個軚盤攤咗喺張櫈到講：都好...順便除咗隻con換返副眼鏡先..對眼攰到爆...
見Z一路講一路指一指個gloves box, 我就醒水攞包濕紙巾畀佢.

到Z搞掂曬戴返副眼鏡, 我就同佢落車點著支煙, 剛剛諗住叫佢倍我喺個停車場度散吓步, 話曬喺架車到坐咗兩個幾鐘, 真係坐到腰骨都痛..

但我仲未嚟得切開口, Z一點著支煙吸咗啖就即刻衝去車尾、踎低咗.

我：搞咩呀你又？
我一路問佢一路行過去.

行到過去見到Z好似驗屍官咁, 踎咗喺到望住個車尾講：睇下你架車有冇事囉...好彩冇花冇爛...

見到Z咁認真, 我就笑咗出嚟, 心諗成個車尾都係雪, 你睇條毛咩..

Z擰轉面、側住頭望住我講：無啦啦笑咩呀你又？

本來我都想開口同佢解釋, 但冇計...

我覺得佢踎喺到嗰個樣、同嘗試喺積滿曬雪嘅車尾搵條花痕出嚟呢件事太戇鳩, 我就忍唔住繼續笑, 仲越笑越大聲.

Z：笑笑笑, 等我將你兩隻鞋的鞋帶綁埋一齊先.
講完就繼續踎喺到, 但un吓un吓咁樣彈過嚟, 仲伸對手出黎扮曬想搞我對鞋咁.

我：丫屌..起身周圍行下啦！
見到咁我即刻彈後幾步, 然後烏低身直接拖住Z隻手拉番起佢.

畀我夾硬拉咗上嚟嘅Z個樣勁無癮咁講咗句：超...都好,反正坐到屎忽痛..

休休閒閒一齊係pmall個parking行咗個圈之後, 我就問Z：係喎, 玩咗咁耐, 覺得你自己揸成點呀？

Z一路伸懶腰一路講：都ok....啩？係back in嗰陣泊嚟泊去都泊唔好咁囉..

我諗咗諗, 見支煙就嚟食完, 就拍拍Z個頭同佢講： 返去丫！我諗到個方法可能幫到你..

Z聽完就勁開心咁話：吓？真㗎？無呃我？

我扮曬認真咁樣望住佢講：屌丫！我幾時呃過你？

Z諗都唔諗就即刻答我：成日.
然後開始喺到數：BIC寫小說啦~搬屋嗰次啦~學生會個故仔啦~~

我：丫屌.....
之後細細力推住Z, 向我架車個方向行過去：返去啦..咁多嘢講....

返到去, Z上咗車之後, 就好奇怪咁望住仲企起車出面嘅我問：你仲唔上黎？企度做咩呀？

我：咪試下我個方法囉.
我一路講一路行走咗, 之後打電話畀Z.

Z見到咁, 就喺架車度伸個頭出嚟,擰轉面望住我大嗌：咩料呀C生？

我：屌！聽啦！開speaker呀！

Z接咗個電話之後,劈頭第一句就話：點呀老細,玩電話呀？電話費好平呀而家！？

我冇理佢, 反問：你見唔見到我而家企嗰個位？

Z：um ..見到呀,咁又點？

我：你揸架車過嚟back-in.

Z：吓？

我：係呀, 過嚟啦.
講完我就收咗線, 順便點著支煙食住等佢.

Z揸到過嚟準備bank in嗰陣開窗大嗌：你行開d啦！撞死你呀！

我：Back啦你,咁多嘢講.

Z：吓？你認真呀？

我：係呀！
我用支煙指一指個地下：我家下就成個人棟喺到, 等你泊.