［是咁的］ 我喺加拿大住咗十幾年, 識到一個女仔叫Z...（3）

自己人生故事自己揀

剛剛先上去幫泰國妹搬完大床同枱, 真係唔得啦...年紀大, 而家腰骨痛

點解無啦啦瘋狂連回？

講緊倒數完有無拍埋幾張枱呀

有拍埋嘅, 就好生意啦

近呢2篇到喉唔到肺你是咪漏左d野沒講呀

我後生嗰陣縱慾過度啫, 未老到會漏嘢嘅階段

計番數, 由 genius 轉咗去檸檬樹已經就嚟五個幾個月, 之前都提過其實開頭係有啲私心, 只係想盡快搵個地方避開Ri, 咁啱嗰陣時A&R接咗檸檬樹呢份job, 同之前牛記一樣, 因為知我本身係呢個場識得多人, 就第一時間叫咗我上去幫手.

幫手開檔嗰陣見Ax&Ro兩個老細平時鳩鳩吓, 成日互相屌嚟屌去好似好歡樂咁, 有日就坐低同佢兩老傾過吓, 見佢哋offer我嘅人工都算過得去,就決定留低做長工.

做做下先發現原來仲有一個隱藏嘅好處, 就係自從Z搬咗屋之後, First Markham plaza正正我同Z屋企中間, 有時放工過去搵佢, 唔使騰嚟騰去揸咁遠...

而且又同隔離麗花三姊妹熟絡咗, 成日約埋一齊出嚟食煙吹水, 之後又識到行尾間牙醫診所嘅MM...

雖然因為同金牛苑只係相差唔夠四個舖位, 所以成日坐喺門口食煙嗰陣都會撞到jimmy哥, 次次都比佢單單打打....

開頭本來都有啲火滾, 但係諗深一層, 當時我的而且確係喺佢最忙嘅時間, 為咗一個人即場反枱劈炮...

所以我每次都係笑笑口對住佢就算, 無謂再搞串個場....

但總括嚟講, so far係做得開心嘅.

有日坐喺正門食緊煙嗰陣, 同事阿蟬無啦啦衝出嚟, 遞個電話畀我.

我接咗個電話之後問佢：搞咩呀？叉完電喇？

阿蟬點著支煙之後答我：你頭先電話響呀！

我：哦？知唔知邊個呀？

阿蟬：鬼知咩！自己睇miss call啦！你又冇出糧畀我.

我：丫屌...而家啲阿蟬咁串嘅...

但我未嚟得切開個call list,電話已經再響過, 我望都冇望就隨手撳咗嚟聽.

Z：喂, 你忙唔忙呀？

我：呢d日子, 又落雪又凍冰冰, 忙得去邊丫...

Z：咁你搞緊咩呀？

我：同我同事坐喺門口食緊煙.

Z：吓？串到坐係門口食煙㖭呀？唔驚畀客睇到咩！？..睇你真係好靜喎..

我：唔係呀..我都唔想㗎, 不過得前門有瓦遮頭丫嘛..

Z：啤...

我：屌...你打黎做咩㗎..

Z：冇呀,想話你就黎生日喇喎, 咪問吓你想去食咩囉..

我：咁好死？我冇所謂呀, 唔係我畀錢就得.

Z：超！

我：咁你有冇嘢想食呀？

Z：um....我有啲掛住上次我生日食嗰間西餐.

我：你生日...Baton Rough?

Z：係啩？ 總之係上次我生日你帶我去食過, go for tea隔離嗰間.

我：咁咪係囉, 我ok呀.

Z：你生日嗰日都係陪D㗎啦, 咁我約你之後嗰晚,你o唔ok？

我：冇問題呀, 直接喺嗰到等定點？

Z：梗係你過嚟車我啦！

我：仆街, 你唔係咪有車㗎咩, 仲要雙門跑.

Z：我架小綠？唔好啦夜媽媽, 佢會驚㗎.

我：我屌...

Z：而且我又諗住飲酒呢..到時靠你㗎喇...

我：你條仆街..家下我生日定你生日呀...

Z：你, 不過係我約你過你嘅生日, 就下我都好應該丫！

我：啤...

Z：咁我約你七點,嗰晚見啦！

我：係係...

收咗Z線之後, 我就問全程企我隔離食緊煙嘅阿嬋： 喂, 我可唔可以同你調日假？

阿嬋就笑笑口答我：聽到曬啦, 你個仆街仔自己有女仲溝女...等下次我見到你條女D嗰陣爆你大鑊先....

我：ok呀, 最多我以後等你放假先同D過嚟食飯..

阿嬋：丫屌..

我：講笑啫, 呢個Z嚟㗎..你同老闆佢哋都見過, 黎食嘢唔使錢入我數嗰個friend呀.

阿蟬：Z?....好似有啲印象...哦...白白淨淨、斯斯文文, 講嘢好有禮貌嗰個？

我：Er... 係啩....對你哋有禮貌囉..
心諗, 果然大部分人對Z嘅印象都係呢個...Z條仆街都幾好戲...

阿蟬：咁咪啱囉,你溝咗嗰條就叫女, 未溝嗰啲就叫friend ,好make sense 呀.

我：屌.......

阿蟬：我後生多廿幾年實俾你屌, 而家一把年紀, 你屌我驅風咩.

我：啤......

阿蟬：唉..見你生日流流....我挨吓義氣啦..凍冰冰返入去先..
阿嬋食埋最後一啖煙, 就彈落地下d雪到, 準備行返入去舖頭.

我：唔該曬唔該曬...

阿蟬：不過之後個星期你要同我調星期五晚, 我要睇我條佬去踢波.

我：得得得...你話咩就咩啦..

到我生日之前嗰晚,老細Ax仲出錢叫阿嬋落場嗰陣,去買咗個蛋糕返嚟同我慶祝..所以話,呢間餐廳啲人算係唔話得..

到我生日第二晚, 反正冇嘢做, 所以大約六點鐘已經去到Z屋企.

去到泊好架車喺Z部小綠（一部墨綠色嘅雙門civic）隔離, 落車食煙嗰陣就心諗, 呢個世界真係男女唔公平, 明明大家都係civic, 點解我Full license保險要成三百幾蚊一個月, Z揸住G2竟然只係二百蚊有找...

多條撚..啫公平咩！？Z夠有個閪啦...

諗諗下突然電話響.

Z：到咗啦？

我：你又知嘅？

Z：冇呀, 剛剛沖完涼出嚟突然想望出窗,就見到你食緊煙啦.

我抬高頭望向Z間房隻窗,見到Z拉開咗窗簾笑住同我喺度揮手, 我揮一揮支煙, 象徵式同佢打個招呼：咁好彩..

Z：唔係約七點咩？咁早過嚟做咩呀？掛住我呀？

我隨口答：我肚餓喇..
心諗,約幾點都好...你都係例遲㗎啦...

Z：妖...你份人...

我：我份人點呢？

Z：冇嘢喇！ 我而家落嚟開門畀你啦..

我：唔急喎, 我仲食煙, 你掛住我呀？

Z：上嚟幫我吹頭呀！

我：吓？.....

Z：係咪唔想我出門口呀！？我搵康師傅陪你過生日都得㗎！

我：咁又唔好...生日流流...
嗱嗱聲吸多兩啖, 就彈走咗支煙, Z剛剛好打開道門.

Z一開門就過嚟大大力攬實我：生日快樂呀壽星仔！

我：係係...快啲上去吹頭啦..

Z：超~好趕咩你而家？攬多陣都唔得..

我：唔係呀, 你想攬一世都得.

Z：咁益我？

我：係丫, 最多收平啲...

Z：妖..估到你冇好嘢講...上嚟啦..

Z拉住我上到去, 即刻坐低之後指一指個風筒..

幫Z吹完頭之後, 佢就坐係枱前面化妝, 我求其喺書架攞咗本書, 就無無聊聊喺張床到睇.

睇睇下開始有啲眼瞓, 就諗住起身行過去窗口食煙.

本身化緊妝嘅Z突然大大聲講：喂！你咪呀你！ 你試下係嗰到食煙？我即刻推你落街！

我聽見即刻嚇一跳：er...係係....你明明背住我化妝, 又知我想去食煙嘅？

Z：大佬呀, 化妝要對住塊鏡架...

我：咦？係喎....

Z：笨.

我：哦...
見柒咗,我唯有收返埋包煙落褲袋,正當我諗住行返埋張床到繼續發呆嗰陣,突然覺得好似有啲怪怪哋..

剛剛嗰個畫面好似咁熟悉咁嘅！？..喺邊度見過呢？？

諗左陣, 我就忍唔住開口：喂Z....

Z：做咩呀？

我：突然間諗起, 而家呢個情境, 幾似我哋第一次出街嗰陣...

Z：第一次.....釘耳窿嗰次？
Z停低手擰轉面望住我.

我指住佢啲傢俬答佢：係呀,嗰陣時你張床褥又係呢個位, 張枱又係嗰邊, 連窗口都係右手邊.

Z：係喎,你唔講我都冇為意, 個方位真係同bond一樣㗎喎..

我：不過好似係差咗啲嘢咁..
講完我就開始周圍望.

Z：係囉...硬係怪怪哋...
Z就打側頭喺度諗.

我：屌！差個雪櫃！

Z：丫！黑色雪櫃！

我同Z差唔多同時間講呢個句,之後齊齊忍唔住笑咗出嚟.

Z笑住問：話時話,我地識咗幾多年呀？

我笑著答佢：識定friend先？

Z古惑惑咁望住我.：我哋一識就勁friend㗎啦, 邊有得分開計㗎？

我：吓！？點解我同你d記憶好似有啲唔同咁嘅？

Z即刻指住我勁大聲咁話：哦！！！証明你冇我心, 我識你嗰陣就當你係friend！

我：err.....

Z之後一路講一路扮喊：原來你冇咁諗, 小C子你個負心漢....嗚嗚嗚嗚嗚...

我勁無奈咁答佢：仆你個街丫...

Z突然極速由扮喊嘅樣變返做串串貢咁嘅樣：咁幾多年丫？唔準諗即刻答！

我當然諗都唔使諗就答到佢：七年幾啦.

Z：哼, 算你啦.
講完就擰返過去繼續化埋佢個裝.

我坐喺張床度靜靜地望住前面Z化緊妝嘅背影, 雖然我知識咗佢好耐, 耐到諗都唔使諗就記得識咗佢幾耐, 但到真係講出口嗰陣先意識到咁快就七年..

某程度上Z真係我人生入邊,唯一一個識得最耐又保持到關係嘅一個人, 唔知我哋仲有幾多個七年可以行落去呢？

突然覺得今年嘅生日願望, 就係希望可以一直咁樣同Z保持關係落去就好..

雖然我知, 大部分嘅生日願望,到最後都唔會實現..

唔記得咗之前有冇post過, 我同阿嬋再加生日蛋糕, 揸機嗰個係Ax, 我頭頂就係倒數微波爐

，中間分介

係呀, 嗰期留長咗頭髮, 返工懶得搞.

阿嬋都好後生

阿嬋個仔大過我, 勁靚仔

咁佢個仔都就退休

佢個仔天選之人嚟, 超靚仔不特止仲高我差唔多兩個頭, 仲要係architect, 條女又係由細玩到大青梅竹馬, 仲靚過個model

做戲咁做，靚仔無用呀要好似你咁食咁多女先有用