［是咁的］ 我喺加拿大住咗十幾年, 識到一個女仔叫Z...（3）

係嘅，被強奸大師

客氣客氣

到咗同Z約好咗嗰個星期六, 因為上次b講嘅嘢, 令到我嗰朝早一直都有啲坐立不安...一直擔心自己會唔會掘咗個窿畀自己踩...

不過, 我相信應我同Z哋嘅交情, 就算touch wood大爆炸, 都唔會炸得死我同佢之間嘅關係.

應該...唔會掛？..

但為咗以防萬一, 係落場之前十分鐘, 我已經同叮噹佢哋交代好身後事, 以防今晚我會遲到之後,就九秒九衝落停車場、揸車過去接Z..

Z上咗車之後冇耐, 飲咗啖我過嚟嗰陣順路係tim仔買畀佢嘅cappuccino, 順口問我：而家去搵你嗰個friend, 係咪上次過你屋企瞓嗰個？

我：係呀, 所以咪話你好彩囉！我剛剛先撞番佢,你就話要化妝set頭...
望住print出嚟、黐喺音響上面嗰張地圖, 一路對緊街名一路答佢.

Z：佢叫咩名話？

我：b囉！

Z放低杯咖啡之後又問我：好似之前冇聽見你提起過呢個人嘅？幾時識㗎？

我：我..舊時paris讀書嗰陣食....識啲..friend, 好耐冇見過啦, 所以冇乜提起.
屌丫..聽錯咗Z一隻字, 爭啲搞到奶曬嘢..好彩醒起b提過我先趕得切改口.

Z勁驚訝咁望住我：吓？你嚿時？咪即係鬼黎囉！？

我：係呀, 我帶緊你去撞鬼呀....

Z：咁好邪喎..

我：有幾邪？最多轉頭去Mississauga兜個圈, 反正近近地.

Z：Mississauga？趕唔趕得切呀？

我：夾硬嚟應該得嘅..

Z：咁你話事囉....不過去做乜？

我：去彿光山幫你驅邪.

Z：妖！..

我：彿光山可能都捉妖㗎...

Z：揸車啦你！咁多嘢講！

我：係係....你幫我望真啲個地圖,睇下有冇行錯路呀....

Z掹咗張地圖落嚟揸起手：你之前未嚟過㗎咩？

我：黎過呀, 不過上次唔係我揸車, 而且都唔係行呢條路...

Z好專心咁幫我對住啲街名：哦....

揸咗大約十分鐘, Z突然間話：喂, 差唔多到啦！嚟應該係呢頭.

我：哦哦哦....咁我打定電話畀佢單聲先..
但發現根本就冇位停低可以畀我打個電話, 就將揸住咗嘅電話遞畀Z：喂, 你幫我打畀佢..

Z接住咗個電話之後：吓？都得...err....佢叫咩名話？

我只能夠反曬白眼咁樣望住佢：屌你個仆街,失憶定老人癡呆呀？

Z：唔係唔係, 唔使反曬眼咁驚訝嘅樣, 姐姐幫你點支煙定下驚..
Z講完就喺我包煙到掹咗支出嚟, 夾硬插咗我個口.

我：屌你睇住呀...

Z冇理我投訴, 幫我點著埋, 之後話：問多次以防萬一啫...

我吸咗啖煙之後答佢：叫錯咪叫錯囉, 是鬼但啦.

Z登大眼望住我：你都傻嘅, 我成塊面同個頭交畀佢, 一陣名都嗌錯佢陰鳩我點算...

我：屌..我識佢咁耐,佢又唔會咁嘅...
心諗如果b真係要陰鳩你, 原因絕對唔會因為你叫錯名咁簡單...

Z：咁你叫我打畀佢吖嘛, 我連名都唔記得, 點知打畀邊個？？

我：umm.....

Z：而且打到過去, 禮貌上叫錯都唔好啦...

我：唉....

Z：唔使嘆氣嘅, 同姐姐講多次咪得囉.

我唯再講多次個名：b呀..b~呀！怕撚咗你...

Z諗咗陣之後好猶豫咁講：Um... 點解個名咁熟咁嘅？

我聽見佢咁問, 就即刻諗返起第一係PDHS個 library次見到b, 佢自我介紹嗰陣嘅謎題, 笑住咁答Z：酒名嚟㗎仆街, 咁你實記得啦！

Z聽見即刻兩眼放光：哦哦哦！唔怪得之硬係唔知邊度聽過, 咁我應該會記得啦..

見到 Z啲奇怪記憶方式, 我就忍唔住笑佢：屌丫....你隻酒鬼...

Z諗都唔使諗咗一句插過黎：屌咩啫, 你隻死煙鏟！

我：邊到煙鏟呀！？

Z：你自己睇下你自己隻手.

我：屌呀,支煙你點過喎！

Z：咁你係咪食緊丫？

我：啤.....
眼尾見到b間salon嗰個細plaza, 就拿拿聲同Z講：喂！真係到喇, 你快啲打電話啦！

Z：哦哦哦哦...bbbbb.....啊？搵到！

聽見Z咁講, 我就準備伸隻手過去拎返個電話, 但Z不單止冇俾返個電話我, 反而個電話通咗之後直接開始講嘢：喂？哦？b？你好呀, 我唔係C呀, 佢揸緊車, 我係佢朋友Z.....哦係呀, 我係約咗你嗰個...哦, 好丫..我哋差唔多到㗎喇......好丫好丫.....一陣見！byebye！

我喺隔離見到咁, 個心就即刻離一離..因為聽唔到b講咗啲乜嘢, 只能夠單方面期望佢唔好亂講嘢...

收咗線之後, Z將我個電話放返落去個電話架到, 擰過嚟講：你朋友話佢頭先瞓緊覺, 我哋幾時入去都得.

我：哦哦哦...

到泊好車, 同Z行到入去間舖, 發現見唔到b, 前臺個鬼妹仔就過嚟問我哋：兩位好, 請問有冇預約？

我：有呀, 我哋約咗b.

鬼妹仔：你地係C同埋Z?

我：係呀.

鬼妹仔就笑住指向一埲紅色嘅牆後面話：b喺洗頭櫈瞓緊覺, 你地過去拍醒佢得喇..

聽到咁, 同鬼妹仔講聲唔該之後, 就帶住Z過去搵b.

Z望咗望門口坐咗喺到嗰幾個太太, 之後同我講：嘩, 你個friend好勁㗎,好似唔休做咁嘅？明明仲有客, 佢可以夠膽死瞓緊覺..

我：咁我哋約好咗㗎嘛...而且佢剪頭髮都ok㗎,話曬舊時我個...已經....見..佢幫人剪..
心諗,好彩好彩..爭啲又奶野..

Z勁好奇咁望住我：吓！？你個咩呀？

丫屌..見兜唔切, 只好決定唔理Z, 拿拿聲掟埋個靚彎,就見到埲紅色牆後面裝咗幾張黑色嘅洗頭櫈, b就係其中一張推平咗嘅洗頭櫈上面大覺瞓緊..

過到去我就用腳踢一踢張凳：喂..公主起身呀. .

Z見到我咁講又問：乜公主？睡公主？

我：熊貓公主呀..

Z：吓？

我：舊時同佢一齊住嗰陣, 佢好鍾意化埋嗰啲死人smokey eyes, Gothic look, 所以我同佢細路成日叫佢呢個名嘅..

我雖然背對住Z, 但我feel到呢刻佢厲啤住我咁講：乜你哋一齊住㗎？冇聽你講過嘅？

我：係呀係呀....
心諗仆街啦, 又掘撚咗窿畀自己踩添..點兜好呢？...

好彩呢個時候b終於畀我踢醒咗, 一路打喊路一路坐起身, 捽咗捽眼之後擰過嚟望住我哋：咦？到咗喇c...

我：係呀.

b拍一拍我當打招呼, 之後就望住Z問：你係Z?

Z：係丫！你好b！
Z條仆街即係扮撚曬嘢咁笑住同人打招呼, 明明前一秒我仲feel到有殺氣...

b：你好呀你好,歡迎歡迎！
講完就企起身攬咗Z一下, 同時用眼尾啤咗我一吓, 表情有啲似笑非笑咁.

我即刻勁無奈咁望住b, 做咗個我乜都冇講呀嘅表情.

b用口型答我：但你準備呢..

當我拗曬頭諗緊點解b會知嘅時候, 佢冇理我直接拉住Z去咗幾張凳到坐低, 之後問：你除咗set頭化妝, 仲要唔要染色嗰啲？

Z：我都想㗎, 但未必趕唔切呀...

b望左望錶：係喎, 你得個零鐘時間...
轉身拎咗啲髮型書畀Z：你睇下有冇啲咩啱咁心水先？我去沖杯咖啡畀你..

Z：好呀唔該.
講完就隨手攞起咗其中一本, 就開始喺到睇.

b見到Z開始睇, 就擰過嚟同我講：喂！去沖咖啡呀.
之後走咗去吧枱嗰到.

見係咁, 我即刻跟過去捉住b問：仆你個街丫, 廣東話你識鬼聽..

b望都冇望過我, 一路喺到沖啲即溶咖啡、一路笑住講：唔識聽㗎, 但估撚到啦！

我：係咪咁犀利呀...

b：屌, 識你咁耐, 肯定係到介紹我係邊個邊個,之後自己口多多柒撚咗..

我：丫屌....

b笑著遞咗一杯咖啡畀我：係咪講中咗呢？..
之後開始沖第二杯.

我：Er...

b：咁你講到邊？想我點幫你兜呀？

我：熊貓公主...

b：吓？咁好少事啫..仲有冇？

我：err...

b擰過嚟啤住我：喂！

我：err....仲有...一齊住囉.

b聽見我咁講,即刻呆咗一呆：屌！？errr.....唉....咁都好...一齊住啫...好小事....好小事....

我：係囉係囉....好小事啫.....

b再啤多我一眼之後, 一路細細力吹杯野咖啡、一路講：咁仲有冇呀！？

我：冇...冇啦..

b：um....咁你咪照同佢講....話我同你係老死,你嗰陣時畀房東趕出門口,我接濟你囉,好簡單直接啫.
講完就直接自己攞起咗杯咖啡嚟飲.

我：哦..咦？
見到咁我就用手指指一指Z, 因為我以為b係沖比Z飲...

b：你嘅前前度,關我呢個前前前度鬼事呀！要沖你自己沖喇！

我：丫屌....

b：我返去搵你個前前度睇佢揀好未呀！
講完就頭也不回、笑住咁行返返去搵Z..

到我戇鳩鳩拎住杯咖啡返去搵佢地嗰陣, b已經準備帶Z起身去洗頭.

我：揀好咗啦？你杯咖啡我放係到...
我隨手放低咗杯咖啡喺塊鏡前面張枱, 之後望一望打開咗個本髮型書.

Z：唔該喎, 你個friend話你要親自沖畀我..

我：er... 係呀係呀...無謂麻煩人哋啦...

我趁Z拎起杯咖啡飲嗰陣, 偷偷地望下b, 佢繼續保持住一個似笑非笑嘅表情望住我哋兩個.

Z飲咗啖放低杯咖啡之後, 指一指本書：我覺得呢頁ok㗎, 你幫下眼丫？我去洗頭先..

我：哦..好丫....

望住Z跟住b, 有講有笑咁行咗去洗頭, 我硬係有啲不祥預感, 不過...算撚數啦....斷估b只係想睇住我爆炸死, 佢唔會想炸埋一份..

到佢兩個消失咗係屏風之後, 我就行過去望下Z打開咗個頁, 發現...其實...um...是撚但....求撚其啦.....因為個個望落都好似差唔多咁....

隔咗陣b同用毛巾包住個頭嘅Z返到嚟, 坐低之後問我：點呀？有冇邊個ok？

b突然加把口：係囉, 你哋識咗咁耐, 畀啲意見丫？

根據我對Z嘅熟識,我求其指撚咗幾個出嚟, 由八個髮型變成三個：呢..幾個都好呀,你認為呢？
心諗都叫做畀咗意見啦,斷估應該過到骨...

Z拍一拍我：ok喎,我都係睇中咗呢幾個...

我心諗入咗嚟咁耐柒足咁耐, 今次仲唔威番次？ 就即刻懶得戚咁望住佢b, 點知佢連眼尾都冇望過我一眼, 直接同Z講：呢幾個都好呀, 不如呢一個呀？呢度再幫你噴少少色.....

Z：都好喎...咁陣間個裝妝...

b：係呀係呀, 我有啲閃粉可以幫你家係呢到嗰到balbalbal....

兩條女開始喺到吱吱咋咋討論個髮型同化妝, 完全當我透明咁..不過為咗以防萬一, Z或者b是但一個唔覺意爆響口, 我都係企喺附近、扮曬專心咁拎住本髮型書喺度睇, 但其實偷聽緊佢哋講嘢...

隔咗陣, Z見我仲戇鳩鳩企喺到, 就嫌我阻頭阻勢, 指住隻牆角：喂C, 你遮住啲光呀, 乖, 自己去嗰邊牆角搵個位坐低啦....

雖然我哋講緊廣東話b聽唔明, 但憑Z嘅肢體語言,應該都估到發生咩事..就忍住笑, 求其喺張枱面塞咗兩本八婆雜誌畀我：係囉！走開啦你！

無啦啦畀自己嘅前前度同埋前前前....度, 聯手插咗兩刀, 我唯有勁無奈咁話：哦...
然之後戇居居咁, 真係去咗Z指住嗰個牆角、挨住塊玻璃坐低,開始睇八婆雜誌....

雖然我坐緊嗰個位, 已經唔可以再偷聽到Z同b講乜嘢, 但係間唔中都會聽見佢哋啲笑聲..

暫時睇落佢兩個相處得都幾好丫...？所以我就決定靜靜地繞過佢哋, 行出salon坐上車食支煙, 消磨下時間.

坐底點著支煙之後, 透過塊玻璃望返入去, 見到佢兩個繼續好似有講有笑咁...

心諗, 我帶Z過嚟set個頭化個妝啫, 斷估就算Z搬咗過嚟呢邊, 都唔會特登過嚟揾b剪頭髮丫, 始終呢間野一啲都唔平...

而且只係介紹自己個前前度俾自己個前前前...度識...啫, 咪即係等於介紹自己隻右手俾自己隻左腳識, 成件事概念上無分別㗎！

我又唔係約埋佢哋去搞3P...

所以...應該.....

冇問題啩？ ...

諗到呢度, 我大大力吸咗啖煙、呼返出嚟, 再隨手拎起頭先Z飲淨咗嘅cappuccino飲咗啖, 之後繼續諗...

係囉, 冇問題㗎！

me and z極度清白囉, 點會無啦啦因為介紹我個前前前...度畀佢識, 我同佢嘅關係就會爆炸呢！？

Z作為我嘅前前度, 佢都識得我而家呢條女D啦!咪又係一直相安無事!

前排Z仲陪我為咗D嘅聖誕餐去試菜㖭, 所以都唔明點解我同Z身邊啲人成日亂諗嘢...

啲人真係...

唉...

我同Z嘅關係, 你哋啲外人真係唔會明...

因為..有時連我自己都唔撚明...

有D似自己呃自己喎

不願置評

其實你有冇機會搵返z 或者最多加個facebook都好呀 反正清白嘅

仲有keep住​聯絡喎

故事角度睇
係咁講無事咪即係就出事

睇嚟禾又失憶

咁其實如果可以再選擇多一次，咁多個入面可以選一個可以走埋下半世，唔計依家個老婆，你會揀邊個？會係Z定J?定係K

等睇爆炸

一定唔係K