［是咁的］ 我喺加拿大住咗十幾年, 識到一個女仔叫Z...（3）

我：喂, 有冇多隻牙刷呀？

Z：放咗係廁所洗手盆啦！

我：唔該唔該....

戇鳩鳩刷完牙、洗埋個面, 行出嚟見到Z間房道房門又未閂、盞燈仲著住, 就諗住過去同Z講聲早抖, 順便幫佢熄燈.

我：喂！早抖呀！

Z：吓？哦？早抖？

我：做咩呀戇鳩鳩咁嘅？你想熄燈瞓定開燈瞓呀？

Z：熄啦梗係, 留返嚟做光合作用咩？

我：丫屌...

拍熄咗個燈掣之後, 我就準備幫佢閂門, 之後落去樓下.

Z：喂？去邊呀你又？

我：吓？瞓覺囉..

Z：係囉？咁你仲行嚟行去？

我：吓？我諗住瞓梳化咋...

Z：吓！？我仲以為孖舖添？

我：冇呀, 見你樓下將梳化坐落幾舒服,諗住試下瞓咋...

Z：痴線嘅, 我冇多張被呀！過嚟啦！
講完就拉起咗一邊被畀我.

我：哦...
聽見佢咁講, 我就捐入去Z個被竇：真係好鬼曖喎...

Z冚返好張被之後就話：多謝我啦, 瞓暖畀你..

我：多謝.
瞓喺Z隔離, 感受住佢嘅體溫, 我覺得自己心跳又慢慢加速....

Z：你知啦, 我哋剛剛簽約無耐..一陣你係樓下凍鬼死咗、間屋變凶宅, 我都唔知點賠..

我：丫屌...
聽見佢咁講, 我心臟爭啲停頓咗唔識跳...

..到第二朝瞓醒, Z已經唔係隔離, 我係張床上面碌多兩碌之後, 就決定起身去刷牙.

幫我喺廁所刷緊牙嗰陣, Z無啦啦捧住一個生菜行入嚟, 問我：喂, 食唔食沙律？

我咬住支牙刷答佢：好呀...

Z：一半？
講完就伸直手掌, 放喺個生菜嘅正中間.

我心諗, 呢排好似冇乜點食菜..是但啦, 一半就一半...反正我都幾鍾意食沙律..就對住Z舉高手指公.

Z畀咗個ok嘅手勢我, 就笑笑口走咗去.

到我刷完牙, 落到樓下見到我尋晚隨手放低嗰本達文西密碼, 就攞起手攤喺張梳化到開始睇.

睇睇下, 本來一直喺梳化後面個半開放式廚房切緊野嘅Z突然問我：喂..你架車有保險㗎呵？

我隨口答佢：咪玩啦小姐,冇保險犯法㗎...

Z：咁呀.....

我：咁又點呢？

Z：咁....

我：咁...？？

Z：咁咪好囉.

我：丫屌？？？有嘢就講啦.

Z：冇...我呢...

我：係？

Z：你知我年頭咪考咗G1嘅?

我：小姐你玩鳩我？嗰陣時我車你過去考㗎！

Z：係呀..

我決定放底本書, 擰轉身跪喺張梳化上面望住Z, 睇下Z呢個傻婆又想點.

Z：咁我報咗你講嗰個保險班, 等多幾個月就可以去考試㗎啦...

我：咁咪好囉,但重點係咩？

Z：我前排又搵咗師傅學車,都學咗成個月㗎啦...

我：屌, 不如你直接講你想點啦仆街..

Z：冇...我想你借架車畀我操車咁囉...

我心諗, 屌...依依哦哦咗咁耐..原來咁少事, 就答佢：好呀, 但你要等我得閒或者收咗工先得喎. ..

但somehow Z好似聽唔到我講嘢, 繼續尷尷尬尬咁講.：你知啦, 次次叫師傅黎好貴㗎....

我唯有伸隻手去佢面前, 敲吓塊砧板：小姐？ hello? 我答撚咗你啦！ ok冇問題呀！係咪唔識聽廣東話？

Z：吓？？
Z聽到竟然好似嚇親咁嘅樣.

我望住佢個反應就拗曬頭：叫乜鬼嘢呀你又？

Z：冇、冇呀,冇諗住你咁順攤啫....

我：屌, 咁撚小事, 有咩話順唔順攤？

Z：唔係丫....我之前問過ke同幾個住附近嘅同學,佢地都唔肯幫我...

我：吓！？ke都唔幫你？屌呀？你哋住埋同一間屋㗎喎！
講完我下意識望一望樓上ke間房.

Z：係呀..佢話信我唔過喎...你係我最後希望㗎喇....

我：咁又唔使講到咁嚴重...

Z：總之真係唔該曬你呀...

我：屌..客咩氣丫, 反正就算我say no, 到你到最後你咪又屈鳩我..

Z：唉係喎小C子, 點解我冇諗到嘅？
Z講完勁仆街咁望住我.

我：係囉點解呢？

Z對住我笑得勁燦爛咁話：一定係我份人天真可愛善良.

我：仆你個街丫... 咪住先..

Z繼續keep住佢個懶係可愛樣望住我：係？

我：我想問你練車嗰陣...ke佢有冇睇過你揸？

Z：有呀！頭幾次佢坐喺後面㖭！

我：丫屌...咁我知點解佢唔肯借車畀你...
同時內心即刻向Ke表示萬二分嘅歉意..

Z：丫！咩意思呀你而家！？咁多嘢講！？？唔切啦！！！！！你同我成個食咗佢！
Z張半個未切嘅生菜掉過嚟.

我：吓？！
一手接住個生菜o咗嘴.

Z：小C子！食！！
Z用把刀指住我.

我除咗拎住半個生菜嗰隻手係到震, 同時把口亦都震曬咁問：Err....... 起碼...畀啲dressings我得唔得...？

Z：吓？我冇買呀,諗住就咁食㗎咋, 健康嘛..
講完放低把刀之後, 就將佢砌好嗰啲生菜絲放上碟.

我：我屌.....

題外話, 可能大家都唔清楚當年加拿大Ontario嘅考車制度, 我極速講一次, Ontario嘅車牌主要分成三種, 分別係G1、 G2同 G.

首先你夠秤之後可以去做筆試, pass咗拎G1, 正常情況下係日出之後同日落之前呢段時間只要有個3年以上Full licence嘅人陪住, G1係可以揸車, 但唔可以上highway, 而且車上面冇人可以飲過酒.

而拎到G1之後等一年(12個月)嘅時間就可以排期考G2, 即係一般路試. 但亦有方法可以加快唔使等咁耐, 就係報保險班. 保險班上八個星期、每星期一堂, 大致上係有個師傅同你講解下嗰啲馬路情況呀有咩必須要注意嗰啲無謂嘢, 讀完考埋pass咗, 你個等候期就由12個月變成8個月,而且之後第一年保險都會平少少.

考完G2你就可以一個人揸車, 但唔可以飲酒亦都唔可以上highway.

G2之後再等多一年, 就可以考埋最後一個highway試拎G牌、亦即係Full licence, 酒精含量唔可以超過1.3、同去邊度都得.

好,繼續.

我一路戇鳩鳩捧住個生菜喺到咬、一路望住電視, 剛剛好做緊無線財經新聞, 突然見到條女好鬼眼熟.

我諗咗一陣, 都諗唔起係邊個, 就用手踭撞一撞坐係旁邊嘅Z：條女好熟口熟面喎..你有冇印象呀？

Z啲語氣有少少唔有善咁答我：吓！？作死呀！？你覺得我會識得你啲女？

我：唔係呀屌！我食過我一定記得, 但呢個我肯定冇食過呀,只係覺得佢熟口熟面咋...諗緊會唔會係舊時d同學....

Z 聽見我咁答佢, 個表情正常返, 仲即刻答我：咁一定唔會係bond, 因為我冇印象....除非...係我走咗之後你識返嚟...

我：屌...咁可能係我舊時香港嘅同學？...

Z：C生, 我冇記錯你讀男校㗎喎..

我：係丫, 彩記丫嘛..over the rainbow we will...
我講完順口唱吓校歌..

Z用隻仲拮住塊生菜嘅叉指住個電視機：阿C生！呢條女嚟㗎喎！你間學校出咗你呢個仆街我就知啫, 家吓出埋人妖同變性人呀？你間嘢特殊學校嚟㗎？！

我：丫屌...咁我都有小學時代㗎..

Z啤咗我一眼：你不如話幼稚園丫？

我：嘩,你講起我就醒起, 我幼稚園有個女同學好撚靚,混血嘅...個名叫咩呢？有個鏡字...我淨係記得佢花名叫...

Z未等我講完就打斷我.：妖...我理得佢係塊color con定一座microscope丫,講返呢條女先啦！

我聽見就嚇一跳, 擰過佢望住佢講：吓？你又知嘅？佢花名真係叫做顯微鏡喎..原來你同我幼稚園校友嚟㗎...

Z又繼續用隻叉指住個電視機, 逐個字逐個字咁”鄧“出嚟：呢、條、女、呀！ ...咦？咪住先....啱啱好似見到佢個名...

我：哦哦哦...？
聽見Z咁講, 我就即刻望返電視機嗰邊.

Z：嘩！撞鬼囉, 個名武俠小說style黎喎.

我：吓？叫咩呀？我掛住同你講嘢miss咗...

Z：古..素....蘭？好似係..

我：嘩屌！真係我小學同學..

Z：咁邪？

我：係喎..
心諗估唔到有朝一日, 竟然會係電視機見到個小學同學..

財經新聞完咗之後, Z突然問我：話時話, 你有冇諗過第時生細路？

我：吓？乜你個topic轉得咁快嘅?

Z：冇呀,見到你小學同學個名,就諗第時你如果生嘅話,會叫咩名.

我用塊生菜葉指住Z：用你嗰個囉.

Z聽到就嚇一跳：吓？認真喎？

我好認真咁答佢：係呀, 我一向幾鍾意你個名㗎.

Z：女仔名嚟㗎喎,你又知一定生女？

我：我唔知㗎,但我淨係想生女...

Z揸住支叉遞去我面前, 好似支咪咁訪問我：雖然我都想生女, 但點解呢請問？

我諗都冇諗就答佢：冇呀, 我覺得生個女出嚟, 之後教佢出去溝仔, 點都好玩過生個仔出嚟之後教佢去溝女...

Z即場畀我激到反白眼：啤！





其實..曾幾何時,我真係有諗過,

如果我同Z結婚又生咗個女出嚟,只要個女生得唔係特別樣衰, 又盡得我溝女嘅技術同埋心得, 再加佢老母逼我做小C子嘅淫威, 大咗無論溝仔定溝女, 應該都無撚敵..

唯一問題係...

老母同個女會撞名...

唔撚掂...呢part長到仆街..

copy and pasted都撳到手指痛, 抖下先

我褲都除埋，原來淨係感受體溫 心跳加速

一切嘅謎底已經解開喇！
根本就唔係驚搞唔掂個仔！

回歸靈異元素
高質

做乜成日無啦啦除褲？

開始懷疑你係我一個中學同學, 條友成日上堂都會拎碌鳩出嚟fing fing下, 話驚焗住會生熱肺.

有次上緊堂佢又拎出嚟fing, 個miss見到佢喺枱底旭旭吓誤會佢收埋咗啲乜嘢, 就點名要佢企起身.

我哋成班即刻呆撚左, 之後忍笑忍得勁辛苦, 咁miss見到我哋咁樣就更加肯定佢枱底收埋咗某啲不能見光嘅嘢, 就直接屌佢：

miss：同學！你收埋啲乜嘢！？好即刻交出嚟囉喎！

同學：吓！？miss...好難交出嚟㗎喎！

miss：咁即係違反校規嘅嘢啦！

同學：吓！？斷估唔會啩！？係嘅好大鑊㗎喎, 呢間男校嚟..

miss：男校又點呀！？如果係違禁品就唔帶得㗎喇！

同學：我咪就係話, 斷估呢樣唔係違禁品囉！

miss：係唔係, 校規寫到明！你拎出嚟畀我睇咗先！

同學：吓..miss, 唔好咁啦, 我哋日日都見, 如果我真係拎出嚟, 我驚我哋嘅關係好難維持落去㗎喎...

miss：同學！你講乜嘢呀！

同學：...我哋良好嘅師生關係...

miss：交！出！嚟！

同學：miss你為人師表,有冇聽過海闊天空？

miss：beyond 嗰首？

同學：丫屌, 我指退一步,海闊天空...

miss：同學！做咩講粗口！

同學：sor9呀miss, 一時口快快

miss：又講！同學你再咁落去,我會扣你操行成績分！

同學：我負數嚟喎！你扣到咪扣囉！
（認真, 嗰間學校真係可以扣到負數, 我走嗰年都去到負五十幾）

miss：同學！！！你好企起身喇喎！

同學：miss, 我為你好咋..得饒人處且饒人..

miss：我唔使你為我好！企！起！身！

同學：不如咁啦, 大家萍水相逢...

miss：你唔企起身, 我就行過嚟！

同學：你行過嚟我叫㗎喎！

miss：我就行過嚟, 你叫呀！？

miss放低本書之後極速衝埋去我同學個位,亦即係...我隔離嗰行...因為, 個同學就坐正我隔離.

miss過到嚟之後, 一野拉起咗同學隻手.

之後...

同學：呀！！！！！

miss：呀！！！？！！？！！！！！！！！！！！！！！！！！！！！！！！！！！！？？！？？？？


之後, 係我個同學終於成功突破咗創校以來,最勁嘅負數操行分, 負超過一百七十幾分.

極歡樂靈異故

咁我當時真係咁諗, 而家年紀越嚟越大,真係覺得自己搞唔掂個仔..

各位睇咗咁多我嘅經歷, 應該明白出現個Jr貓靈, 對呢個世界唔係一件好事

唔係吖, 對K Jr & Z Jr都會係好事

K Jr同Z Jr呢啲嘢我自己受返咪得囉, 無謂禍延下一代

黑森林前前後後柒進柒出
靈異鏡陣辟邪辟鬼，勇嘗血鮑魚
仲有生命值硬接敦倫馬拉松

Jr 貓靈只需得其父任一之羽毛麟刺
必為人中龍凰

無懼後欄!男既都屌桶

搞到我係車笑到喊

100%真人真事.

嗰年我同佢一齊畀人趕出校之後, 我過咗加拿大, 而佢去咗深水埗嗰間、傳說中全香港最撚差嘅中學能仁.

然後, 佢考全級第尾.

成功得到全香港最差嘅F2仔嘅虛名.

可喜可賀