［是咁的］ 我喺加拿大住咗十幾年, 識到一個女仔叫Z...（3）

Z：小C子.
Z連嗚嗚聲都唔發, 直接強迫我美少女變身.

我：仆街.

Z：幫我一次咁多啦....

我：唉.....

Z即刻拍曬手咁話：好野！我隻小C子最好, 不枉我養到你咁大！

見到Z笑得咁開心...心諗既然迴避唔到..唯有接受命運, 不過點都要試吓喺命運度攞返啲著數, 就拍吓Z個頭, 同佢講：喂, 請食飯呀.

Z：勁窮喎, 爭住先得唔得呀？最多下一篇先一次過請你食飯...

我：吓！？又話幫你一次咁多, 仲有下次！？

Z：有可能㗎...做人留定後路先丫.

我：我屌, 你留條後路托咩, 不如直接走佬算啦！

Z勁認真咁望住我講：咩呀！？我留畀你㗎！

我：吓？！留畀我做咩呀！？

Z勁sweet咁望住我：等你可以多個藉口見我囉！

我：啤....
當場畀Z激到我反白眼.

係好多年之後先知, 原來見你真係需要藉口, 唔係需要一個藉口約你出嚟, 而係當我自己畀生活入面好多煩鎖嘅事情困擾住嗰陣, 俾自己一個藉口俾自己去見你.

啤 勁撚甜

新年快樂呀大C
恭喜發財利是逗來

係囉
睇到我糖尿病末期

Lm

k瘋狂拍拍拍又甜、z之間嘅無性互動又甜, 你哋啲甜咁難界定嘅

新年快樂

老婆好似唔想派利是畀個佢唔鍾意嘅人個女,所以唔肯去拜年

可能遲下會苦到仆街, 平衡返

突然間突發奇想, 如果將所有經歷故合埋一齊會發生咩事

點樣合埋？
想出書寫故事合集?
定順序寫貓巴的人生online?

唔係呀, 頭先沖沖下咖啡嗰陣突然間喺到諗, 如果跟時間線將所有經歷, 一炮過合埋落一個到, 會發生咩事

正常版 貓巴的人生online

因為始終橫跨嘅時間太長
本身錄緊Z嗰陣,有時我都會睇返其他經歷,驚自己記錯咗個時間.

正當我操控住一隻白色嘅狗狗, 好努力咁對住隻類似石頭怪嘅物體畫緊圈圈嗰陣, 突然電話響, 開頭都諗住唔鬼理佢, 打埋隻boss先算..

但當響度到二次、我眼尾稍到個來電顯示嗰陣,就即刻拎起個電話, 夾住喺膊頭同耳仔隔離.

Z：喂！忙緊呀？唔聽我電話？

我繼續控制住隻白色狗狗跳嚟跳去：冇呀, 冥想緊.

Z：妖..你篇嘢寫成點呀？

我：um....都係咁囉？

Z：你有冇寫過㗎？

我：有呀...應承得過你, 我實會做嘅....

Z：係至好呀你..

我：最多爛尾啫..

Z：丫你條友....

我：係到.

Z：咁你有冇底呀？email咗嚟睇下先?等姐姐幫你搞搞佢..

我：吓！？咁大鑊？你知我唔識打中文呀...e個空白嘅word file畀你得唔得呀？

Z：吓？咁你個底係邊呀？

我：手寫係張紙到囉..

Z：哦..咁ok啦, 你唔識打唔緊要呀,識寫咪得囉！ Yahoo 有手寫板丫.

我：丫屌..咁我都知...

Z：你求其send住個頭嚟先啦..

我：吓...

Z：小C子！你咪以為我聽唔到呀, 放低你個手掣！

我：係係...

收咗線之後,我極度唔願意咁放低玩緊okami個手掣, 行過去開電腦上yahoo HK...

當我逐隻字逐隻字用mouse畫咗出嚟、copy and paste 咗落個word、再email咗俾Z之後, 正準備瞓返上床繼續打機嗰陣,電話又響...

Z劈頭第一句就話：鐵軌之彼岸？攪咩呀？坐火車去旅行呀？

睇嚟佢已經收到個email仲開始睇緊.

我：都有少少關聯嘢........

Z：Varna...篇？

我：是但啦..名嘅嘢好死嘅...叫阿貓阿狗都得..可以再改....

Z：um....記得....曾聽説過有一部份的畫家,能够將所見到和感到的事物;不論是生物或是死物全數化为簡潔的線絛.是真..還是假的...我不知道.

我並不喜欢作畫,也不懂得作畫,所以,没有可能成為一位畫家;更加不可能把世上的一切化作線條.

但是當我發現自己能夠看到別人的"顔色"時,我還是天真的以為,我是有資格成為一位畫家的.

對我來說,世上一切的生命也只不過是由一種種不同但又相似的颜色堆切而成,誰也没有什么大不了.

不管認識或從不相識到只是從我身邊擦身而過的一位默生人,代表他們内心的"顔色",真情假意情仇慾恨....

只要是有生命的;便有所謂的個人思想...就算他們花一輩子的時間,也不過是在思考如何去討好或計算別人....他們還是自認為那便是代表自身是世上"最高級的生命體"的証明.

人,天生就有各種感覺,如視、嗅、聽、味、觸這五種基本的感覺, 而建基於這五感上的其它特别感覺,通稱為"第六感".而有這種能力的人就有可能成為"特別的人",如"感視張來"的先知或"感聽靈言"的通靈人等等.

但可惜,我的能力並不是像他們一樣;是種感覺.

我並不是擁有超人感覺.

我只是擁有一種比較少有的"病", 一種寄存在眼睛的“病”.

當腦部在思考時,會産生出一種特別的汾泌和電波活動.而我的"病"就是能夠捕捉到這千分之一秒的瞬間,强迫讓我把別人的"心理"看透.

没有錯,是"被強迫性"、"看" 和"心理".

從一般的病歴記錄,這種病的患者,也都活得不久.

而且死因都是因為自殺.

基本上,如看透特定目標的思想,並在識當的時候给予並滿足其慾望,便能夠在其心理上變成神一樣的存在.

但,那種情况只是針對單一的目標,一個獨立的生命體.

而且是被迫的去看透,不是隨我意願主動的感受....

聽住Z隔住個電話大大聲、但又好認真咁讀自己寫嘅嘢....

梗係好似羞恥play、某程度上仲變態過我同K各種野外露出咁...

Z終於讀完我send畀佢過一部份,勁興奮咁話：喂！！ok喎小C子！！！！

我：Err...暫時覺得ok嘅..
講就咁講, 但其實我係希望Z唔覺得ok,咁我就唔使再寫落去...

Z從充滿期待嘅聲線問我：咁之後點呀？

我：err....冇呀..我咪諗住總共寫12個有唔同病患嘅人,自殺之後坐上咗一架類似銀河鐵路999咁嘅列車, 齊齊尋找某啲嘢嘅故仔囉..
心諗,仆街啦今次, 早知揸流灘、亂鳩咁寫算數..

Z：um...好似幾好咁喎..但點解係12個呢？

我：咁一年12個月呀嘛, 一個月一篇, 夠你呃足一年啦...

Z：吓..但我仲有大半年就畢業啦喎..

我：咁仲好！ 一係寫少啲, 一係直接爛尾囉！

Z：妖...咁請問佢哋尋找乜嘢呢？呢位先生？

我：唔....一時三刻未諗到...青鳥maybe?

Z：吓, 玩咁大？你得唔得呀..

我：唔得㗎,所以咪同你講諗住爛尾囉..

Z：小C子！

我：盡力啦盡力啦...

Z：係至好講呀你....

我：真係睇吓忙唔忙架小姐, 忙嘅我都幫你唔到...

Z：係喎, 你而家好似跑兩份？好唔好做呀？

我：打份工啫, 冇話好唔好做, 有錢收咪ok囉...

Z：唔係呀, 一陣你又遇到個jimmy哥....

我：唉...咪又係同一個老細..

Z：吓乜咁㗎？！

我：係丫, 出面開檔都係genius請我嗰班..

Z：咁你而家開緊邊間舖呀？

我：而家？咪Warden同steels嗰間味精拉麵囉...你講起仆街老細, 味精條肥佬就真係世界級垃圾嚟啦....

Z：肥佬？前排上個潘宗明節目嗰個？

我：咪臭閪囉..

Z：我仲記得佢話咩...拉麵上面嗰兩塊叉燒係過吓口引, 所以切到咁薄..咩重點係個麵質同湯底....

我：屌佢老味啦, 麵質同湯底！？陰質就有佢份...唔好話康師傅, 連Mr Noodle 都好食過佢啲垃圾...

Z：咁嚴重？仲諗住搵日去試㖭...

我：咪呀你, 你同你班friend咪撚過嚟食添呀！一陣食撚死咗唔好話我冇單聲你聽.

Z：係係係..收到曬...

見Z靜咗幾秒, 正當我諗住偷雞爬過去攞返起個手掣嗰陣, Z突然講：話時話, 你講起食嘢...

我決定將拎起個手掣嘅動作, 改為熄機：唉...你肚餓？

Z扮曬驚訝咁話：係呀！你又知嘅？

我：扮乜撚丫, 呢個時候無啦啦搵我,唔係肚餓仲有啲乜丫...

Z：唔係呀, 我真係想打嚟問下你篇文寫成點..不過剛剛下肚餓咋嘛...

我：擺到明你根本就係肚餓...

Z：嘩好窩心、好感動...你真係好了解我呀...

我：仆街丫你..咁你想食咩呀？

Z：我....想試吓喺屋企對面嗰間韓國野.

我：吓..家吓夜媽媽, 出邊又天寒地凍喎..

Z：係呀, 所以咪搵你陪我去食啲熱辣辣嘅嘢囉..

我：Er...
聽見Z咁講,我本身都有啲心旭旭..但出面真係天寒地凍, 諗起出去食餐飯, 又要換衫又要warm車, 喺個被竇入面攬住隻貓嘅我就有啲唔願落床...

Z見我唔出聲,又補多句：你知我每次夜媽媽肚餓,第一個就諗起你㗎！

我：我知, 你有邊次唔係無啦啦失驚無神, 夜晚刮我出去食宵夜㗎...

Z：咪係囉,睇我幾有你心！

我：一定係啦....

Z：你都feel到呢！

我嘗試掙扎下：不過...其實你肚餓諗起我托咩,又唔係可以切忽肉出嚟畀你食...

Z：小C子！

Ok fine.

我：丫屌...我大....半個鐘...後過嚟接你.

Z：好野！

我：AA喎.

Z：Ok啦, 你到咗call我.

我：係係....

係千辛萬苦搬開咗隻貓、爬落床躝過去換衫、再碌落樓下食住支煙warm車之後, 終於揸到過去Z屋企樓下.

可能時間關係一街都係位, 隨便泊好車, 就落車食支煙, 順便打俾Z：喂樓下呀, 落黎吖.

Z：得得得....好快...

等咗大約五分鐘, 就見到著住件毛毛軍褸嘅Z行出大棠門口, 仲即刻雙手插袋凍到縮埋一舊...