48 Like
10 Dislike
貓靈
2023-01-21 16:14:36
循例開新post一定冇故, 所以習慣咗我一開post就狗衝入嚟留低幾百個負皮、然後拍吓屎忽走咗去既巴絲, 機會嚟喇
Btw, 估唔到竟然畀我拖到出到（3）...真係多謝各位肯屌住嚟睇
雖然長氣,都係又又又溫馨提示多一次.
如果有邊個發神經, 冇睇過我之前一系列嘅加拿大經歷就撳錯掣、手多咗入嚟呢個post嘅話, 最好...都係返出去睇返下面個list先...
［是咁的］我喺加拿大住咗十幾年,成柒日撞鬼
https://lih.kg/3190246
［是咁的］我喺加拿大住咗十幾年,睇住個好朋友黑化最後畀人遞解出境
https://lih.kg/3205087
［是咁的］我喺加拿大住咗十幾年, 讀書嗰陣識到條女爭啲畀佢強姦到不舉
https://lih.kg/3209711
［是咁的］我喺加拿大住咗十幾年, 讀書嗰陣識到條女爭啲畀佢強姦到不舉 2
https://lih.kg/3216095
［是咁的］我喺加拿大住咗十幾年, 因緣際會食過一班各有特色嘅囡囡
https://lih.kg/3219018
［是咁的］我喺加拿大住咗十幾年, 因緣際會食過一班各有特色嘅囡囡 2..
https://lih.kg/3237275
［是咁的］我喺加拿大住咗十幾年, 識到一個女仔叫Z..
https://lih.kg/3251549
- 分享自 LIHKG 討論區
［是咁的］ 我喺加拿大住咗十幾年, 識到一個女仔叫Z..（2）
https://lih.kg/3268700
唔係hard sell, 我一向食開負皮卷, 有芋頭嗰隻, 簡直係我最愛.
只係因為而家呢一個Z故, 將會係橫跨曬我住喺加拿大嘅咁多年, 曾經喺其他故出現過嘅人物當然全部返曬嚟
為免突然之間有啲人物出現, 但你唔知佢係邊個然之後狠狠的負皮我, 不如你而家直接負皮, 去睇多次先返入嚟穩陣啲...
至於有人問嘅時間線, 其實已經用故事入面嘅物件, 例如遊戲、電影、電視劇甚至SARS等等去暗示曬, 唔好再問.
循例補多句
我愛老婆
我老婆世一
貓靈
2023-01-21 16:18:26
正如（2）尾所講, 我仲未返到屋企, 就算返到去都要幫老婆手整蘿蔔糕...
所以大家可以一邊聽著我（同Z）最鍾意嘅歌, 一邊大大力留負皮
祝係世界各地嘅巴絲, 農曆新年快樂.
二寶糖
2023-01-21 16:21:22
Lm
侵習
2023-01-21 16:34:02
農歷新年快樂樓豬
祝你嚟緊一年會比K搵到再嚟多次男人最痛
金珉周世界第一
2023-01-21 16:44:16
新人留名
笑死蝦蝦
2023-01-21 19:27:41
新年快樂
祝樓主同k好快又再重逢
貓靈
2023-01-21 19:40:34
農曆新年快樂
我都祝你會搵到你嘅屬於你嘅K, 體驗下男人最痛嘅滋味
貓靈
2023-01-21 19:41:08
祝你有機會遇到K
柒碌勇
2023-01-21 20:35:07
留個名先
杆敲掃高
2023-01-21 21:29:58
新年快樂
祝樓主今晚發夢同全部食過既囡囡團年
Asurada
2023-01-22 01:02:47
食左2日炸腐皮芋頭卷
貓靈
2023-01-22 11:18:34
我跟住Z入𨋢嗰陣, 已經忍唔住講到明：你陣間咪嚟呀, 玩第四次㗎啦...我唔厭你都厭啦吓話...
Z淨係係到陰陰嘴笑唔出聲. 結果一出𨋢,Z果然都係一支箭咁標撚咗返佢屋企..
我都費事睬佢, 係後面慢慢行算數..
果然幾秒鐘之後我電話響...Z：你喺邊丫？到未呀？
我企喺佢門口：唉....到啦...快啲開門sup鳩我啦...
Z果然一打開門, 就講：surpr！？哎！？
我：Pie你個頭.
我連畀機會Z講曬成句嘢嘅興趣都冇, 一嘢就撳住佢個頭推咗佢入屋.
Z：哎......
Z一路畀我撳住個頭, 一路掙扎仲發出啲怪叫聲.
一入到去, 竟然見到ke坐咗喺廳睇緊電視, 佢可能聽見Z啲怪叫聲, 就擰過嚟講咗句：夜媽媽你叫乜鬼..咦？
貓靈
2023-01-22 11:18:53
但見到我就好驚訝打招呼：大C過咗嚟呀？
我見到ke都嚇一跳：喂?乜又見到你呀？又同Z一齊住呀陰公...
仲畀我撳住個頭嘅Z扁曬嘴咁講：有幾陰功呀？大把人恨都恨唔到..
Z一開口, 我同ke竟然同時間出聲：實係啦...
不過, 我把語氣只係唔信, 而ke把語氣係充滿後悔...
我隻手繼續撳住Z個頭, 而Z亦都放棄掙扎, 由我嗰隻手放喺佢頭上面, 自顧自行咗去攞酒飲..
搞到我反而要跟住佢行...
我一路行一路望住ke講：頭先唔一齊走？車埋你吖嘛.
Ke：冇丫, 諗住你哋兩個咁耐冇見實會有下場, 今晚應該唔返黎, 我費事阻住你哋啦.
Z：有下場呀！
我：吓？乜有㗎咩？
Z：....咪返咗嚟囉....
貓靈
2023-01-22 11:19:11
聽到Z把聲閪閪地,我即刻扮聽唔到,嗱嗱聲轉話題先....：呢度好似大過你哋之前嗰間？
Ke笑住講：係呀, 最少我嗰間房唔係太陽房, 有返隻窗.
我：咦係喎, 你之前唔係話搬去..
講咗一半, 我feel到有啲殺氣, 由開咗廚櫃攞緊酒嘅Z傳過嚟, 嚇到我即刻收口.
可惜已經太遲...
Ke好無奈嘅語氣答我：散咗啦..
我直嘅有啲尷尬咁話：err....Sor sor...
Ke：Ok啦..
講完就好瀟灑咁揮一揮手.
我心諗...屌丫...一晚連續講咗兩次野, 睇嚟我都係出少句聲好啲...
Ke見我冇出聲, 就繼續講：不過而家呢到返工返學都方便嘅..
我：哦？搵咗嘢做呀？返乜嘢呀？
Ke：高麗村丫.
貓靈
2023-01-22 11:19:29
我：Midland？
Ke：係丫.
我：咁得閒我過嚟食丫, 韓燒ok㗎我..
Ke ：可以呀, 你過嚟之前記得打畀我, 我喺到嘅打番個折畀你丫.
我：咁多謝先喎..
Ke：客咩氣, 又唔係我袋..得閒咪過嚟搵我吹下水囉, 你記得畀小費我就得...
我：你又啱...咁你而家係讀child care定early childhood education話..？
Ke：兩樣都唔係, 我讀..
飲緊紅酒嘅Z突然加把口打斷ke：佢男人老狗讀education 架, 仲要係小學嗰隻...擺到明心理變態, 諗住玩幼幼啦...
Ke：Er... 我心理變態就chird care啦, 0至5歲..
我諗都冇諗就答ke：屌, 咁細個咪淨係得屎尿屁？梗係小學生好玩啲...
Z：係呀係呀, 我見有啲發肯得唔差㗎....
我：咁咪正丫, 長腿叔叔都慳番..
貓靈
2023-01-22 11:19:48
Ke：Er... 點呀你兩條友, 咁耐冇見, 一返嚟就槍頭一致對住我係咁掃, 做乜鬼呀..
Z懶得戚望一望我, 之後同ke講：我哋不嬲都係一致對外㗎喇！
Ke：丫屌....唔想我做電燈膽咪出聲囉...
Z：係丫, byebye ~
仲一路講一路對住ke喺到揮手, 趕佢返房.
Ke勁無奈咁話：丫屌..我返入房囉咁....
講完順手熄電視起, 身準備行返入房.
Z見到咁, 就用拎住杯紅酒對住我：：Cheers~~
我笑住答佢：Che條毛咩, 我水都冇杯...
Z唔使驚訝咁講：丫係喎..你唔早講？
我：小姐呀, 入嚟咁耐我淨係拎住你個頭咋...
Z hea答：哦..咁che我個頭囉..
我：好呀.
講完就一隻手撳住Z個頭、另一隻手就揸住佢揸住隻杯嗰隻手亨埋一齊..
Z即刻慘叫：哎吔....
Ke：唉..你兩個真係..望得多都洗眼...
見到咁一路擰曬頭, 一路閂房門.
貓靈
2023-01-22 11:20:15
到ke閂埋門之後, Z摸下自己個額頭就問我：你想食支煙先, 定參觀吓我間房先？
到我hea答Z：參觀吓你先得唔得？
之後直接攞支煙出嚟.
Z一口氣飲曬杯紅酒之後：妖..咁我沖涼先啦,你食完煙自己入我房.
我：係係...
行到出騎樓, 食緊煙嗰陣我仲無聊到周圍望, 睇下可唔可以認得返TL住嗰間屋...結果當然係搵唔到啦..
食完煙行返入Z間房, 發現格局同對上一次佢住嗰間apartment都係差唔多, 只係大咗少少咁..
到底係因為我之前同佢係ikea買嘅嘢全部原封不動喺返曬到, 令我有錯覺丫？定係Finch呢頭啲apartment間間都一樣樣呢....
下意識用手指敲下之前同佢買嗰張冇窿嘅枱, 先諗起原來對上一次同佢去ikea, 已經係幾年前嘅事...
好彩, 我同Z之間未至於人事全非...
無聊喺到等Z嗰陣, 就摷下佢書架有咩書睇,見到本叫做蛋白質女孩嘅, 因為Z平時會有幾本佢稱之為言情小說、但我睇完覺得似色情小說嘅書...
貓靈
2023-01-22 11:20:38
開頭見到個名, 以為係射到一面都係、玩汁男嘅咸書,就順手攞出嚟睇咗幾頁, 睇睇下發現幾好笑, 就坐係幾年前買嗰張ikea摺凳到慢慢睇.
睇睇下Z沖完涼、用條毛巾捽住啲頭髮行返入嚟：喂, 咁靜局？搞緊咩呀？
我：睇緊你啲咸書..
Z係另一張櫈坐低、放咗條毛巾喺枱面之後, 用手指篤起咗我拎住嗰本書就話：哦？睇呢本呀, ok好笑架.
我：係喎, 個作者痴線到每句說話都係押韻喎...
Z：係呀,我嗰次喺p mall間書局無聊打書釘嗰陣,見到幾得意咪買返嚟睇下囉...喂, 遞個風筒畀我...
講完就將塊鏡拉去佢面前.
我拎起咗嗰個風筒之後, 就同佢講：我嚟啦...
Z聽見就即刻坐定定喺張櫈到：咁好死？
我：我費事一陣不得好死啫...
Z：超..
等我幫佢吹咗幾分鐘之後, Z合埋眼、懶enjoy咁講：對上一次有人幫我吹頭髮..都係幾年前lu..
我：對上一次？邊位幫你吹呀？
貓靈
2023-01-22 11:20:58
Z登大眼望住我：咪你囉！
我聽見個心即刻旭一旭, 口痕問句：丫屌..咁耐都冇人幫你吹過咩？
Z諗都唔諗就答我：冇丫.
等我八卦多兩句先：係無人丫, 定係冇人幫你吹呀？
Z一臉天真咁透過塊鏡望住我：兩樣都冇.
我扮曬唔信咁hea答：係咪呀....
Z直接一刀捅過嚟：我邊似你咁犀利, 可以一個接一個丫.
我：Er...邊有呢...
心諗, 我邊有一個接一個呢.. genius 已經亂到人疊人....
隔咗陣, Z見我鵪鶉唔出聲,佢就自己繼續講.：喂, 我今年join咗york嗰華人學生會, 勁忙丫.
我：吓？玩學生會咁有雅興？
Z：係呀, 遲下仲有幾篇文要寫, 貼月刊.
我：嘩好似好犀利咁喎..
Z懶自豪咁答我：都幾㗎.
我：丫屌.
貓靈
2023-01-22 11:21:21
一瞬間, 我就喺到諗, 如果當然唔係BIC搞到一鑊泡....我會唔會有機會讀大學...呢？
如果我真係有機會讀大學...我同Z嘅關係會變成點呢？
會好似其他朋友咁樣, 各散東西？
定係取代咗Ke個位置, 同Z同一屋簷下？
不過點都好, 斷估都應該唔會係而家幫Z吹緊頭髮嘅我..
喺我亂諗嘢嗰陣, Z突然講：話時話, 記唔記得你之前係bond嗰陣, 應承個幫我寫小說？
雖然我記得應承過Z呢件事, 嗰陣仲無聊到玩接力小說, 我同佢一人寫一篇....
但呢一刻突然聽見Z咁講, 再加埋前文後理, 我完全覺得伏味濃, 唯有死撐：吓？我有咩？
Z扮到勁驚訝咁望住我：吓？你冇咩？
我繼續扮無辜：我冇呀..
Z啤住我：你有囉！
我：我冇囉..
Z咪起對眼望住我：我肯定你有！
貓靈
2023-01-22 11:21:40
我雖然....有預感好快聽到幾個字, 但我決定垂死掙扎：我肯定我冇...
Z：小C子！
Bingo.
我：丫屌...咁有囉.....
Z：咪係囉,我邊度會記錯.
我：你條仆...
Z：hmm哼哼！
我：唉.......係係係, 就算有咁又點？
Z理直氣壯咁講：幫我寫囉.
我：喂小姐, 你join咗咋喎, 我連學生都唔係喎...
Z耷低頭捉住我隻手係咁搖：幫我啦幫我啦幫我啦幫我啦...我就黎忙到死㗎喇..嗚嗚嗚嗚..
我：你喊得再假啲丫仆街.
Z聽見我咁講即刻抬高頭望住我：你係咪幫我先？係嘅我ok㗎......嗚嗚嗚嗚...
望住Z條仆街連扮喊懶得扮, 直接望住我發出d嗚嗚聲, hea撚到...
我：你畀啲誠意好冇..
