［是咁的］ 我喺加拿大住咗十幾年, 識到一個女仔叫Z...（3）

K 而家應該更大食，希望樓豬保重

講到咁清楚, 好似你都食過咁喎, 不如幫我頂多一年丫？

有幾發達

唔會啦

早晨小C子!文呢!!??

仲做緊裝修呀, 屌你老母玩到電都斷撚埋

希望一年後有K故更新

加拿大阿省（Alberta）城市卡加利（Calgary）的華埠，一個農曆新年後放置的兔仔冰雕，上周五被人砸碎，華人對此感到非常難過。

溫哥華係咪最安全？

樓主呢

靠你喇！加油！

諗起舊時住paris嗰陣, 成班friend成日都係學校正門嗰邊食煙, 然後馬路對面係住宅區同醫院.

其中一間屋冬, 天嗰陣堆咗個成個人咁高嘅雪人出嚟, 我哋食煙嗰陣成日都會見到嗰個雪人.

後尾唔知邊個講起, 佢覺得個雪人好似越嚟越靠近條馬路..

開頭成班都以為佢眼花, 但後尾我哋全部人都覺得每次見到個雪人, 佢都好似向前旭咗少少, 越睇越恐怖, 但係我哋又唔夠膽過去近同個雪人黎個親密接觸..

所以我哋冇再去嗰一邊食煙, 下意識怕撚咗個雪人.

直到有一日返學嗰陣, 發現個雪人已經身首異處, 應該係somehow佢行咗出馬路之後俾d車撞到爆曬..











成班驚咗幾日, 後尾溶雪嗰陣時先發, 現原來嗰到本身係一個暗斜嘅草披地, 可能係個雪人放得耐, 個底開始慢慢溶雪, 然後就順住條斜路, 逐少逐少咁跣出去馬路..

喺到

冇話乜嘢安唔安全㗎喎, 香港都有元朗國同流浮山刀手啦

係genius玩吓血漿驅吓鬼、鳩fing fing咁過咗排, 有晚我見終於冇約人, 就同Z去咗食宵夜.

食完之後, 準備車佢返屋企嗰陣, Z上咗車纜好安全帶之後突然講：喂！我個生日願望呢！？

我剛剛撻著架車, 即刻嚇一嚇：係？咪你生日嗰陣用咗囉, 又想要多個呀？農曆新曆過曬啦喎...想快就整個死忌丫..

Z：玩嘢呀！

我：大佬呀, 年年有生日, 鬼知你講邊個...

Z：上個月嗰個呀！

我：上個月？乜你講到好似個個月都有得生日咁嘅....

Z：小！

我：得得得！全部記憶返曬！

Z：妖！我下個星期deadline啦...

我：咁都仲有成個星期丫？我哋呢啲deadline fighter嚟㗎嘛, 無事嘅...

Z：deadend fighter就有你份！

我：dead乜都好啦, 仲有時間...

Z：係咪㗎...

我：係呀得㗎喇...

Z：唔好啦...都係而家捉你返我屋企拿拿聲寫完佢, 穩陣啲...

我：唔使咁嚴重吓話....

Z：小C！

我：我屌丫！今日天朗氣清！絕對適合作文..

死死地氣上咗Z屋企, 一入屋就畀佢拉咗上房, 一野推咗我落去佢張櫈到之後, 再連人帶櫈推我埋書枱面前, 跟手拎咗支筆同埋一疊紙畀我.

Z：寫啦！

我：喂！你玩到逼良為娼、簽賣身契咁,想點呀..

Z：係呀！家下就係賣你畀我學生會本月刊！

我：err.......

Z拍咗我個頭一下：仲err...,諗下寫咩好過啦！

我：係囉...突然捉我上嚟..你叫我寫咩好？..

Z指一指佢書櫃, 之後話：自己去揀本, 拿拿聲睇完之後嘔一篇出嚟！

我：哦....
應咗Z一聲之後, 我就慢慢企起身、同時隻手偷偷地伸向我坐低之前, 隨手放係枱面嘅銀包同埋車匙嗰個位：咁我順便去食支煙都得啩....

Z：都得, 不過....
講完就一手搶走我個銀包同車匙：呢啲嘢我幫你保管住先....

丫屌....

我：但包煙喺架車度喎...

Z：傻豬嚟嘅..
之後指一指佢隻窗：我睇到你㗎嘛！你行到過去架車度嗰陣, 我幫你“咇”門咪得囉！

丫我再屌....

我諗咗諗、就決定搏多鋪：得唔得㗎？一陣我行到過去先發現, 咁遠開唔到咪死？

Z：咁..最多我陪你一齊落去？

丫我屌屌屌....

既然逃走計劃失敗, 唯有好無奈咁起身, 行去書架到望一望：咦？Milhouse？乜你都有睇佢㗎咩？

Z：Milhouse？邊個嚟㗎？

我係書架拎咗本陶傑出嚟, 對住Z揮一揮：呢個Milhouse...

Z行返去佢張床到、坐低之後攞張被包住自己：妖..之前喺你嗰到過夜嗰陣, 無聊拎過嚟睇, 都ok丫..嗰日行過pmall見到有特價, 咪買本返嚟看門口囉..

我：你買嚟看門口就擺喺樓下啦？擺喺度托咩！？

Z：你理得我丫, 看我個房門口唔得嘅！？

我：咁都得.....

Z：你知你個書架唔係雲海就係game weekly, 得呢本我睇得下㗎咋..

聽見Z咁講, 我個腦突然叮一聲：喂！呢本可唔可以寫呀？

Z：吓？散文嚟㗎喎？

我：咁一係我寫你嗰的咸濕小說丫？本本唔係亂倫就偷情, 我有信心寫得好撚好睇㗎！

Z：言情呀！

我隨手拎多本“言情”小說出嚟：你決定呀！呢本睇個封面就知不得了, 條女前凸後趷又少布..最多筆名我用骨精強...

Z舉高我個銀包, 好似想掉柒我咁樣：你試下！？

我見到咁就心諗, 你係掉就快呀..連埋車匙掉過嚟最好, 就決定繼續講落去：咦唔係喎...係加拿大係咪應該用英文筆名好呢？boney strong? 丫譯漏咗隻字..the spirit of bone strong好似好啲....定係Mr strong, the spirit of bone好呢？...

Z諗咗諗,之後歎咗口氣、收返埋隻手入張被入面：唉....是鬼旦...散文就散文...有嘢交到就得....

我：嗱！你話㗎？出咗事唔好搵我呀！

Z：係呀係呀！快啲去寫啦你！

我：哦....食埋支煙就去...

點解我咁堅決要揀19才子呢？

好簡單, 因為呢本散文我屋企都有, 而且前排屙屎嗰陣已經分幾次睇撚完, 所以對比起突然之間拎本書出嚟要我由頭睇到尾, 呢本我真係即刻可以鳩噏過千字無難度...

食埋支煙返上樓, 就開始寫呀寫..寫呀寫...半個鐘就搞撚掂, 可以交功課比Miss Z.

Z本來仲匿埋喺張被入面用notebook睇緊戲, 見我突然間就交功課, 就呆撚咗望住我：有冇咁快呀...

我：收野啦 S C K！我去個廁所之後出去食煙呀..

Z：丫！？....
Z聽見我響佢全名, 喺張被入面爬番出嚟、坐返直個人, 接咗嗰張紙：靚仔, 你唔好玩野喎！如果你求其寫啲嘢畀我, 我一陣餵你食咗佢..

我：um...唔好啦, 我仲有啲飽, 燒畀我得唔得？

Z：可以呀, 燒著之後, 再餵你食咗佢..

見Z開始認真咁讀我份功課, 我屙埋篤尿就行出正門、挨住自己架車點著支煙...

...到食埋支煙上返房, 見到Z已經坐咗喺張枱前面將我嗰篇文打緊入notebook.

我：點呀？係咪冇陰鳩你呢？

Z：是但啦...有嘢交就得, 反正唔係落我個名...

我：丫屌...早講啦...

Z：喂！畀個名嚟呀？

我：吓？C？

Z：筆名呀！妖！

我：屌！我出得嚟行！坐不改名..

Z：咁我接直開你全名㗎啦..

我：咁又唔好...

Z：妖！名呀！

我：um... Mr strong..

Z：喂！係咪嬲打呀！？

我：um.... 貓？..

Z：單字一個貓？畀多隻字嚟好喎.

我：...冰？..

Z：吓！？貓冰？

我：是撚但啦...你用一次啫...又唔係叫過世...

Z：咁又係呀呵...

見Z冇再出聲、好似好專心咁打緊字, 我就決定行返去書架到, 睇下仲有啲咩可以拎嚟睇, 睇睇下竟然發現有本達文西密碼喺度.

我：咦！？聞西呀聞西！估唔到係呢度都見到你！

Z一路打字一路應我：係呀, 冇時間去睇戲吖嘛, 咪買本書返嚟望下囉..

我喺個書架拎咗本達文西密碼落嚟之後：咦？你個仆街之前唔係話, 買咗會同我講㗎咩？

Z：有咩？

我：有囉！

Z：你肯定？

我：我肯定！

Z：唔係喎...我好似係話..睇完先同你講喎？

我：係咩？

Z：係囉！

我：你肯定？

Z：我肯定！

我：哦....咁你啱囉...

Z：我一定啱㗎！

見到自己又柒咗, 就拿拿聲轉話題：丫屌..咁我拎落樓下梳化睇下先..順便入廚房煮個麵食...你要唔要呀？

Z：你頭先唔係好飽嘅咩！？

我：講下啫..口痕呀...

Z：痕咋吓話...過嚟擘大個口,姐姐幫你搽藥膏...

我：丫屌....

Z：屌咩丫, 乖乖地幫我煮多個啦...

我：係係....

落到樓下入廚房, 開爐煲水再洗咗啲生菜之後, 就打開佢個廚櫃, 見到入面嘅畫面我即刻屌一聲：喂屌呀！？康師傅嚟嘅？乜唔係一丁咩！？

Z把聲喺我後面傳過嚟：喂！細聲啲啦, ke瞓咗覺呀..

我心諗, 明明Ke間房就係Z隔離, 頭先我哋喺上面嘈到仆街Z唔出聲, 而家落嚟講一句康師傅就畀Z屌...

都唔知Z同康師傅係咪有路...

But, 我都係擰過去, 望住拎住部notebook嘅Z直接死狗：丫sor...
然後改用較細嘅聲線, 再重複多一次：我~屌~呀~康~師~

Z放低部notebook喺枱面之後, 啤咗我一眼：有得食你就食啦！一丁貴呀！再嘈下次俾你食Mr Noodle....
講完就繼續打字.

我：屌...咁又唔好....

到煮好兩碗麵、放喺枱面之後, Z就轉部notebook畀我睇：搞掂啦, 你望下有冇咩甩漏？

我隨口答佢一句：咁快手...
然後就開始睇嗰篇“書評”.....：喂！catice? 英文嚟嘅？

Z一路食麵一路講：你頭先話加拿大要用英文呀嘛...

我：讀出嚟好似女人名咁, 有啲乸型喎...

Z：發音呢啲嘢好死嘅啫..而且你唔講、我唔講, 邊個知？

我：um....好似好有道理咁喎...

Z：係喎, 你聽日係咪返工呀？

我：唔使呀.

Z：咁食快d啦！食埋開套戲畀你睇...

我用對筷子指住佢部notebook：吓？你而家開咪得囉？

Z：碟嚟架, 用電影睇爽啲.

我聽完就心諗, 頭先我講嘢大聲啲都畀你屌, 而家你竟然話直接用電視睇戲...

Anyway... 同Z一齊坐喺梳化, 睇完V for Vendetta 同america history X, 諗住出門口食支煙、順便望一望個鐘, 先知原來已經半夜兩點...

見夜媽媽又懶得揸車返屋企, 心諗不如喺張梳化瞓一晚...就問喺廚房洗緊碗嘅Z：喂, 今晚留我喺到瞓得唔得呀？

Z：可以呀.

我：咁我食埋支煙返入嚟..

Z：你食完記得幫我鎖門喎.

我：ok啦..

食完支煙返入屋, 就諗住上去問吓Z有冇多隻牙刷, 刷完牙就撻落梳化瞓覺.

上到去一入房, 見Z已經瞓咗喺張床上面冚好被.