［是咁的］ 我喺加拿大住咗十幾年, 識到一個女仔叫Z...（3）

咁我當時係諗住自己會結婚, 決定放低我同Z之間嘅事, 先的起心肝由頭到尾寫一次

如果要的寫出嚟，我會覺得係遺憾多過解脫

其實而家呢個已經係re, 原先嗰個好短, 嗰陣真係寫到喊

啲記憶真係要咁啱刺激到先諗到
有時諗得多小劇場得多記憶真假都分唔到
不過記得咁多都好勁
淨計最重要嗰啲場景我都未必記得同你一樣咁多細節

咁始終係㗎嗰十幾年, 都叫做人生最痴線嘅時間, 好難唔記得嘅.

而且就係因為寫自己, 所以好簡單

反而你叫我講返咗香港之後嘅事真係諗一大輪

正當我已經放棄深究今次Z又會消失幾耐嗰陣時, 有晚成班放工, 去完緣續園食完宵夜, 我車咗叮噹返屋企、循例做咗啲雙人驅鬼法事之後, 我落返停車場點著支煙準備上車, 就收到個電話.

我望一望個來電、劈頭第一句就笑住講：嘩！幾個星期咋喎！乜你今次咁快復活呀？！仲諗住你會死耐d添....

Z：丫~嫌棄咁話喇喎！？咁我死耐啲囉..記得過嚟拜我..bye~

我：喂！？丫屌...
望住Z已經收線先嘅電話, 都唔知講啲咩好..

正當我諗緊好唔好再打番畀Z、定等佢call我個陣, 電話又再響.

我：唉...點呀....

Z把聲灰到爆：唉...

我：嘩小姐, 你把聲仲灰過我嘅...你..

Z未等我講完又再嘆多次氣、靜咗幾秒先再講：唉...我之前真係爭啲命都冇....

我聽見就嚇一跳：吓？你搞乜嘢呀又？

Z冇答我, 反而問：唉...你收工未呀,出去飲嘢？

我雖然返咗成日工、又剛剛同隻厲鬼搏鬥, 腳步有啲浮...但Z叫到, 諗都冇諗就答佢：可以丫！你想去邊？

Z：你話事丫,近近哋攞個中間位..

我：近近哋？um...你搬咗未呀？

Z：搬咗啦...

我諗咗諗住先答佢：咁呀...hwy7 嗰間go for tea丫, 喺正我同你屋企中間..

Z：Go for tea? 未聽過嘅？

我：好似開咗成年㗎啦, 不過我哋好日都唔去嗰頭...

Z：吓！？得唔得㗎？

我：聽同事講ok嘅....而且呢個時間, 係得佢㗎喇...
心諗, 其實仲有其他選擇嘅..不過我唔會山長水遠過到Z到、又再車佢返緣續園咁搞笑囉...

Z：um....

聽見Z啲語氣仲有啲猶疑, 我為免夜長夢多, 費事夜媽媽、攰奶奶, 仲要車Z周圍去, 就拿拿聲封佢後門：你send屋企地址俾我先, 有咩見到面再講啦, 揸緊車呀！

Z：哦..咁你話事啦, 我而家send畀你.

我：Okok...

題外話, 呢間go for tea當時真係不可一世, 人工高過出邊其他bubble tea成倍咁濟, 而且入職要求勁簡單完全唔需要有經驗,只係要求三樣嘢.

第一當然只係請囡囡, 第二睇你個樣, 第三就係公司製服得一個size,你著得落又著得好睇就請你.

所以嗰陣時呢間舖頭晚晚勁多狗公排曬長龍只為咗睇囡囡..

Anyway, 跟住Z畀我個地址過到去, 原來係鄰近hwy7嘅一個小型住宅區,全部都係新起好嘅house.

Time square過黎大約十分鐘, 由frist Markham plaza過黎都只係加多六分鐘,直出又有407同404, 算得係交通方便環境清幽...

前題..係你有車嘅話..

一落車點著支煙, 就見到戴住副眼鏡同cap帽嘅Z開門行出嚟,就笑住同佢講：小姐, 你僕我呀？

Z：係呀, 立架餐劈死你...
一路講一路行到我隔離, 順手將我揸住支煙搶走咗, 吸咗一啖先再插返落我隻手到.

我吸咗啖煙之後, 用支煙指住佢間屋：乜住到咁高尚呀你....

Z勁自豪咁講：嘩！講你都唔信, 呢到個租同我之前住finch嗰邊差唔多, 每個月都係貴多幾廿蚊咋, 都唔知點解可以平成咁...

我：小姐呀..你呢到到風涼水冷...啦唔好話商場丫, 附近連巴士站都冇個...

Z：咩呀, 行返出大街十五分鐘咪有囉...坐巴士落去半個鐘仲有大統華添！

我：嘩........好撚近喎...

Z：小C..

我即刻改口：咦！？望真啲你呢到真係正到爆喎, 簡直係坐南向北, 旺中帶靜、靜中又帶旺, 直頭阿靜同阿王雜交生出嚟咁撚樣...哇哇哇！你睇下嗰道門有咁高得咁高、你隻窗又有咁大得咁大, 真係令到我又妒忌又羨慕！你搵㗎？
一路講一路幫Z拉開車門, 順手推佢上車.

Z坐上車嗰陣話：妖....Ke喺york個網搵㗎...

我：都估到.

Z啤鬼住我：你咩意思先..

我：你覺得咩就咩囉..
我嗱嗱聲閂門閃人、行返去司機位上車.

Z：超...

入到去go for tea, 攞到位坐低叫完嘢飲求其嗌咗啲小食, 我就問Z：係喎,你話咩爭啲命都冇話？你唔係去拉吓小提琴咋咩？

Z：咪係囉,痴線㗎！去拉個小提琴啫, 差啲命都冇！你信唔信丫！？仲要冇收錢㖭,頂佢個肺..
Z睇落真係嬲嬲哋..

我：咁咩事先？講到咁大鑊..

Z：唉....講你都唔信....

我：um..你唔講又點知我信唔信呢？

Z：因為...連我自己都唔信...

我：吓！？早知嗰日真係車你過去Mississauga兜個圈先啦,你講到撞鬼咁撚樣...

Z繼續乸埋口面：仲邪過撞鬼...
講講吓突然眼都突埋咁望住一個方向：嘩...你睇下嗰條女...

我順住Z嘅視線望過去, 就見到go for tea其中一個囡囡, 著住件露出個白雪雪心口嘅旗袍, 扭下扭下對波行過嚟、烏低身擺低啲嘢飲同食, 對波震一震、再對住我淫笑咗一吓之後,又只扭吓扭吓個屎忽咁走...

正當我望住囡囡嘅背影、諗緊佢會唔會去買個橙返嚟畀我嗰陣, 我突然feel到有啲殺氣, 一望返過黎已經見到Z厲啤住我, 講咗句：Um...睇嚟你似好鍾意呢間嘢咁喎！？...以後嚟多啲囉！

我：屌, 你頭先冇份睇嘅！
講完即刻攞起咗杯冬瓜茶遞畀佢, 之後拎起自己杯洛神紅茶飲咗啖：咦？杯野ok喎.

Z聽見就拎起飲咗啖, 有d驚呀咁講：係喎, 唔似168用粉沖....仲以為呢間野賣奶嘅添..

我隨手拮咗粒墨魚丸嚟食, 偷偷地啤咗Z心口一眼、細細聲咁講：都要有先賣得㗎...好似你..

Z：小C子！？

我聽見Z嗌我就嚇一跳, 順口講埋落去：好骨緻！？

Z一時反應唔切, 拗曬頭咁望住我：吓！？

我：冇..我話粒墨魚丸好骨緻..你試粒..
拿拿聲拮一粒放近Z個口...

Z見到咁就擘大個口：呀~哦...um......

見成功封住Z把口, 我就趁機會轉話題：Anyway...

Z趙緊粒墨魚丸望住我：係？

我：到底發生咩事呢咁？

Z：Um?哦...咪我個friend, 即係bride同佢個bouquet囉, 黐孖筋㗎.

我：吓？
今次到我聽到拗曬頭.

Z用頭先拮住粒墨魚丸嘅牙籤, 突然連tone都轉埋,好認真咁指住我講：聽完唔準笑.

我好無奈咁答佢：吓？好難講㗎喎..你講得好笑我咪笑囉...

Z篇起個嘴：咁我而家畀十秒鐘你笑, 你笑完我先講.

我：屌,邊有得咁㗎, 而且聽完可能我喊呢？

Z啤咗我一眼：你係至好！

我：盡力而為啦....

Z：唉..是鬼但..咁呢...嗰日呢......
Z猶猶疑疑,尷尷尬尬咁開口.

我：係係...嗰日點呢？

Z：咁嗰日你知我係去拉小提琴㗎嘛.

我：我知呀,咁跟住呢？

Z：咁我咪拉囉.
講完就繼續飲佢杯冬瓜茶,無出聲.

我：吓？冇啦？完㗎喇？

Z：唔係, 你畀我組織下先....
跟手又食多粒墨魚丸, 吞咗落肚先開始繼續講...

Z：...咁嗰日拉呀拉, 拉到佢哋搞掂曬、換曬戒指打曬茄輪...到新娘拎住個bouquet準備toss嗰陣, 我咪八八啩啩拎住個小提琴企喺後面睇囉...
講講下突然係到摷手袋.

我：喂！？你又摷乜鬼呀, 繼續啦！

Z：摷包YSL囉, 明明記得我好似有擺落袋...

我：屌..食住我啲先啦,行啦...
我企起身同go for tea班囡囡示意, 我哋只係出去食支煙轉頭返入嚟,叫佢唔好收我哋啲嘢, 就同Z一齊行出門口.

出到去搵咗個比較安靜嘅位, 就幫Z同自己都點著咗支煙.

Z吸咗幾啖之後, 又繼續講：...佢老味個新娘對眼有病就睇醫生啦, 正常人都係向後拋, 佢個癲婆可以拋到完全錯撚曬方向....明明我自已一個企喺成堆人嘅左手邊, 同佢班姊妹距離九丈遠, 佢都可以兜頭飛過嚟, 仲扑撚到我暈咗成分幾鐘...

我聽見差啲被支煙濁死, 咳到眼淚水都標埋先停到落嚟問佢：吓！？個bouquet扑中咗你呀？

Z：係呀,頂你個肺！中到認一認！你睇下！幾個禮拜都仲未散！！！
講完就示意我幫佢拎住支煙, 跟住除低副眼鏡再拉起頂帽畀我睇,果然見到佢左邊額頭仲有一忽腫起咗.

我：嘩屌！咁都得？

Z繼續講：暈咗之後班friend即刻幫我call白車, 醒返都送咗佢入醫院瞓咗幾日先出返嚟！仲晚晚瞓覺都痛醒！

我：嘩...咪啦....飲完嘢拿拿聲同你去買super7...

Z：我出院第二日就買咗喇！

我：結果呢？

Z吸咗啖煙之後,啤住我講：咪繼續戇鳩鳩同你係到飲嘢囉！

我：丫屌...好失禮你咁喎, 仆街一陣aa制....

Z：小C子！
Z趷高腳,再拉高啲頭髮, 成個額頭撞埋嚟咁濟.

我：係係....講下啫..我請囉....
望住Z腫起咗一忽嘅額頭, 我忍住笑咁講...但望住近在咫尺嘅Z, 真係有衝動錫落去...

Z：丫你仲笑喎！

我：我邊有笑呢？我喊緊呀.

Z：你邊忽似喊呢請問？

我：你唔明㗎喇..

Z：請講.

我扮到懶係傷感咁答佢：有時啲嘢去到盡頭,喊同笑,心情都係一樣...

Z：妖..

Z戴返副眼鏡同頂帽, 拎返支煙之後就繼續講：不過你講起盡頭, 我嗰日真係以為我人生真係到盡頭, 就咁玩撚完...暈咗成分幾鐘入面直頭好似見到人生跑馬燈咁...

我：咁嚴重...咁你見到啲咩呀？

Z：咪睇住個bouquet飛埋嚟囉！

我：唔係呀,我話你個走馬燈呀.

Z諗咗諗,就望住我鬼鬼鼠鼠咁笑：Err...... 唔記得嚕.....

我：丫屌..
我用手指隔住頂帽篤咗佢右邊額頭一吓.

Z即刻拍走咗我隻手指：喂睇住呀！因間而家呢邊都腫埋點算.

我：屌你老味金剛指咩..篤一篤都就腫...

Z用支煙指住我：有冇聽過PDST呀！？而家有乜嘢接近我個頭都嚇一餐！

我：丫屌..小姐你個病名好似有少少問題喎......

Z：妖！你明咪得囉！

我笑住又再舉起隻手指：不如你畀我篤腫埋呢邊咪好囉,對稱呀！唔係一陣畀人笑你大細邊.

Z：你就大細邊..
Z扁著嘴大大力打咗我一野.

我：喂,洗唔洗咁大力呀！

Z：咁有冇腫到丫？

我：咁又冇...

Z：咁咪好囉, 唔係我就打埋你另一邊,費事你畀人笑.

我：丫屌, bouquet飛過嚟嗰陣又唔見你反應咁快..

Z：又係喎, 我真係望住個bouquet飛呀飛, 仲諗緊舊嘢好似越飛越近咁喎, 之後就眼前一黑.

我：啤...

Z勁認真咁答我：係囉, 啲friend搖返醒我嗰陣, 我第一個反應都係啤一聲...之後戇居居坐多陣,就見到白車到...好彩保險有包..

我：唉...
見到Z咁我都唔好意思再笑柒佢, 諗住求其轉下話題..諗咗諗就醒起頭先轉入嚟嗰陣, 街口見到間已經閂咗門、但望落幾靚嘅西餐, 就指住嗰向向話：係喎..頭先門口嗰間嘢望落ok喎！

Z：頭先？um..？

我：呢....紅色招牌嗰間..

Z反白眼：夜媽媽我實睇到喇...

我：咁你有戴眼鏡㗎嘛...

Z：啤...咁點呀？你又想叫我去試菜呀？D又生日喇咩？

我：屌...叻唔切...你生日呀！

Z：丫係喎..撞到失憶添...

我：你唔係諗住咁樣就可以細一歲吓話..

Z：都好喎..

我：屌..咁就咁話啦？今年生日同你去嗰到食.

Z：好丫, 轉頭我抄低個名, 返屋企上網望下先...

我：你話事啦...喂, 入去食埋d嘢閃人啦...

Z聽見我咁講就望一望表：嘩..成十二點幾喇喎..

我：係呀....

食埋支煙, 我哋兩個就返入去go for tea拮埋嗰幾粒墨魚丸, 飲埋杯野就揸車送佢返屋企.

到返到佢屋企, Z落車嗰陣問我：喂, 唔入嚟坐下?

我：好丫, 睇下你新屋咩樣都好.
講完我就熄車準備同佢一齊行去門口, 但諗咗諗我就決定挨住車頭、順手拎咗支煙出黎.

Z見到咁就問：喂, 仲食？你唔入去？

我：你行先啦, 我食埋先、轉頭入嚟.
我用支煙指一指個門口.

Z：哦....咁你食完call我..
講完就戇鳩鳩、自己一個人行向大門.

見到Z背對住我,我就即刻收返埋支煙, 之後鬼鬼鼠鼠跟住Z, 到佢開門入屋、準備閂門嗰下, 我即刻一隻腳伸過去頂住道門, 之後攝入去.

Z見到咁就嚇一跳, 即刻慘叫：丫你！？

我入到屋之後勁得戚咁望住佢, 笑住講：睇你今次仲點陰我！

Z扮曬無辜咁望住我：講咩呀~~

我：屌, 扮乜丫, 你集集都陰鳩我㗎啦..

Z嘟起個嘴：邊度有呀？

我：屌丫, 你夠膽話冇？
我登大眼望住Z.

Z笑得勁仆街咁答我：我印像中冇囉..哦！！一定係你搞錯第二條女！講呀你！搞錯邊個！

我：屌丫！信唔信我而家就揸車返banquet, 搵舊bouquet返嚟扑濕你, 等你行多次個走馬燈回憶一下你陰咗我幾多次？

Z聽見我咁講, 即刻話：咁又唔好...
之後雞咁腳走咗去個樓梯位後面, 再擰過嚟笑住同我講：不過C生你一場嚟到.....隨便參觀.




呢次已經係Z第五次搬屋, 都係我第四間同佢孖鋪過嘅地方, 亦係最後一間我去過嘅Z屋企.

之後Z再搬多一次,

就再冇之後.

推咗先

屌你
姐係平時踢波頂球鎚都唔會暈啦
點解個花球可以扑濕佢嫁

你有冇頂過頭鎚
真係會wing1wing

夠竟屌未架

真花難講, 假花可以好撚重

不過真花都可以好重, 我學過點整