［是咁的］ 我喺加拿大住咗十幾年, 識到一個女仔叫Z...（3）

到我哋兩個都趴低曬, 等左陣就聽見門口有人敲門, 我同Z下意識抬高頭擰轉面望, 就見到著住制服嘅一男一女行入嚟, 而個男人諗都唔諗就向Z個方向行過去.

我一望Z個樣就知佢千萬個唔願意,就即刻截撚住個咸濕佬：喂師傅呀,你幫我丫？我朋友唔係好受得力㗎！

咸濕佬：冇事嘅, 咁我細力啲囉.

我聽見就心諗, 丫你條仆街仲喺到敷衍我...：唔係呀, 一陣佢叫到殺人咁樣就唔好啦...

咸濕佬繼續扮懵：放心啦, 我哋專業㗎嘛..包舒服！

見條撚樣仲扮蟹,我直頭伸隻手指住佢：唔喺丫師傅,你過嚟幫我啦.

見我指名道姓、講到咁明, 個咸濕佬...umm男師傅先啱？.. 唯有黑口黑面咁行過嚟, 之後仲加多句：揼骨係咁㗎啦, 怕痛就唔好嚟喇..

聽見佢仲串串貢, 就即刻屌柒佢：sorry喎, 可能你鍾意玩呢味, 但我唔係好鍾意我條女比男人摸喎.

條咸濕男師傅聽見我咁講, 就冇再出聲, 開始幫我揼骨, 而個女師傅亦都醒水、極速閃咗去Z嗰邊開始揼.

Z見到咁就揼返低個頭落個窿度,同時舉起咗隻中指.

然後....

原來痛苦嘅時間真係過得特別耐...

特別係當你對家嬲到想殺你全家..

而你又肉隨砧板上嗰陣....

當我哋再次行出門口, 我痛到挨住埲牆、手震震咁點緊煙嗰陣, 企喺我隔離伸緊懶腰嘅Z就話：呢間嘢ok喎..都幾舒服..

我吸咗啖煙之後答佢：屌...實ok㗎, 你就去揼骨,我就去畀人拆骨...

Z笑住講：鬼叫你同佢撐到咁行咩.

我：丫！我屌你丫！早知由嗰條鹹濕佬幫你揼算撚數...

Z挨住我講：唔該曬你囉...Hmm哼哼~

我：屌...哼哼哼你個頭....
我將我自己食緊嗰支煙低咗過去畀Z.

我：點丫,去邊呀？

Z吸咗啖之後話：吓？咪話過你到飲埋支酒囉.

我：丫屌...你真係諗住飲呀？

Z：係呀, 唔飲得先算啦..

我：咁..Ok囉...

我同Z係warm車嗰段時間夾份食埋支煙, 就揸車返我屋企.

一上到房, Z第一時間衝去我衣櫃摷返佢支yellow label出黎, 扭開樽蓋飲咗啖..

我一路餵貓一路問佢：點呀？支野有冇壞到呀？

Z：er.......紅酒唔會變壞,只會變質㗎咋..
Z飲完第一啖諗左諗, 又再飲多啖.

我：有分別㗎咩？變咗藍酒？

Z啤咗我一眼：哈哈哈..好好笑囉..

我：咁點呀, 即係有嘢沉底嗰啲？

Z：簡單嚟講...難飲咗咁囉...

我：屌...咁你而家呢支呢？

Z：都怪怪地㗎！不過又唔係話唔飲得嘅...

我：係咪㗎？勉強冇幸福喎, 不如我過去LL大人到r支返嚟好似穩陣啲喎, 一來一回最多都係半個鐘啫.

Z：咁夜...唔使麻煩人啦, 飲埋呢支先, 無謂嘥啦...

我：你係得至好呀...
我望一望鍾先十點半, 心諗呢個時間一定唔會麻煩LL大人, 只要佢仲未飲醉酒嘅話....(LL大人大半年前已經因為抑鬱病又復發, 辭咗職之後日日趴喺屋企做少奶奶, 日日由朝飲酒飲到晚...)

Z：Ok架啦....
講完就爬上我張床、冚好被擺好個陣, 之後問我：你呢排有咩睇呀？

我企喺書架面前撥開啲雜誌, 拎咗盒碟出嚟遞畀Z：有...盒奇諾之旅, 前排見到幾得意買咗返嚟未睇過.

Z：the world is not wonderful that's why it's beautiful...?
Z慢慢讀出封面嗰句slogan. 然後搖一搖個盒, 用懶係有深意嘅眼神望住我：似你style丫.

我笑住講：係呀...我份人係咁膚淺㗎喇, 咪畀呢兩句野引咗去畀錢囉...
講完就順便擰轉身去攞罐黑啤.

Z：咁開嚟睇啦！

我：係喺..等我拎埋張凳過嚟先....

然後Z一路飲唔知過期未嘅紅酒, 我就飲黑啤齊齊食住頭先喺大統華買返嚟嘅零食, 戇鳩鳩睇咗兩集半, Z突然拎個遙控器出嚟撳pause.

Pause咗之後Z坐起身講：嘩唔得啦唔得啦...原來就嚟十二點隻, 唔怪得之對眼勁攰呀！我去除con換眼鏡順便沖個涼...

本來我都專心睇緊套卡通片, 見Z咁講就自然望過去, 見到Z嗰塊面紅撚到腦充血咁樣, 忍唔住大叫：嘩屌！你老味丫！？喂你冇事吖嘛你！！關帝顯靈呀！

Z：吓？？
本來上一秒仲好地地坐定定望住我嘅Z, 突然成個打側瞓低咗.

我嚇到即由張凳刻彈起身跪係張床隔離：屌！你咪嚇鳩我呀, 叫咗你唔好飲過期酒㗎喇！

Z塊面真係紅到嚇死人, 而且把聲開始變到懶洋洋咁答我：支..酒...冇事呀...

當我靠近Z塊面,忍唔住講：你塊面紅過平時十幾倍丫！仲冇事！

Z：真係..冇..事..喎.....
未講完連眼都開始慢慢頭合埋, 完全係佢平時飲醉酒之後嘅徵兆.

我：屌, 咪撚飲啦, 痴撚線..我幫你掉撚咗佢啦.
講完我就伸隻手去攞走支酒.

Z突然走曬音咁大叫：屌！都話冇事囉！
Z唔知係咪終於開始發酒瘟,本來佢係右手揸住支酒, 放咗喺我同佢中間,見到我想攞就一嘢將支酒收埋咗喺背脊嗰堆被入面.

我見到咁就勁無奈咁話：喂屌, 咁大個人咪撚玩啦...因間倒瀉咗喺嗰張床到, 我打爆你呀..
之後我就成個人爬上床, 想係Z背脊嗰邊搶走支酒.

正當我仲趴喺床上面, 摸緊Z收埋咗支酒去邊、同諗住轉頭落去沖杯薑茶畀佢個仆街飲個陣, Z突然喺我身下面大叫：都話支酒冇事呀！唔信你試下！

我聽見就呆一呆, 順口答佢：吓？鬼知咩, 我又唔飲.......
正當我諗住講埋個唔飲紅酒呢四個字嗰吓, 我突然feel到有道力張我拉向下, 然後..

然後, 我終於知道我買咗咁多年都冇飲過、而Z又飲咗咁多年嘅yellow label係咩味.

至少, 應該係咁嘅味啩？

體諒下啦, 去road trip之前好撚多嘢搞呀

而且講到明三部曲, 係多啲嘢執

不過睇完part1應該屌得仲大力

成個post report啦 即係#1

嘩屌你呢個位停

我report咗啦, 你哋幫幫手？
玩到上google就有d過

係咪想屌鳩我呢

係

我問過你哋㗎
成個過程公平、公正、公開

又係呢啲位停

到時叫你老婆揸車, 你坐隔離執咪得!

我驚佢睇到會炒車, 而且我用語音輸入

我有冇miss到？ 冇提D相識 同 分手既故事？

等咗咁耐 終於有呢段

D之前咪又係咁意提過點識㗎囉, 呢刻未分手住.

咁你可以再等多一個星期啦

屌你打茄輪先停

屌完大波妹之後對住長腿妹就不舉啦
相信如果個大媽好似大波驊咁
樓主都會扯到

一早警告咗你哋