［是咁的］ 我喺加拿大住咗十幾年, 識到一個女仔叫Z...（3）

Z：嘩...凍....

我食住煙笑佢：你都知凍呢？你條友專揀啲咁嘅時間嚟肚餓....

Z：唓....hmm哼哼...
Z偏住嘴黐埋嚟我身邊撞一撞我.

但Z撞落嚟嗰下, 我好明顯feel到有啲好硬嘅嘢係佢個件褸入面, 就忍唔住問佢：喂！乜叉嘢嚟㗎咁硬嘅？你生乳癌呀！？

Z：你理得我丫！？你生龜頭癌添呀！

我：吓！？淨係個頭生？！

Z：係呀, 淨係切咗你個頭, 留返條梗畀你插羽毛...

我：丫屌...使唔使咁毒呀...

Z：hmm哼哼！
哼完又啫起個嘴.

我：係啦係啦,食二手煙啦你...
講完我就遞咗自己食緊嗰支煙過去畀佢.

Z：二手咪二手囉, 暖吓個肺都好...
Z繼續雙手插袋、淨係伸前咗個頭去我支煙到, 大大力吸咗一啖, 之後向住個天呼返出嚟..

Z：話時話, 其實我幾鍾意落完雪嘅天, 乾淨到一舊雲都冇, 全部都係星星,勁靚...

聽見Z咁講, 我都好自然咁岳高頭, 望住個天答佢：係正㗎, 有時落完雪, 我都會特登落樓食支煙睇下, 不過凍啲咁囉..

Z突然無啦啦、向住個天鳩叫：我第時買架車,一定要有天窗！！

我畀佢嚇一嚇,即刻用手推咗Z個頭一下：喂屌！夜媽媽你叫乜鳩！睇住畀人打呀！

Z畀我推開咗一步,之後擰過嚟望住我笑得勁燦爛咁講：到時叫埋你過嚟, 一齊坐喺我架車到, 食住煙睇住個天！

我吸咗啖煙之後, 笑住同佢講：係係..我買定煙等你.

Z笑住用個屎忽撞我一下：行快兩步啦...凍呀凍...
之後彈下彈下咁過馬路.






當年講好咗食曬你屋企樓下成條街啲餐廳, 但可惜到最後, 食咗一半唔夠你又搬走咗...雖然仍然係我屋企三十分鐘以內嘅範圍, 但已經係你準備邁向人生下一步嘅起點.

P S. 上面post嗰篇文真係當年個篇, 我仲有個.doc留底, 但亦都係得咁多, 因為原文我係寫喺張紙度.

最後因為我轉工嘅關係所以只寫咗Varna 篇就冇時間再寫其他, 因為咁Z佢亦都冇辦法post月刊, 但迫我寫咗篇書評黎交差, 筆名係貓冰.

我：唔....一時三刻未諗到...青鳥maybe?

其實咩係青鳥

又嚟知識題時間

成日都係到諗究竟Z哼個句Hmm哼哼係咪樓主個真名

你諗多咗

我全個名、每一個字開頭都係C, 所以有段時間畀人叫炸彈人（C4)

hmm哼哼同我個名發音隔咗個海

大家又被K捉走咗撳住嚟屌

不嬲好少聽華語歌
連王菲都無點聽
FIR 又真係幾好

我冇讀BIC之後連廣東歌都好少聽, 大部分時間都係國語歌, 到有車之後放得喺架車度播嘅仲要只係女歌手, 如果首歌幾好聽但係同男歌手合唱嘅我都唔會放入去

btw, 廣東歌入便其實我幾鍾意薛凱琪呢首
https://youtu.be/mkseksnX3ow

新年快樂啊樓主C San

要出返個圖先易明，有埋囡囡示意圖添

嗰篇文堅pro喎，呢一代去加拿大讀書實寫唔出

嗯哼哼
有個人只要我叫他就會馬上來的

pro唔pro我唔知呀, 嗰陣時只係突發奇想有個咁嘅念頭就寫咗出嚟, 的而且個係好神心咁寫完第一集, 不過冇留底（張紙）所以冇計

小畫家代替

右下同左下對波爭咁遠嘅

呢個字我睇手塚治虫先知個意思

呢套好好睇翻睇左一次

我係睇叮噹識

樓主去左邊

樓主係咪最後沖刺今年生仔

同老婆班friend去咗摸蜆, 玩到琴晚半夜先返到屋企,而家得番半條命喺公司

不了

大長篇

Z屋企對面嗰間韓國餐因為開到半夜, 間嘢又出咗名份量夠大、價錢合理, 附近又超多留學生, 所以長期爆滿人.

當我同Z離遠已經見到韓國餐廳門口, 理所當然咁聚集咗一大班人喺度食緊煙吹水, Z見到咁就望都唔望、仲勁輕佻咁彈下彈下彈過馬路,我即刻大嗌：睇車呀小姐！

Z停咗喺馬路中心, 擰轉面望住我：乜你見到有車咩？

我：冇車都唔係咁啦....

Z：肚餓呀嘛, 你行快啲啦！門口勁多人呀..

我：你肚餓咋嘛..又唔係我..

Z：妖！
講完就彈返過嚟, 翹住我手臂：行~快~啲~啦~~

我：係係...
跟住我又feel到有樣好硬嘅嘢, 頂咗我一下, 就忍唔住問佢：小姐你件褸入面到底收埋咗啲咩呀,咁撚硬嘅！？

Z再用嗰樣好硬嘅嘢頂咗我條腰一下：你咪理丫！一陣要排隊,今餐你請！

我：丫屌！
聽見佢咁講, 我即刻加速跟住Z衝過馬路.