[書蟲］你最近睇緊咩書？11

多謝介紹 發覺歷史做背景嘅小說都幾有趣 巴打中國歷史小說 剩係識三國演義

早幾日睇完本書，未睇時都有小小期待，睇完失望。
提出好多論點，但沒有太多論據去支持/唔具說服力
當面對書中年輕人的反對/挑戰，會轉移話題，唔針對年輕人的疑問作解答。
//
簡述書中提出的親子關係的例子，父母用稱讚或責備子女的教育方式，哲學家提出稱讚是「有能力者對無能力者的評價」，背後是一種由上對下的關係，而目的就是為了想操控對方而稱讚，當中稱讚其實並沒有感謝或尊敬的意思。
//
書中的哲學家睇法係非黑即白/太武斷，好突兀
似係一個年老人對年輕人分享自身的人生(離地的)經驗，其實唔太明點解咁多人推薦

中華文學係指以華文書寫嘅文學？
現當代文學，主流以中國文學為中心，港澳、台灣、馬來西亞等地處於邊緣位置
評論中國現代文學嘅書，比較出名係夏志清本《中國現代小說史》
講傷痕文學嘅有洪子誠嘅《中國當代文學史》

想問下有冇咩英文散文集/隨筆推介？

睇你鍾意咩style㗎wor，我個人偏好：

Francis Bacon’s Essays
Henry Thoreau’s Walden
George Orwell’s Essays
Any works by Susan Sontag

Name of the Rose係神作

最好梗係睇翻原文書，翻譯可能有錯譯、漏譯、表達唔到原文意思，或者好翻譯昇華咗平庸嘅原作
以前就覺得反正以我嘅語言能力，呢世都唔會學識日文、韓文、俄文、德文、法文、西班牙文等等咁多種語言，不如先熟悉翻譯語言
我依家睇翻譯書，個腦會過濾歐化語言、自動轉正常用語言
如果揀中文翻譯書嚟睇，就要慎選翻譯版本
熱門/出名/經典/暢銷書通常有多種翻譯版本，最好先睇下網上嘅版本比較
小心大陸版本嘅和諧台版書喺解嚴前和諧得最勁
冷門翻譯書就一係硬食，一係睇英文版

留名學野另外擺低幾本最近睇完既書:

少即是多：棄成長如何拯救世界
講資本主義同環保既問題，但唔係平時果啲叫你用少啲膠袋飲管，唔好搭飛機，而係從另一個角度講點樣持續發展，亦講好多關於平等，公義，同資本主義既反思，幾推薦

Bullshit jobs
講而家點解咁多人對工作不滿，反思返點樣既工作先有意義

美麗新世界
呢個應該大把人講過，唔獻醜了

黎緊打算睇人類大歷史同卡夫卡既審判

有冇比較近代同生活化啲，寫日常生活嘅？

In that case, try anything by Alain de Botton

唔洗勉強自己啦人生苦短，不如睇啱自己口味嘅書，或者做第二啲嘢輕鬆下
閱讀文學係一件好私人嘅事，因個人閱歷/文化背景/思想觀念不同，得到嘅體驗個個唔同，可能對A有用，對B就冇用，C覺得好正，D覺得垃圾
就呢點而言，如果唔係做嗰行/研究分析/學習技巧，冇一本文學作品係必睇

我N年前睇過楊耐冬翻譯嘅《百年孤寂》，由英文版本翻上翻，可能有錯譯、漏譯
優點係有簡單版嘅人物關係圖，記有主要人物嘅名
另一個唔知算優點定缺點，譯者為咗「照顧」讀者，簡化咗人名嘅字數，便於讀者記認
之後台灣出咗本由西班牙文直接翻譯嘅版本（冇睇過，不予置評）
https://www.books.com.tw/products/0010774785

呢個係我以前寫嘅書評（大量劇透），依家問我都唔記得曬劇情參考一下，再決定睇唔睇落去
https://www.penana.com/article/900340

我係上年差唔多呢個時間睇百年孤寂
當時好辛苦捱到睇完成本都唔太明點解呢本係名著
直至誤打誤撞讀到台灣作家楊照寫嘅百年孤寂導讀，讀完豁然開朗
https://www.books.com.tw/products/E050023001?sloc=main
（呢本書可以喺公共圖書館嘅Hyread 搵到）
然後我開始係咁睇楊照寫嘅導讀書，慢慢開始學識文學嘅價值同點樣讀文學
（大推佢近期寫既日本文學導讀）

佢係唔係有書專講文學嘅價值 好似幾有趣

印象中冇一本專講文學價值嘅書，而係每本都滲少少咁
佢有本專講現代詩嘅書，我覺得幾唔錯：
https://www.books.com.tw/products/0010720079?sloc=main
我當初係睇完網上呢段佢講閱讀嘅Youtube片而迷上佢：
https://www.youtube.com/watch?v=6eJbbP67bmY

大推楊照導讀系列！真係好好嘅文學導論！

Bullshit 我都mark低咗諗住睇，巴打覺得點？

好視乎你本身係人生咩階段同對自己份工滿唔滿意
我算好彩搵到份幾鐘意既工，所以我自己睇落主要係反思「咁多人對自己份工不滿既來源係咩」同「高人工無野做係咪就一定係絕世筍工」，諗返工作既意義
如果你唔滿意自己份工應該都會幾有共鳴同思考
上面講嘅嘢如果你有興趣就推薦你睇，否則就應該會覺得悶因為都偏平鋪直敘議論文feel

幾年前有嘗試過開嚟睇
不過佢好多reference 睇唔明

咁我應該會試下睇唔該晒巴打

百年孤寂
停咗一個禮拜冇睇
人物關係即刻亂晒

喺床下底搵到本freakconomics

睇書做筆記最尾嗰part係咪將書入面重要嘅point連頁碼去
引文、評論、重述就得？

我唔太識拿捏引文個内容同數量，
引得太多就會用咗好多時間嚟寫，
引得太少事後睇返又會唔記得好多本書提過嘅嘢。

具體行動可唔可以講多少少