【痴𠹌線公司】《為拯救未來逝去的妳，我成了記憶信貸的客戶》

我願意

我發覺我筆下嘅男主角，都冇乜人同情

啲女太正啫

宜家已經咁正嘅話，之後更全面呈現到角色嘅特質，會更加無法抽身

深夜繼續推

另外，尋日搞咗IG投票，好多人都覺得Wiki個樣似米津

真係似

Wiki唔只型仔，喺後面劇情嘅角色都係舉足輕重，大家留意住佢！

本故登上Penana最多喜歡排行榜了，知道唔少巴絲都有喺嗰邊畀「喜歡」，阿夢感激你哋

記得喺嗰邊撳埋「書籤」，有新文出會通知埋你哋㗎，「書籤」位置見下圖

推推先

10點見

「做乜偷我架單車。」

她瞄也不瞄我，繼續看著Paisano’s Pizzeria的店內。

換作平時我定必破口大罵，但這次我沒有，皆因她神色有異：一臉渴望卻又羞怯的窘態，像是苦惱要否進餐廳似的。

「如果妳想食嘅，走入去咪得囉？」我語畢，察覺到她左手肘的那抹鮮紅，內心一顫。

「喂……妳隻手做乜損曬啊……仲流緊血呀。」

那傷勢是踩單車發生意外，擦傷造成的吧……

我伸手指向她的傷處，卻被她猛地撥開。她脫下一邊耳機，對我冷目而視。

「唔、好、掂、我。」

她眼神冷冽，丟下單車就走。好凶！

湖芊柔，妳大概是為著上週一的事情，在生我氣吧？

當天我被木村托JOY戲弄得一塌糊塗，由於火冒三丈，我不但把芊柔苛責一頓，更抓痛她的手臂。但我倒頭來發現，惡作劇全是12號的安排，芊柔完全不知情。

單計這件事而言，我的確是冤枉了她吧……

更何況芊柔的傷勢不輕，血還未止，走動時還有血沿路掉落。

我的情緒被莫名的什麼攪動著，紊亂無章。

我突然想起，她上次那副甜溜溜卻又悲傷的笑容。

……我只是看不過眼。

我歎口氣，推著單車，往她的方向邁步。

⦾

芊柔步速很慢，我很快就在一條小巷找到她。

「喂，妳嘅傷口要消毒，如果唔係會發炎——」

「關你咩事呢。」她脫下耳機，聲線不帶半點溫度。

「作為路人，覺得好礙眼。」

「唔夠閣下礙眼。」

「咁妳唔好望咪得。」

我不是健談的人，但面對這少女，我竟跟上兩次在「分行」時一樣，說話毫無半點拘謹。我大概是有病了。

我握住芊柔淌血的左臂，她猛力掙扎，可我緊握不放。

她另一隻手使勁抓我，指甲把手背肌膚都劃破。笨蛋，真像隻頑固的小狗！

她慢慢放棄反抗，別過臉納悶道：「本小姐再過3秒就大嗌。」

「大嗌囉。你點嗌都唔會有人理妳。」我模仿肥皂劇裏的癡漢，對她「嘻嘻嘻」笑了幾聲。

「你試吓郁我一條頭髮，12號會帶你去Hell。」

「唔會。因為係佢叫我嚟搵妳。」

12號帶我來這裏，應該是要我跟芊柔商量「記憶借貸」一事。

「……嗰個『可汁』真係多管閒事。」她一臉不忿，「你要做乜。」

「消毒。」

「就憑你隻毒撚？」

「我2年前學過急救，有考牌。」

我語畢，從褲袋掏出一個小布袋，裏頭全是急救用品。

「睇妳個款，90%係踩單車撞車，隻手落地擦傷喇。」我以棉花球拭走她傷口的污血。

「……邊有人隨身帶醫療用品㗎，係咪白癡？」她埋怨著。

「邊有人偷人哋㗎單車仲毫無悔意㗎。」

「仲要成身茶味，果然係隻毒撚。」

茶味跟毒撚有何關聯？反而妳這麼留意我的體味，才是最變態吧？！

我為傷口止血後，從布袋掏出小支裝藥水，往她的傷口傾倒。

「你倒緊嗰樽咩嚟。」她繼續別過臉，彷彿看我一眼會中毒似的。

「95%濃度酒精。」

「……吓，吓吓？！」她連忙轉頭盯我，驚慌失措。

「終於肯望醫生喇咩？」我冷笑，把幾滴黃色藥水滴落，以棉花球拭走多餘藥水。

她得知被耍後，一臉惱羞：「抵你俾12號整蠱。」

「Noted。」

我為傷口貼上膠布，幸好傷口並無發炎起膿。

我倆站立小巷中間，凝視大街的五光十色。時間仿佛凝固，空氣瀰漫尷尬。

「究竟滴咗咩落我傷口。」芊柔凝視遠處的紅綠燈柱。

我盯著她幾秒，歎一口氣：「好，我實不相瞞。」

她靜待答案。

「蜜糖芥末。」

她轉過頭瞪我：「你咁得閒，不如去死一死。」

我閱讀著空氣中的氛圍，總感覺她有什麼正待告訴我。

「你頭先做咩喺Paisano’s Pizzeria外面企，又唔入去食？」

「哼，做乜要話你知？」

「洗唔洗咁防備我，都幫妳處理咗傷口啦，咬你咩。」

「你隻毒撚，次次都要咁多事㗎喎。」

「乜嘢『次次』呀？識你老鼠呀？」

數秒過去，她卻主動回答：「……因為多人。」

「……吓？」

「因為多人呀。」

還是回答了？這傢伙就這麼口不對心嗎？！

「多人？你話Paisano’s Pizzeria？」

「人多擠迫，令人窒息。」

她背著我凝望大街的人來人往，我感到不宜追問下去了。她沒進餐廳，原來是怕裏頭太多人嗎？難道她有人群恐懼症？

這時候，芊柔兩手按住小腹，狀甚可憐。

我掏出手機查看，時間已是晚上8:30。從芊柔那副窘狀看，肯定是未吃晚餐餓壞了吧？看來「司憶者」跟人類一樣，還是要吃三餐的……

我想起先前冤枉她一事，心往下沉。

我扶起側旁的單車，輕拉芊柔的衣袖：「喂。行囉。」

芊柔一愣，刻意淡然道：「去邊。」

「唔多人嘅地方。」

芊柔盯著點餐單，手執原子筆，猶豫不決。

「洗唔洗諗咁耐，餐廳都就嚟閂門。」

「白癡仔，門口寫明營業至凌晨2點。」

「湖小姐，妳嘅『幽默值』係咪負數？」

「噁。冇人想同你隻毒撚講笑。」

9時許，我和芊柔抵達「新記串燒」。

新記串燒兩年前開張，位處我家樓下附近的舊區小巷，由於位置偏僻，主要做街坊生意，食客不多。現在過了晚飯時間，撇除門口那張圓檯的一家四口，就只有我和芊柔兩位食客。

這間店的前身是「憶記冰室」，冰室2年前光榮結業，新店主為求省錢就把冰室裝潢大致保留，包括卡位的傳統設計。門口右側是一整排貼牆的卡位，由於空間有限，這個最盡頭的卡位只設一邊座位，即只可坐兩人。

芊柔一進店內，偏偏選了這個最狹窄的座位。莫名其妙。

我倆坐在同一排座位，空間狹窄，我倆幾乎腳貼腳。她凝視點餐單，而我早已填上食物──餐蛋麵一碗。

「邊會有人嚟串燒店嗌餐蛋麵㗎？」

「妳都係顧掂自己先。」

「品味咁差，難怪冇女。」

「所以咪咁折墮要同妳食宵夜囉。」

「……」

「……」

嘥撚！我到底是在胡扯什麼？明明跟她一點也不熟！

「……喂，妳選擇困難症呀？」我瞧著猶豫不決的她。

「……20蚊……30蚊……」

原來如此。我以為「司憶者」薪酬不錯，原來只是可憐的社畜嗎……

我無奈一笑：「今餐入我數。」

禍從口出。接下來我耗費了打倒199頭老虎的氣力，才能阻止芊柔把每道食物點光。好猖狂！

芊柔冷靜起來後，點了蔥油餅、蒜蓉烤餅和墨西哥脆脆。哪有人會只點餅食來吃的？

她這傢伙，竟然還想點10串燒粟米！

「粟你老米。」我一臉憤恨。

「粟米不知幾有營養，你一定係唔食粟米，個腦先會咁廢。」芊柔執筆在燒粟米的選項旁，填上「10」的數字。

「喂，唔准叫垃圾！」

「唔，你真係唔食？」芊柔曖昧一笑，「根據研究，唔食粟米嘅男人，95%嗰度特別細啵。」

我一愣：「乜嘢……特別『細』？」

「不過唔緊要啦，你隻毒撚都冇機會用㗎啦。」她豁然開朗。

「……乜鬼研究呀？！」我恍然大悟，惱羞起來。她竟然跟我說黃色笑話？記憶信貸公司有投訴熱線嗎？！

經過一番生死惡鬥後，芊柔還是把點餐單遞至老闆娘手中。從老闆娘的神情來看，她定是在驚訝，現時的小學生怎麼發育得這麼早。

米已成坎，我唯有冷靜下來：「……喂。請妳食飯，係因為我上次冤枉咗妳。當時我唔知一切與妳無關，對──」

芊柔狠瞪著我，讓我把話啃在喉嚨。

她半張臉縮進外披的冷衫中，讓冷衫遮掩嘴鼻，手則插在口袋中。

店內電視播放的新聞報道，成了世界唯一的音韻。

芊柔的目光游移不定，彷彿在苦惱著什麼。她的神經病沒發作時，原來還是挺標緻的。

她的眉梢顫動，某個微妙的平衡頻臨被打破，弄得我緊張起來。

她的手，從口袋抽出。

「你都冇做錯，有咩資格道歉？」

她向我遞上一支雪糕筒。

「要……要道歉嘅，係本小姐。」

她沒瞄我一眼，冷衫沒掩住臉頰的潮紅。

感謝巴絲支持，正皮數100了
所以，今晚11點會再加更！
歡迎留言討論劇情，然後接住睇文！

道歉時...是常識吧

正

請你食雪糕筒仲想點

光速加更之下，《立約篇》都即將完結
正式進入戲肉

【加更】

《第8話：Pizza and Blizzard》

[75] 我曾經以為人們是我命途的燈塔，最後卻總是剩我在無光的夜裏。

「記憶信貸」司憶者需遵守三個守則。

守則一：必須輔助客戶透過交易達成目標。

守則二：必須確保客戶在借用未來記憶過程安全。

守則三：必須與客戶保持正常合作關係。

司憶者共分為九個層級，第一至三層為「初層」，第四至六層為「中層」，第七至九層為「高層」。公司層級呈現金字塔結構，高層司憶者寥寥可數，而初層司憶者佔了絕大多數。

各層級之間存在什麼差別嗎？雖然所有司憶者的主要工作都是執行「記憶借貸」交易，但說到差異可多了。以下列舉兩個例子。

一，權限。作為「記憶借貸」的執行者，不同層級司憶者的權力及工具截然不同。比如借用「未來記憶」時，初層司憶者必須領客戶到其負責看管的「分行」，而高層司憶者則擁有「鑰匙」，隨時隨地只需以右手食指觸碰客戶的心臟位置，就能借用「未來記憶」，操作方便得多。

二，福利。大部分司憶者雖是記憶的交易者，自身無法擁有記憶。因為根據「公司」制度，每隔一段時間，司憶者就會遭遇「Pizza」的洗禮——

「喂，關『Pizza』乜事呀？！」我忍不住打斷芊柔的話。

芊柔霎時惱火：「做乜打斷本小姐呀！宜家啲細路真係冇！禮！貌！」

這傢伙又在裝成長輩對我訓話了！

剛才芊柔向我道歉後，我乘勢問起「公司」的背景，她就跟我說了上述這番話。

菜餚來得七七八八，餐蛋面及串燒早被吃光，只餘芊柔在咀嚼的燒粟米。她的吃狀酷似倉鼠，還露出戀愛般的模樣。而我則快要把鼻子捏碎，生怕靈魂被粟米的酸臭吞噬。

「究竟粟米有乜得罪你呢？」芊柔執起一串燒粟米，塞向我嘴。

「喂，咪癲拉！」我巧妙閃躲，屏住呼吸！

芊柔一臉鄙夷：「怕成咁，驚粟米有輻射咩。」

「垃圾留返畀妳呢啲癲婆。」

「笑死，區區人類，不知天高地厚。」她冷冽一笑。

我調侃道：「妳橫睇掂睇，咪又係普通人類一個！」

「斗膽無禮！本小姐係尊貴嘅公司司憶者。」芊柔手指捲著髮尾，洋洋得意。

「司憶者都係人類啫。唔通係咩？蜥蜴人？定係機械人？」

芊柔聽罷陷入沉思：「……每位司憶者都曾經係人類。」

「曾經係人類」，是什麼意思？

芊柔環視空空如也的餐廳：「咳咳……世上只有極少數人類，能夠被『公司』挑選成為司憶者。」

「……『公司』用乜嘢準則挑選？」

「你冇需要知。被挑選者經歷『脫變』過程成為司憶者後，最終會喪失曾經作為人類嘅記憶。」

「失去人類嘅……記憶？」

「心臟係人類記憶嘅容器，被挑選成為司憶者後心臟會停止跳動，無法容納新嘅人類記憶。」芊柔按著胸口。

「冇心跳？」

「嗯，亦即係話，司憶者會失去人類嘅『存在資格』。」

那就是說，人類變成司憶者後，會喪失人類的身份？

「點解會失憶？」我皺著眉。

「因為『Pizza』。」

「乜鬼『Pizza』呀？」

「你隻毒撚，係咪唔識英文呀？咪講緊『Piz』……『Biz』……『Blizzard』囉！」

「……原來講緊『Blizzard』，差好遠喎湖小姐。」我掩嘴訕笑。

「……哼，本小姐頭先未準備解釋囉，係……係你打斷我咋嘛！」芊柔臉紅耳熱，「『Piz』——『Blizzard』即係『雪暴』，係『公司』對司憶者施行嘅機制，每隔一段時間就會自動啟動，將司憶者嘅過去記憶完全清洗。」

「……即係妳哋每隔一段時間，就會強制性失憶一次？」

芊柔頻頻點頭，仿佛慶幸話題沒停留在「Pizza」似的：「雪暴出現嘅頻率不定，試過幾百年一次，亦試過幾年一次，而我仲未經歷過雪暴。」

就像電腦的「洗機程序」一樣，只是被洗的換成司憶者的大腦。

「癡線……你哋經常性失憶，點樣執行交易呀？」我無法置信。

「冇問題。」芊柔捲曲著髮尾，「雖然雪暴會清洗司憶者嘅記憶，但工作相關嘅記憶會自動儲存喺司憶者制服之中。每次雪暴後，司憶者只要穿著返制服，就會完全恢復工作記憶，記返起自己嘅身份同埋工作進度。」

「司憶者制服？妳哋明明係著便服，邊度有制——」我瞄向她的貝雷帽，恍然大悟。

這頂貝雷帽，想必就是司憶者的制服吧，所以12號、芊柔和木村托JOY才會穿戴同款的帽子。

我盯著穿戴藍帽的芊柔，無緣無故湧現一個強烈的感覺，驅使我衝口而出。

「呢頂藍色帽唔襯妳。」

「……吓？」

「妳戴紅色帽，一定會靚好多。」

我盯著一臉愕然的芊柔，消化自己說出的話，霎時間臉紅耳熱。

我到底在胡扯什麼？人家穿戴什麼關我什麼事？

芊柔仍在發呆，我隨即尷尬地轉移話題：「點……解『公司』要用雪暴定期清除妳哋嘅記憶？」

「無可奉告。」

「……所以，妳曾經係人類，只係忘記曬以前嘅經歷？」我回溯她剛才的說法。從芊柔的外表及言行舉止來看，她以前大概是跟我年齡相仿的少女吧？

她靜默片刻，並沒正面回答：「『記憶』於司憶者而言係奢侈品。好多司憶者為咗記憶唔被清洗，都會搏命提升層級直到成為第九層。」

「點解？」

「只要晉升為第九層，會享有得天獨厚嘅權限。

第一，佢哋無需進行交易，主要職責係管理其他層級嘅司憶者，譬如我就係12號管理嘅下屬。

第二，佢哋仲可以擁有自己嘅員工宿舍，宿舍被稱之為『霧舍』。

第三，佢哋每人可以保管一本『設定之章』。」

「……霧舍？設定之章？」

「最重要係，第九層仲會額外享有一項特權——永久保留所有記憶。」芊柔手按胸口，「即係話，第九層唔受雪暴影響。但係晉升難度極高，全公司只有10位司憶者屬於第九層。」

原來如此，那第九層絕對是「公司」的特權階級。

然而這所謂的特權，幾乎任何平凡的人類都會擁有，只是我們從不當一回事。

所以說，12號，竟然是最高級的10位司憶者之一？！

「而相應地，世上亦有10位代理人，每位代理人都會各自同1位第九層司憶者協作。」

「代理人……即係木村托JOY？」

「……乜鬼『木村托JOY』？你噏乜……」

代理人聽起來似是跟司憶者平起平坐的樣子，那個傻氣的木村托JOY竟有如此崇高的地位？！

「所以，妳係冇辦法擁有自己嘅記憶……」

「司憶者要擁有永久嘅記憶，其實仲有第二個辦法。」芊柔道，「『身份借貸』。」

「嗯？」

「但係第一層係被禁止使用『身份借貸』。」芊柔苦笑。

「……所以妳朝住第九層嘅目標進發緊？點樣晉升？」我隨口一問。

「晉升只有一條路，就係持續與更多人類完成『記憶借貸』交易。每個層級，對於年度交易額有明確要求，只要達到要求，新一年度就可以晉升一層。」芊柔嚼著最後一根粟米。

「若果達唔到要求呢？」

「相同原理，無法達成要求者會被降一層，最多跌到第一層，到時就冇得再降。」

我聽罷，聯想起人類社會的職場文化，豁然一笑：「咁留喺第一層未得囉，就算成年完全冇交易額，『公司』都冇得降妳級，到時就可以偷懶，簡直係人生贏家──」

「傻㗎咩你。」她的臉色一沉，「『公司』每年度會引入新一批司憶者，而整體司憶者數目維持不變。」

「……點樣做到？」

「每個年度，『公司』會挑選一批第一層，畀佢哋『退休』。」

我聽罷一愣：「『退休』？咩意思……」

「據我所知，被『退休』嘅司憶者會從『公司』制度中消失。簡單而言，佢哋會失去『存在資格』。」

我陡地一震：「咁……唔通係……」

死。

所謂的「公司」制度，說白了就是「競爭至上主義」。勝者坐擁絕大部分資源，敗者則會喪失存在的權利。

「到底掌控『公司』嘅，係乜嘢人？不斷同人類交易記憶，到底有咩目的？」

如此無所不能的神秘機構，根本不是人類所能經營。但操控它的是誰？異星的力量？影子政府？未來人？還是……神？

芊柔把最後那根燒粟米，舔得一乾二淨。

然後她湊近我一笑：「如果本小姐對你講出真相，代價係被『退休』，你仲想唔想知？」

「想。多謝妳嘅犧牲。」我遮著額前的白髮，怕她又像上次那樣突襲我。

「你都係去死一死算。」

「話說，妳係第一層？」我轉移話題。

「你點知？」

「12號同我講咗。」

剛才12號跟我在螺旋梯空間，已簡略談過層級一事，芊柔是第一層，而12號是第九層，屬於「高層司憶者」，同時是芊柔的督導上司。難怪他如此老練，原來大有來頭。我始終搞不懂，何以一個小孩會晉升到如此高級——當然那不關我事了。

「嗰個『可汁』真係多管閒事……」芊柔一臉不忿。

「如果妳要晉升到『第二層』，仲需要完成幾多單交易？」

「……關你咩事呢？」

「1單？」

她不予回答，等同默認。

那即是說，芊柔只要完成我的這筆交易，就可以晉升。

當知悉第一層司憶者的坎坷，就能理解芊柔先前為何渴求與我達成交易。原來，她也只是個可憐的底層社畜。

「你唔好自作多情。冇人稀罕同你交易喎。」芊柔仿佛看穿我的心思，「我只係覺得12號逼使你交易，不擇手段損害客戶利益有錯。我為咗公司形象著想，要為上司嘅錯誤行為致歉。」

「12號策劃嘅惡作劇，目的係逼我回心轉意答應交易？」我勉強苦笑，那些愚蠢的惡作劇哪會產生效果？

「一半半。」芊柔道，「佢同時係要報復你嘅挑釁，所以最錯嘅係你。先撩者賤。」

「喂，邊度有呀……」我大惑不解。

芊柔歎一口氣：「你記唔記得，你喺『分行』叫咗佢一聲『正太』？」

「有咩問題？」他就是個100%的正太呀。

「12號最憎最增最增俾人當做細路。你踩中佢底線，佢報復係理所當然。」

「吓？理所當然個頭！佢點睇都係一個細路，我點知佢鍾唔鍾意呀？」我傻眼。

「哼，你問佢係咪12歲嘅時候，本小姐已經畀曬暗示你！」

回想起來，那次我把12號稱作「正太」後，他的確對我放了「你一定會後悔」這句狠話，以及稱我為那個什麼FTY！我想起螺旋梯倒下的金屬尖刺門，不禁倒抽一口涼氣。

別看那男孩可愛俊俏，心胸比芊柔還要狹窄900%！

時間流逝，我走到收銀處準備結帳時，芊柔一個箭步抵達，先我一步掏出錢包。

「妳做乜？」我傻眼，不是說好我請客嗎？

她一聲不吭，把硬幣逐一掏出，有幾顆掉到地上。她俯身撿拾，狀甚狼狽。

瞧她那副可憐兮兮的模樣，我掏出紙鈔結了帳：「我講過嘅會算數，妳收返埋啲私己錢喇。」

她把硬幣硬塞進我口袋：「我冇諗過要食霸王餐……」

「……」

「……你呢個人類，唔好再試圖關心本小姐喇。」芊柔低頭看著包紮好的手臂。

「點解？」

芊柔別過臉，聲量壓低：「本小姐唔想……再依賴任何人。」

她……這麼說是什麼意思？

芊柔彆扭地道：「何……況『公司』整爛咗你本筆記本，我應該補償……」

我聽罷一愣，芊柔雖則刁蠻，原來心思也挺細膩。

「呢層妳放心，嗰本簿妳賣身都唔會賠得起。」

芊柔目瞪口呆。

然後，她抱胸仇視著我：「變態，邊個賣身畀你隻毒撚？」

我尷尬語塞，只好別過臉：「……我當日都怪錯妳，鬧妳仲對妳動粗，我都做錯咗……而且，如果唔係你哋錯有錯著，將嗰一頁紙寄畀程雨奈，佢都未必會對我放低戒心……所以我哋冇拖冇欠，打和喇。」

「吓？程雨奈對你放低咗戒心？」

我倆踏出店門後，我把今天跟程雨奈邂逅一事，簡略轉告芊柔，她聽罷陷入沉思：「嗰首詩竟然發揮咁大嘅效果，係邊個寫嘅呢？」

「首詩？係嗰個女仔抄寫畀我嘅……」

「『嗰個女仔』？」

 「就係『回憶借貸』要我忘記嘅嗰個女仔。」

「噁。原來你同嗰條女係咁嘅關係。」芊柔猛打冷震，「嗰條女送呢首詩畀你，係咪借機向你表白呀？」

「……」

「講笑。」芊柔道，「地球上有生命體睇得上你至奇。除咗飲醉酒嘅烏蠅。」

我先不論烏蠅會不會喝醉酒，沒趣地說：「妳不如去死一死。」

「唔准抄本小姐講嘢。」

「咁法庭見囉。」

「既然你咁重視嗰條女，甚至斷絕咗關係都唔想忘記對方，其實佢係個點樣嘅人？」她隨口一問。

「妳指乜嘢方面？」

「當然係所有。」芊柔露出八卦的眼神。

「唔，等我諗諗先……」我猶豫片刻，語氣一本正經，「簡單嚟講，係樣貌比妳好37%，身材比妳好51%，性格比妳好98%，腦筋比妳好352%──喂喂喂！」

接下來半分鐘，我被芊柔在街上狙擊，她的貝雷帽流星錘，害我幾近命喪黃泉。凶險凶險！

「唓，唔想講咪算！」芊柔戴回帽子，語氣充斥鄙夷，「比本小姐更優秀嘅女性？若然真係存在，佢會睇得上你隻毒撚？咪笑大人個口！」

「睇你嘅待客態度，就知點解妳仲喺第一層咁霉啦。」

「唔洗你隻毒撚可憐。即使我留喺第一層，『退休』嘅風險並唔高。」

我沉默片刻，握緊拳頭。

「我從來冇可憐妳。」

雖然芊柔的確需要我這單交易，但我同樣有賴她的助力。就只是互相需要的關係。

我對她伸出手，態度殷切。

「湖芊柔，我需要妳嘅幫助。」

芊柔一愣，轉過頭。

「噁，真係令人作嘔。你直接講『想交易』咪得。」

想交易

點解凡天宇回心轉意，同意交易呢？
點解芊柔咁鍾意針對凡天宇呢？
唔食粟米嘅人，係咪真係95％特別細呢？
聽晚10點繼續

8月27日加更目標
（1）【連登Post】正皮數達 125
（2）【Penana本故】喜歡數達 350
（3）【IG】Followers數達標​​​​​ 1175 － [IG：utopian_hunter]

-加更目標每晚更新
-每日最多加1更

堅持好難，但你嘅支持，就係我寫落去嘅理由！
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter

新人 留名
btw之前睇過樓豬你個23層大廈故 好好睇