其實加拿大係咪真係咁好?

https://www.youtube.com/watch?v=ynUgP5eMhpA&t=330s

見到好多評論都話加拿大生活唔太好。

BTW，Stream B既人拎左OWP先，如果加拿大唔好，當白花左1 yr 時間，咪番番黎香港
但Stream A /EE既人就要小心，因為付出成本好大

還好

幾好

好撚凍，下下都零下3-40度，啲雪上到膝頭，唔好黎

其實 話好既人 係咪真係識人住加拿大，或者自己就起加拿大

唔好水人喎。認真討論

離開一個地方，好多野要從新開始

留名睇多啲人點講, 人已在加拿大

溫哥華第六年

唔好 唔好黎加拿大同我爭工做

唔好黎 thanks

請問邊度悶

屌你咩樓主！你幾個鐘前先問點樣可以移民加拿大！

其實好講你用咩心態住係度.
但呢part 最尾先講.

綜合方面：

住多倫多/溫哥華呢類地區,
屋租未去到香港咁痴線但都唔平.
如果你唔係搵得多,
通常都係要搵其他人夾租,
但細單位都講緊比香港好多私樓單位大


食方面貴過香港, 但份量大過香港, 個人覺得質素都差過香港, 除左蛋撻魚蛋燒賣呢d 地道野.
另外好多時都屋企自己煮, 好似我同女友,
依家中菜都識煮好多


而我地都有養車, 供車/油費/保費加晒約5000左右
綜合洗費我自己覺得都低香港一大截下,
特別你有養車的話.


個人方面：

工作方面我打鬼佬工, 日番6小時,
番朝6晏放晏12,
工作量係香港4成左右.
問同事問題, 佢會打篇論文咁樣答你
每日放工就係同女友出去食lunch,
好天果時就周圍去下.
唔好天就屋企打機/自學.


放假就會去day camp/滑雪/約朋友食野,
plan 緊夏天去酒莊同去玩水
基本上生活方面真係好放鬆...
呢樣係我係香港從未體驗過


最後講番第一句點解會擺最尾講,
因為你過黎係用咩心態, 係好決定你係度既生活開唔開心.
因為你去一個地方, 有得就一定有失.
你要乜野都似足香港既生活模式,
你要約fd 食飯打個電話就凌晨都有野食既, 加拿大唔岩你.
你要搵錢等同或多過香港既, 加拿大亦未必係最好既地方.
你要想食方便咩都可以好平同好方便食到, 加拿大亦唔及香港.
其實好多野都有取捨, 你肯用一個新移民,
用一個投入新生活既態度過黎加拿大既,
我覺得你會好易欣賞到加拿大既優點.
但若果係用比較既態度, 用香港既價值觀去審視加拿大,
咁我會覺得過到黎生活會幾難適應同唔開心
大概係咁.

我覺得應該要先定義一下咩叫「唔悶」

就係未夠好 所以先需要你嚟幫手建設得更好

就係依加心思思


想收集多啲資料

你問返自己香港係咪真係咁好就得㗎啦！

我怕去加拿大Stream A洗一筆錢，搵唔到工，結果要番番黎香港。咁會無左至少2-3年時間，同埋無左筆錢。

Btw，我認後生仔女既付出成本 無 起香港做左野超耐既人 咁多，唔洗賣樓、放棄份高薪工作 咁

好似唔係咁快拎到

您必須在五年內在加拿大居住兩年（730天），然後才可以申請成為永久居民。

https://lighthouseglobalgroup.com/%E5%8A%A0%E6%8B%BF%E5%A4%A7%E7%A7%BB%E6%B0%91%E5%BF%83%E5%BE%97/%E7%94%B3%E8%AB%8B%E6%A5%93%E8%91%89%E5%8D%A1%E5%8A%A0%E6%8B%BF%E6%89%8B%E7%BA%8C%E9%96%80%E6%AA%BB/