《我的MK妹同桌》（3）【完結篇】

長達半年先開第三post
可想而知更新速度有幾咁慢多謝仲keep住一路追嘅巴打
有時我返工都返到忘記咗一路寫落去嘅目的為乜
好消磨意志，但係都堅持咗咁耐，點都要有頭有尾。
唔敢講話個故好出色，自問文筆唔太好
內容亦唔算太特別同吸引
但我仍然想將呢個90後嘅故事寫出嚟
紀錄屬於嗰段時期嘅青春回憶
嚟緊呢個post將會完故，以依家咁樣嘅速度一定完到
我都想完故然後再寫下一個故，但唔想急，想寫好佢
下個故都有排寫的希望仲有人睇啦
一路以嚟蒙各位愛戴

上上一個post：https://lihkg.com/thread/2358519/page/1
上個post：https://lihkg.com/thread/2554099/page/1

連登傳送門
post1:https://lihkg.com/thread/1792012/page/1
post2:https://lihkg.com/thread/1884627/page/1
post3:https://lihkg.com/thread/1929409/page/1

紙言：https://www.shikoto.com/i/ZDW
Penana：https://www.penana.com/story/60871/我的mk妹同桌

第二季紙言：https://www.shikoto.com/i/7eH
第二季Penana：https://www.penana.com/story/73381/我的mk妹同桌-第二季

每50正評就加更，每100正評加兩更

等到我瞓著，我攤係張床，我部手機就擺係我心口，係等到部電話震醒我。

鄧登凳、鄧登凳、鄧登凳、鄧登凳

喺聲音同震動下嚇醒咗我，我拎起部手機，見到自己個樣，嚇得仲撚勁⋯⋯心諗做乜嘢，然後有一刻唔知邊撚個嚟，再望真啲，原來係自己嚟。

俾自己帥醒原來係咁樣嘅感覺。

喺呀詩facetime過嚟，望一望個鐘，凌晨5點幾。

大學生，平時點會咁早起身啊？我先啱啱瞓咗兩個鐘都無，我仲好眼瞓。

眼瞓到只能夠用好撚眼瞓嚟形容。

一接聽，呀詩唔係個畫面度，我淨係見到機場個天花板。

佢個人唔知去咗邊。

「喂？」我問佢，等咗咁多個鐘，一開cam就俾我睇啲咁嘅嘢？

隔咗一排，都係唔見佢，淨係聽到好多雜音，好吵。

我知佢係度忙緊，笠笠亂，所以靜靜地係度等，好快佢就拎返起個電話。

「喂？你瞓咗啦？」呀詩第一句就問我。

「瞓咗㗎啦，但俾你嘈返醒姐。」我笑說。

可能只樣嘅對話，會係我哋之後聯絡嘅常態。

「Sorry啊，我啱啱到啦，我諗你應該都瞓唔著㗎啦呵？」

呀詩嗰個「你應該都瞓唔著㗎啦？」真係可圈可點⋯⋯笑到個人精神返。

「係！俾你咁樣搞一搞，點瞓啊？」但我卻自虐地享受呢種甜蜜的折磨。

「嘻嘻！咁陪我啦，我想一到步，第一次可以同你分享。」佢耷低頭望住部手機，呢個視角嘅呀詩都好好睇。

見佢咁精神嘅樣，佢一撚定係機度瞓夠皮。

「有無係機度睇下片啊？」我問佢。

「無喎，瞓得好爽！」佢舉埋個手指公俾我睇，我都話㗎啦，「最衰佢會叫我起身食嘢啊，如果唔係我真係可以有排瞓㗎。」

我都知，平時你瞓教嘅樣我見得少咩？

「一落機開唔開心啊？」

「開心啊，可惜無你。」呀詩無表露啲咩，忽然間轉咗佢個前置鏡頭，我透過佢部手機，望到前面有個金髮鬼妹，佢再將個鏡頭轉一個圈。

「做咩無啦啦轉cam啊？」我問佢。

「想share俾你囉，等你好似都係我隔離咁。」到依家，我都仲係好愛呢個女仔。

「你轉返去頭先嗰個位⋯⋯」我叫住佢。

「做咩啊？」呀詩不解，「呢個位？」佢轉返正，係呢個位。

「係啊，你前面嗰個鬼妹幾正喎。」我唔識死咁講。

「李！建！強！」呀詩嗌我個名，然後轉返個cam，係佢個樣，嬲爆爆咁望住我。

「咩？」我挑釁佢。

「唔準啊！」佢可愛地說。

「你返嚟我咪無得望囉。」我講笑咁講。

「你就想！」

如果此刻呀詩仲係我身邊，我就可以攬住佢，可以錫到佢，可以撫摸到佢。

依家通通我想嘅，只能夠對住個螢幕，強忍心中的衝動。

總有啲嘢，係無辦法替代得了。尤其是上一輩嘅人話，依家科技咁發達，就算大家天各一方，有視訊就可以見到面啦。

點同呢？

見到面而無辦法觸碰，少咁啲溫暖，就會少咁幾分熱度。

「咁你依家點啊？係度等？」我換個話題，壓制住我頭先嘅衝動。

「無啊⋯⋯係度等學校嗰邊嘅負責人嚟接我咋，佢話佢就到啦喎，叫我係度等下先。」

＊＊＊＊＊＊＊＊＊＊＊＊＊＊＊＊＊＊＊＊＊
有興趣可以follow埋
@__book.s0n
https://www.instagram.com/__book.s0n/

#2 上文提要

新文：
我係咁樣同佢係度傾天光，然後傾到瞓著咗，我入睡前仲隱約聽到呀詩把聲係度講緊嘢。

我瞓醒已經係下晝，第一眼起身，我仲下意識覺得呀詩係度，想嗌佢個名。

去到喉嚨邊就已經打住咗，先醒起，係喎，琴日送咗呀詩機，啲記憶先至慢慢拼湊起嚟。

嗰種感覺就好似我哋第一次分手咁，好唔真實，但慢慢認清個現實。

手機上面有海量嘅訊息，好多都係呀詩send俾我，有風景圖，有佢嘅自拍，真係去到邊，佢都會影相俾我睇。

食咗啲咩都會同我分享。

呢啲嘢我哋一齊咗咁耐都無做過，平時又唔係唔見，忙嘅話大家都會體諒，反倒今次真係一段長時間唔見，其實只係比平時做多少少，但個感覺可以好同。

感覺呀詩都係我隔離，而我，好似我都係嗰邊一樣。自欺欺人？的確有些少，我都認同好似小學雞，但我一諗到要做到呢啲嘢，一啲易，就覺得一陣感動。

有個女仔願意為我咁做，而且嗰個係我深愛嘅人。

去到邊，第一個諗起嘅就係你；食到好西，第一個諗起嘅係你；見到咩好笑嘢，第一個想同你分享。

佢大可以諗到其他人，大可以懶得做，大可以po ig，咁佢都有po ig嘅，但唔係樣樣都有po，有好多淨係得我知。

我鍾意呢一種偏愛。只屬於我一個嘅愛。

同埋呀詩佢努力咁想keep住呢段long d嘅關係，可惜嘅係，到我起身，佢已經瞓著咗，係一個鍾頭前。

有時佢會叫我呀蛋，有時叫我呀強，叫我呀蛋嘅次數唔多，只有sweet啲嘅moment，佢先會用啲半搞笑嘅tone叫我「呀蛋」。

大家都知「強」同「蛋」嘅速食碼好近㗎啦，有次佢打錯我個名，佢自此就成日將錯就錯咁叫我呀強。

我同呀詩仲有好多回憶。佢唔係身邊嘅時候，就特別容易諗起同佢一齊嘅回憶。

回憶先係讓人難捨嘅位，最扎心。

呀詩佢搭巴士好鍾意坐前面，一定係坐巴士上層最前面嘅位，如果㗎車會上高速，可以望到海嘅話，一定會揀嗰個位。

佢話咁樣睇嘅景先係最廣，而且一程巴士幾蚊雞可以望到海喎，人哋海景套房都要成千幾蚊㗎，咪又係望住呢個海，有咩唔同先？

我又駁唔到⋯⋯

佢唔係中學先咁樣，佢係我哋一齊返之後，先發覺佢有呢樣特質。

我亦都俾佢無意間感染咗，自從我知道佢有咁嘅習慣之後，我搭巴士都會坐前面。

「坐咁前你唔驚死咩？」我聽完佢講之後，坐係佢側邊問佢。

「驚咩啊，架車要翻側你先會死，咁你坐後面翻側唔通就唔會死？？？」我分唔清佢嘅係歪理定係哲理⋯⋯

呀詩佢唔係成日都咁鳩，佢係間唔中先係咁，所以我對呢啲嘢特別有記憶。

＊＊＊＊＊＊＊＊＊＊＊＊＊＊＊＊＊＊＊＊＊
有興趣可以follow埋
@__book.s0n
https://www.instagram.com/__book.s0n/

正評，第一季出得密好多，自從第二季開始出文少到我都半放棄狀態，加上放咁多次飛機真係心都淡鳩埋，不過既然你仲有心keep住創作其實都應該支持落去，不論最後sad end定happy end都好。希望唔好爛尾，畢竟係我心目中係一個有質素嘅故事，加油。

lm

新po留名

加油呀

有次佢打錯我個名，佢自此就成日將錯就錯咁叫我呀強。

真係好易打錯

LM

花姐

新post留名

Live

推

多謝你！
我明白你嘅狀態，無咁多籍口，呢樣係我做得唔好地方，喺真心感到抱歉的。都諗過辦法解決，但始終無返工前咁鬆動嘅時間寫文。
第一季正值我最後讀書嘅階段，扑嘢故都係搵工嗰段時間寫，真係出得密，至少都每日一更，依家真係難做到
有心keep住創作只不過係基本，交出有質素嘅嘢先係我嘅本份，希望我嘅付出可以同你哋嘅期待相對應。

傻蛋強

多謝花姐支持

晏啲出文


中午or晏晝段時間

同一個人一齊得耐，身邊有好多事，唔多唔少都影響咗對方。

我由一個唔食菜嘅人，俾呀詩成日塞啲菜過嚟；由一個飲珍珠奶茶唔會嗌少甜嘅人，到依家嗌襯都微甜；由一個中學唔太注重衛生嘅人，到依家有潔癖。

影響真係可以好大。

我哋人生有幾多個呢啲相伴嘅日子？呀詩唔係我身邊嘅時候，我更加察覺到個落差，同以前嘅自己分別有幾咁大⋯⋯

佢嘅習慣已經融入曬我嘅生活，好似周圍都仲有佢嘅影子咁。

我亦都開始明白long d嘅煎熬。

之前唔太明人哋所講嘅long d好難捱，係咩一回事。不過我都慢慢明白，除咗見唔到之外，個時間根本難夾到仆街。

我日頭做緊自己嘢嘅時候，呀詩係嗰邊瞓緊教，唔係成日都就到時間skype。

我明嘅，所以我都嘗試俾自己適應呢種節奏，唔打擾都係一種愛嘅表現。

初頭我以為都ok啦，我哋keep住咁樣維繫都無乜問題⋯⋯的確嘅，一開始呀詩都無乜嘢，過到去所有嘢都新鮮，所有嘢都如夢般美好，同自己想像嘅生活一樣。

但慢慢就唔同了。

早知如果係咁樣嘅話，早知最後會搞成咁，我絕對唔會應承，會想盡辦法同佢一齊過去。

喺之後，每次我諗返起呢件事，我都會有同一樣嘅諗法，係每次！


＊＊＊＊＊＊＊＊＊＊＊＊＊＊＊＊＊＊＊＊＊
有興趣可以follow埋
@__book.s0n
https://www.instagram.com/__book.s0n/

分手伏線

同女朋友long d緊嘅我都有同樣感覺

Lm

新讀者，追咗成晚終於睇到呢度
某啲位真係好有共鳴，睇睇下個心會好痛
但有少少想棄故嘅念頭了，因為有種感覺係今次唔會再好似第一季咁係happy ending

Long建分強仔識玩未

今晚加速