《我的MK妹同桌》（3）【完結篇】

中間嗰句都講得好啱

都真
前排都chur得太盡

大家可摸耳分享下呢個故有咩咁吸引到你哋追去
明明我出得咁慢

其實你文筆唔錯，個故都吸引，又唔會太拖劇情
係出文慢

同埋追左咁多年點都要追埋個尾

+1

原來第二季出咗年半

無，一啲都唔吸引。俾你頭兩季呃咗入嚟，洗濕咗個頭

（認真講嘅話可能係有啲位寫得好，有共鳴，令到讀者有代入感，好似啊強無即刻落巴士追返條女，後知後覺令自己後悔，同時個故又夠貼地，寫到好多年少拍拖會發生嘅事，有時會係故入面睇到以前嘅自己。）

推

輕輕一推~

推

推

今晚先再更新
呢排忙到癲咗
好撚攰

我就係飛機度望住呢堆回憶，去到後期，我已經喊唔出，個旅程去到中後段，都係啲傷心回憶，我想喊，但喊唔出，我都唔知自己係度做緊啲乜，就搞成咁。

最後喊到啦，一喊就喊到好勁⋯⋯成隻手都濕曬，全部都係我抹落嚟嘅眼淚。

喊完一次之後，就喊唔出，睇下啲相，啲相真係用嚟勾起啲回憶㗎仆街。

每一個細節位都仲記得，連呀詩嘅觸感，都仲縈繞係心頭，亦清楚呢種熟悉嘅感覺最後都會散去，不過此刻，呢樣係我痛苦嘅來源。

我好鍾意坐係窗邊位。

我望完啲相，勾起啲回憶，然後就望住窗外，沉醉係回憶嘅世界入面，真係美好，唔捨得出返嚟。

就咁呆呆咁望住出面，再睇下一張，好記得張相係幾時，係邊度影。

今次分手，我哋真係徹底玩完，不過唔知嘅係，無咗呀詩，呢個新開始係咪好事呢？

一路以嚟，人生最開心同無憂無慮嘅兩個階段，都有呀詩嘅陪伴，依家我真係唔習慣，亦唔知點好，唔知自己面唔面對到。

到臨落機，提示我哋差唔多返到香港啦。

我亦都做咗一個決定。

係我決定開呢啲相嚟睇，嚟回味嗰陣，就同咗自己講。

『睇完就好del啦⋯⋯』

我由頭再碌落嚟，一張張㩒開佢，一張張del。

每一張，都係我親手del。

我都知咁樣好快，捨得㗎啦？

唔捨得㗎，但我都想之後嘅路可以好好地行落去，唔好因為時不時嘅留念，而選擇行行停停。

決定好，就好去做。

落手嗰陣好爭扎，但越del越快，因為已經無後路，第一、二張最有紀念價值嘅相都無咗，唔會再搵得返，就索性就咁講bye bye。

幾鍾意呢段，寫得唔錯，加油

好感同身受，但我個時完全冇勇氣del，只係將佢典藏左

del 晒啲相，即係永遠不相往來

求下唔好sad end 好虐心

好有畫面

推

返到香港，個人特別沉重。

我同佢嘅合照，同埋幫佢影嘅相，已經無咗，我淨係帶咗一啲英國街景嘅相返嚟。

到步後，我同呀詩講咗聲，我返到啦。

佢一如既往，好快就online，輸入中⋯⋯

呀詩：好，返到去好好生活啦

然後，就無然後呢一回事。

好想覆佢，但一拎上手，就覺得無再覆嘅必要。

如果今日我係純粹鍾意，我唔會諗，我會直接覆，因為我想表達自己嘅喜歡，唔需要其他人嘅認同，比起認同，我更想佢感受到我對佢嘅鍾意。

但依家，我想為佢好。

既然選擇咗呢一個結局，就應該有佢結局嘅方式。

不打擾，對我哋嚟講，都容易放低吧？

即使⋯⋯我仲成日都心思思想搵返佢⋯⋯

想問下佢，係嗰邊點啊？

想見到佢⋯⋯

想知佢有無人關心佢⋯⋯

想知佢係咪都同我一樣，會諗起對方呢？

但係我忍咗落嚟。

辛苦地忍咗落嚟。

如果經歷過第一次分手，係撕心裂肺嘅痛；咁之後嘅分手，就係綿密嘅痛。

返咗嚟幾日，好唔習慣無咗佢，同時間又知自己會捱到過去。

我無出過街，手機少咗好幾個call，看似熟悉，但又可以完全唔適應。

屋企人問我去英國去成點，我唔識應，選擇講大話呃屋企人。

「幾好玩啊，啲景真係靚，但係啲嘢食好貴。」

「咁呀詩呢？」都預咗你㗎啦，老媽。

「佢幾好啊，過得幾開心。」為咗令大話講得逼真，要眼都唔眨，有一絲猶疑都會俾人懷疑。

深夜，因為時差瞓唔著嘅時候，全部都用嚟諗起佢。

久違了
會有人在線嗎

Here

晏啲再更新