《我的MK妹同桌》（3）【完結篇】

推推

推推

Happy Ending係人都鍾意嘅 不過呢個sad end先係現實大部份人既經歷同會令人成長嘅位 見到第一季結局佢哋係返埋一齊 樓主一開第二季都估到最尾佢哋會分手
呢個世界有幾多人可以中學拍到結婚呢 好好分手 分手後做返朋友然後大家適應好重新出發開始新一段關係 我覺得咁更有共鳴更有意義

唉屌咁就睇咗三年
講真有啲唏噓，見到佢地個結局變成咁

個結局真係好寫實，雖然唔buy阿詩處理感情呢個方法，但佢都有佢嘅道理…人大咗出嚟做嘢，真係同以前好唔同，書生真係寫到個感覺出嚟…第二次一齊之後真係充滿好多好多可惜，但喺呢個社會生存，可惜一定係多過緣份。

雖然好想睇到後記，不過唔知又要等到幾時但無論如何，辛苦晒書生，雖然我哋等咗咁耐，不過都明你生活真係好忙，但最後都仍然俾咗個結局我哋辛苦晒

佢係有佢道理嘅，只係咁其實無從根本上解決問題

不過又咁講吖，呢個世界有幾多人會寧願痛苦都要徹底解決並預防問題，大多數人都係搏唔會遇到/再遇到個問題

多謝你咁用心嘅回覆
其實你剖析得好好，都講咗好多我想透過呢個故表達出嚟嘅嘢。


收到大家對個結局唔係咁接受到，我都明白
係現實中我同大家都一樣，被逼住接受一啲我根本唔想接受嘅事情⋯⋯

而你回覆裡面所提到嘅「等幾個月後一切回復正軌，唔可以試下一齊返咩？」以及「之前個timing唔啱，咪等到另一個timing再試過」

係第一季嘅時候，佢哋分開後可以一齊返，因為佢哋係嗰個階段同埋環境無乜嘢需要顧慮；而今次，其實我係想做一個對比。

階段嘅唔同，心態會唔同，諗嘢會唔同。未必再做得出一樣嘅事，要佢哋兩個可以有返第一季嘅心境一齊返，其實好難嘅事，依家嘅我都未必會有咁嘅心力與氣力再嚟一場轟轟烈烈，無所畏懼嘅愛情。

加上作者角度啦，想令個故事結局同上一次有所唔同，呢個都係我再開另一季嘅原因。

喺最後，呢個故除咗想大家珍惜眼前人外，更加想大家珍惜依家身處每個階段嘅當下，因為每經歷一個階段都係彌足珍貴，過咗就無。

好比結婚難以返去以前熱戀期，初相識嘅心跳加速，但係每個階段都會帶俾你另一樣嘢，結婚都有結婚嘅好，會係另一種生活體驗，感情亦都唔一樣，咁係咪熱戀期就係好？婚後嘅生活就係差？好睇你自己嘅心態係點。

可能過於執著以往嘅嘢，都會忽略新、而有機會變成重要嘅嘢。所以需要時不時跳出嚟，重新望一望自己周圍，有邊啲嘢不知不覺出現係你面前，而自己又不自知。

老餅嘅我見到歌詞都識唱

謝謝you

睇啲太童話式嘅嘢，睇完會更空虛

好多謝你
我知好多人期待嘅結局並唔係咁

後記會交代

罰你再重睇

我就真係老餅lu

有好多情節都係真嘅⋯⋯
咁當然唔會係全部啦
但無真事作支撐，都未必寫得到咁真實

巨gay

[member]小弟仲係學生，可能依然有嗰一團火
我實在係諗唔明點解去個Exchange搞到會分手，當時睇就係覺得，有啲兒戲？
去到後面呀詩講返，就算俾佢返返去，都會做同一個決定
因為唔想見到自己鍾意嘅人辛苦
我就覺得更加迷惑

不過睇故唔駁故，亦都感受到你有幾想去挽回同埋留住佢，唔係嘅話你都應該唔會癲到直接飛過去搵佢


對我來講，無論我幾辛苦都好，都唔緊要，最緊要係對方肯俾我默默咁陪喺對方身邊。

有時候唔使對方做同樣嘅嘢，先叫係回報對方嘅好。
只要默默咁接受對方嘅好並且感激，對我嚟講已經好夠好夠，已經係最大嘅回報。

成日都話「最緊要人冇事」，就係呢啲。
[member]

唉屌上面加密失敗 算啦

因為無人可以現實入面make到100%正確嘅選擇
實會有啲位做得未夠好
導致有人會鍾意，有人會討厭
亦正因為咁而構造咗呢個多變嘅社會出嚟

好明白你呢段
人大咗，真係著眼嘅嘢會唔同咗，決定都會變埋

個個人心境唔同
有啲人遇到痛苦，就會想推開晒所有人，自己匿埋就算
對佢哋嚟講，其他人關心自己就已經帶嚟壓力，所以咪會寧願同男主角分手
唔知咁樣嘅解釋你get唔get

當然呢個就係點解我覺得阿詩無成長到
因為佢就係被壓力擊敗咗，所以先會咁

樓豬仲會唔會寫下一個故？
定係工作太忙要封筆了？

我明大壓力嗰一排可能會想推走晒啲人
但係當佢過3-4個月後返香港
照計壓力源頭已經消失
狀態應該回復返好多
呢個時候女主如果仲愛男主/男仲愛女
我代入佢哋度 唔係會想搵返對方咩？
唔搏一齊得返，至少都講返清楚之前乜事，講句多謝/抱歉？

哩啲好睇當事人點諗嘢
有啲人會覺得見返都係為對方帶嚟壓力

有陣時逃避係最好嘅處理方法，分手做到朋友其實已經不錯了