《我的MK妹同桌》（3）【完結篇】

推

推推

推

「哇，都好快喎。」

「你同呀詩講咗未啊？」子晴隔咗一陣問我。

「未啊，你覺得我講唔講好？」我唔知點決定好，人哋就心中有數，我依家真係無，完全無諗法。

「你未講㗎原來？」
「我覺得如果係啲特別日子，情人節啊聖誕節、週年之類嗰啲呢，而佢又係呢啲時候表明掛住你，想同你講，然後又因為距離遠，機票貴而見唔到面，呢個情況你唔話俾佢知而飛過去呢，就好撚sweet嘅。」
「但依家你係擔心呀詩嘅情緒而過去探佢，我覺得無乜事唔好搞啲咩驚喜好啲，到時變驚嚇你就收唔到科。」

難得子晴打成串長嘅嘢俾我，千字文已經慢慢沒落緊，除咗有誠意，亦都有道理。

我都認真諗過佢段說話，與其搞呢啲無謂驚喜，不如令呀詩安心啲仲好啦。

有陣時，真係靠自己個腦呢，係未必諗得咁周到，諗太多方面嘅嘢，反而會漏咗至為關鍵嘅點。

嗰晚視訊，我將呢個消息話咗俾呀詩知。

「真係㗎？你真係過嚟？點解嘅？點解嘅？」佢個反應都好驚訝，碌大隻眼，嗰個開心嘅表情收唔埋。

見到佢咁，其實都唔洗專登唔講，飛過去俾個驚喜佢啊，可能俾著我都會係咁。聽到另一半話要過嚟嗰一刻，點都好雀躍，忍咗好耐嘅思念，瞬間充滿住期待。

「仲有咩點解姐，你想有好多原因咩？」我甜笑著。

「想啊，你講嚟聽下？」呀詩對眼發緊光咁，佢真係好興奮。

「掛住你啦，想見你啦，擔心你啦，想探下你啦，想同你出去玩啦，仲夠唔夠？」多啲講下甜蜜嘅說話，會滋潤到段關係。

但礙於大多數男人嘛，唔鍾意呢啲咁骨庳嘅說話，講唔出口，段關係就少咗愛情嘅甜言蜜意。

當然係可以靠其他嘢做到呢個效果，不過要花更多功夫。

「夠。」呀詩滿足咁講，仲點埋頭，佢個可愛樣又再出返嚟。

好似之前嘅憂鬱一掃而空咁。

果然，我呢個決定係做啱咗，就算真係貴到仆街，都覺得值得。

危機1解決咗

正皮LM

好彩有子晴教路

#71

Lm

推

推推

今晚更新
呢個禮拜六日加速加速

應該都無幾多次速可以加，加油

推推

如果嗰一個月係忙碌中渡過，係可以過得好快。

今次輪到我準備飛過去英國嘅嘢，呢段期間呀詩周不時都患得患失，都一樣會抱怨，仲會同我講，想我快啲過嚟。

完完全全睇得出佢唔適應嗰邊⋯⋯同埋後悔。

我上網查過心理病嘅資料，我對返啲普遍嘅特徵，呀詩依家咁嘅狀況係有啲憂鬱症嘅症狀。

我唔敢肯定，因為我同佢相處得最多，最能夠直觀感受佢帶俾我嘅嘢。

見到自己另一半咁樣，其實好心痛，個心會因為擔心而跟住忐忑不安。

「唉」呢個字，已經成為呀詩經常性嘅口頭禪。我從來無諗過離開，就算日後知道佢有去睇醫生，醫生都話佢有憂鬱症，需要用藥物治療，我知佢都好辛苦，好難捱，承受住好多嘅壓力。

作為男朋友嘅我，我都好想可以幫佢分擔一啲，我一定唔會係呢啲難關度選擇拋棄自己嘅另一半。

我估唔到嘅係，會係佢想選擇離開。

我明白佢嘅苦衷，我知佢唔係唔愛，只係唔想大家咁樣辛苦落去。

但我唔想，佢覺得我辛苦，但咁樣分手，我仲辛苦。行下行下，我哋差唔多跨過咗中學同大學階段，計計下都成5-6年嘅感情。

我接受唔到我哋兩個係咁樣嘅結局。

同埋我接受唔到keep得咁好嘅我哋，突然間因為咁樣而搞成咁。其實我哋一路以嚟嘅狀態都好好，聽講過唔少其他人嘅愛情故事，對比之下，我哋嘅問題都真係唔多。

間唔中嘅甜蜜，適當地調情，就連性生活，都協調到，無因為呢啲問題而產生分歧，真係好難再搵到個樣樣嘢都咁夾，然後又咁愛嘅人。

克服咗好多樣嘢，亦唔係因為第三者嘅出現，就算long d都好，我都清楚無呢樣嘢出現。

當所有嘢都好難得，你亦都有好好珍惜嘅時候，然後要你放手。

點放？我有咩可能眼白白睇住佢自己一個人捱呢？

我哋竟然會卡係度。

呀詩最後同我講：「你唔會真係明白到我感受，就好似當初我都係對憂鬱症有呢啲睇法一樣，我亦都清楚咁樣落去，只會兩個人更加辛苦。」

係我返嚟香港之前，呀詩選擇係機場入面同我分手。

不過係之前，我哋都傾好曬，溝通過，大家有共識，表面嘅共識，但表情都係控制唔到咁展露出我哋嘅內心。

呀詩曾經係網上睇到呢個句子，然後同我分享：

『點解當初兩個人係埋一齊嘅時候，需要兩個人同意，但分手，只要一個人選擇離開就可以？』

到依家我都唔知點解。

但我哋做到兩個人都同意。


＊＊＊＊＊＊＊＊＊＊＊＊＊＊＊＊＊＊＊＊＊
有興趣可以follow埋
@__book.s0n
https://www.instagram.com/__book.s0n/

好似有少少突兀，就算係日積月累導致抑鬱症，都應該有個契機/導火線。

今篇唔係好明想講咩

嚟緊會寫佢哋喺英國發生嘅事
諗住咁樣表達會有啲新花款

即係佢哋兩個都同意分手？
唔係好明sor

書生係咪挑戰緊寫100種分手嘅方式

希望可以見到呀詩角度係點諗

呢個係結局呀？
男主去完英國探女主就分手？