《我的MK妹同桌》（3）【完結篇】

好呀

支持

呢啲時候，自己覺得特別孤獨、難受。

朋友，好似亦都越嚟越少，依家可以搵得上嘅，我又數唔出。

好多嘅心情，只能夠屈係心入面。

或多或少，我依家終於感受到呀詩係英國鬱悶嘅心情，我覺得依家就好似英國嗰陣佢咁吧？

睇咗好多套笑片，去睇下劇、打下機去分散自己注意力，但都好難令自己放鬆得到落嚟。

我依家唯一可以搵嘅，係得子晴。

蕃薯仔佢之前搞到咁，我都唔係幾敢搵佢。

之前先勸佢放低，重新出發，依家再望下自己？真係有風水輪流轉呢回事㗎屌。

無人知我同呀詩分開咗，所以亦都唔會有人嚟關心我點樣⋯⋯

唔識點樣堅強，你叫一個無助嘅人可以點樣堅強？

學識點樣去面對呢啲情緒，好難控制，亦好難睇得透。

我都係屋企摺咗幾日，但其實我知無太多時間俾我咁樣係度虛度⋯⋯

之後又要面對實習啲嘢，完咗之後其實就要最後一年了，之後就畢業了。

要出嚟做社畜。

一諗起呢樣，前面條路看似已經穩穩地鋪好曬，實情係無選擇。

可能忙起上嚟，我會無乜時間諗起呀詩呢，我咁樣諗⋯⋯

就算返工
忙完一得閒就會又sad過了

但原來唔會，忙起上嚟嗰陣，只要一停低，我個腦就會好自然咁諗起。

一落堂又或者返完part time，一拎起手機，好幾次就停留係打俾呀詩前嘅畫面，一切都那麼熟悉、自然。

呀詩一早已經成為我嘅反射動作。

呢段日子，過得特別漫長。

每日都有嘢做，但每日都感覺過得好慢，我仍然默默咁留意住佢ig⋯⋯

我經歷過兩次失戀，兩次都係同一個人。

前一次，係天塌落嚟嘅痛；而呢一次，係長期病患。

我時不時都會仲諗起呀詩，不能自控咁想去關注佢，佢每一個post，都會猜想佢依家點。

經常心癢癢咁想搵返佢。

明知唔應該搵，唔可以搵，但就係會手殘。

佢有時都會係ig story度po啲sad嘢，黑mon，嗰邊落雨天嘅景況，啲句子都係啲鬱悶嘅文字，而歌，亦都好sad。

近排佢成日分享周興哲啲歌，睇嚟已經取替咗杰倫嘅地位。

唔知佢係咪情緒又唔好？係嗰邊過得辛苦呢？

我有覆過佢story，嘗試關心下佢，但佢無俾太多回應我，只係平淡幾句嘅回覆，比朋友更加陌生。

返到嚟自閉咗幾日，又要返學了，接住落嚟好多嘢做，我之後嘅傷心嘅時間都無。

唔似得中學嗰陣，仲可以任情地乜都唔理，依家唔理，會無得順利畢業，啲科又要再重新讀過，唔想再俾自己啲成績咁差，唔見得人。

煎熬又辛苦，連悲傷嘅權利都無，就逼住你要向前行。

以前係呢啲時間，我都仲可以去搵呀詩，去叉叉電，仲有佢可以撐住我。

依家佢唔係度，就覺得咁樣嘅狀態特別難捱，無助感更加大⋯⋯

原來我都咁多日無更新
呢排一邊返工一邊讀返書
除咗忙仲好大壓力
一有時間就更

太耐無睇 點解唔搵蕃薯仔

好似因為個人變到hyper positive 同mk?

巴打犀利

推

今晚返嚟更新

日子如常要過，身邊嘅人開始察覺到我哋兩個好似分咗手。

因為我ig上面同呀詩啲合照唔見曬，我典藏咗姐，去到後來我先知原來有典藏呢一樣嘢。

而呀詩po呢啲story，亦同我一樣唔見曬啲情侶合照，應該盲嘅都睇得出。

跟住係忙碌嘅日子裡頭，蕃薯仔同埋子晴係同一日搵我，大家分別係晏晝同夜晚姐。

不外乎都係婉轉咁問下我點啊之類，但其實我都知佢哋搵得我會係咩原因。

我唔係幾想面對佢哋，唔知點答佢哋。

所以拖咗大半日先覆佢哋兩個，佢兩個真係咁有默契？

子晴就比較溫柔，蕃薯仔真係唔避忌，第一句劈頭就嚟：你分手啊？

真係好想煎巴佢！

相反子晴就借啲意講下其他嘢，問下我呢排點，有意無意咁囉。

點都比蕃薯仔舒服㗎啦。

後來同子晴傾傾下，先知佢都同佢男朋友散咗了。

再忙都夾咗一日約出嚟食個飯，傾下偈。

無可否認嘅係，我哋都唔再好似以前咁，大家約出嚟好爽快，即興約又得，幾時約都得，大家見面嘅頻率，真係好密。

依家要約一餐飯都係奢侈，要問好幾個日子，擇個良辰吉日先食到餐飯。

我哋是但揀咗間餐廳，主要睇子晴有咩想食。

食咩係其次，出嚟傾下偈訴苦更難得。

子晴同我一樣，都係忙internship嘅嘢，同埋啲功課。

子晴又比以前中學靚咗⋯⋯因為更加識得打扮，同埋有化妝，都幾明顯睇到個分別，但又唔覺得濃。

成長嘅唏噓

聽日朝早會出文

佢一句就同我講話：「哇，你望落咁頹嘅⋯⋯」

雖然我都知，但聽完之後打擊都幾大。我笑一笑回應咗子晴，算係一種默認吧？

「你仲放唔低呀詩？」子晴啱啱坐低係餐廳，第二句就係問呢個。

我唔知笑定唔笑好，唔識反應，我明子晴問都係唔想避而不談咁，反而仲尷尬，仲更加唔舒服。

而且我出得嚟，我都預咗會傾呢個問題，先至會選擇出，如果唔係根本唔會約得成。

我個心仍然仲有呀詩嘅影子係度，我亦都想同其他fd傾下呢個問題，可以聽下啲有用嘅意見，究竟我應該點做？

「未啊，唔知點先可以放得低，我唔識啊⋯⋯」

「你有無同呀詩聯絡啊？我想知佢依家點⋯⋯同埋我都想知佢其實點諗。」我真係厚顏無恥咁問㗎啦。

「有啊，點會無聯絡啊。」子晴睇緊餐牌，一邊答我。

「其實呀詩都有問下你，你哋兩個真係如出一轍，你哋嘅事我都有聽講過，我明白你哋嘅無奈，亦都覺得好可惜⋯⋯」

「而且我哋幾個啲關係，好似都返唔到去從前，我同蕃薯仔啦，依家到你同呀詩。」子晴低頭睇餐牌，雖然睇唔到佢表情，但句句說話都好感慨。

佢講得啱，好似真係返唔到轉頭⋯⋯除非我哋全部都各自無嘢，先至可以再次出嚟，都保持住歡愉嘅氣氛吧？

「都係，唔知要幾耐先可以無事呢？到時候我哋出嚟，可能都各自有另一半呢？」我苦笑著。

我不敢想像。

子晴終於望住我，原來係想問我食咩，我哋落完單，子晴仲記得頭先個話題。

「到時候一講返當年嘅嘢，就大把嘢講㗎啦。」咁佢又講得啱。

「咁你聽完之後，你覺得點⋯⋯我應該點做先好⋯⋯」我忍唔住開口問佢了。

子晴思索咗一陣，佢先講：「其實都無乜辦法，始終呢個係佢想要嘅結果，佢唔想拖累你，再加上佢都處理唔到自己情緒，佢讀社工係需要接受好多負面情緒，唔一定個個都消化得到，佢一時之間要面對太多嘢啦。」

「佢咁樣嘅選擇未必會令佢感到開心，但至少無咁大負擔同埋內疚先囉⋯⋯」

「將來你哋真係仲有心嘅話，話唔定會再好似之前咁一齊返呢？亦都可能唔會，都唔一定。」

「選擇等，或者唔等，都無乜問題，唔好睇得咁重，唔好expect人哋會等，亦都唔好排除呢個可能，仲要自己都有呢個心，咁樣先難。」

我感覺到，子晴呢番說話係有過一番體悟先講出嚟，佢同蕃薯仔先前先經歷過類似嘅嘢。

佢肯分享，證明佢都係真心想我好。

「咁你會唔會等蕃薯仔？」我話鋒一轉。

將來你哋真係仲有心嘅話，話唔定會再好似之前咁一齊返

我覺得有可能

喊住推

我知道呢句係問正子晴嘅痛楚，但我好想知，原因係我可以籍此機會大約估下呀詩點諗。

因為你叫我諗，我係咩都諗唔到。

「睇到時情況點啦，可能再遇返，大家都仲唔keep住有感覺啦？有人嘅情況係分開咗之後就已經死心，唔會再有機會返撻，但有啲係仲有保留，通常分手嗰陣仲有依戀。」

「我對蕃薯仔係後者嚟，我會有保留空間囉，但唔勉強。」子晴講呢句說話嘅時候，我覺得有啲怪怪地。

後來細心一諗，我知怪嘅位係邊。

「你男朋友知唔知㗎？」印象中子晴係拍緊拖㗎喎。

「我同我男朋友散咗啦。」子晴又講啲爆嘅嘢。

「下⋯⋯幾時嘅事？」

「個令兩個月前咋嘛。」子晴氣定神閒咁講，已經唔係問佢有無事嘅時候，過撚咗了。

「搞到我嚇一嚇，咁⋯今次又因咩事散嘅？」自己fd啲消息開始知得越嚟越慢，已經唔再係第一手知道嘅人。

「無嘅，大家嗰方面唔夾⋯⋯而且佢都有出去搵第二個。」短短幾句看似交代咗成個故仔，但係當中skip咗好多嘢，好多辛酸嘢⋯⋯

我一時語塞，唔知點接落去好，驚問深啲又好似唔識做咁。

「咁你有無搵蕃薯仔？」

「啊唔係⋯⋯應該咁問，蕃薯仔仲有無搵你？」

「無好耐啦，睇佢ig好似都有女朋友啦。」子晴呢句，有些許嘅醋勁，至少證明子晴仲在意蕃薯仔。

本來想問子晴關於呀詩啲嘢，傾傾下反而更加想知多啲子晴嘅現況。

人生真係好迂迴曲折。

呢個故現實得嚟好細膩，雖然好sad，但真係好好睇

Push

Push
中學嗰陣睇到而家

Push