《我的MK妹同桌》（3）【完結篇】

Sorry咁多位巴打！
呢排都真係無時間出文！！
有時間我就會即出！！！
放心啦！！！！

辛苦書生了

Support ching

支持

隔咗成年再睇 啱啱追完post 1 過黎留個名先

不過第一季嘅好多人設 劇情都唔記得晒

睇到送fd 移民嗰度 冇印象啲fd 係邊個

第一季只係記得

阿詩老豆對佢好差 成日虐待佢

男豬情商方面勁低 接近弱智 經常做啲作死行為挑戰阿詩底線

所以之後就唔記得因為咩事 搞到阿詩冇咩安全感就同佢分手

最後 DSE 後先復合返

淨係記得呢啲 其他啲劇情唔記得晒

睇嚟我應該要再睇返第一季 但又唔係好想再睇到眼濕濕

Btw 樓主加油 雖然冇第一季咁緊湊 但係第二季都好好睇

慢都唔緊要 最緊要唔好爛尾

推推

晏啲更新

慢慢，今次唔吹你

推推

「之後嘅時間，你都可以揀呢幾日去邊。」呀詩面帶笑容咁講。

「下？」我唔理解做咩咁樣。

「我只係試下學識放手，用呢段時間。」

「同埋我都真係無乜時間，我都要做功課，而且咁樣我哋先無咁痛苦。」呀詩抬頭望望灰濛濛嘅天空，釋然地說。

「睇吓我哋可以行到幾遠？」

無奈底下，我只好接受。

我未搞得清個情緒同埋情況，係咪真係咁樣會好啲呢？我唔知。

我唯有試吓呀詩提出嘅方案，既然大家都無方向，暫時都無辦法，俾啲時間緩衝一下，再去深層思考，會對件事更有幫助。

一直係度捉住呀詩係度傾都唔係辦法，佢有自己嘅嘢忙，而我都需要時間去諗清楚咩一回事，需要消化吓。

出住咁多先
聽日再出多啲！

呢排真係出唔到文
我已經連續兩個禮拜放假都做緊返工啲嘢
真係做到想嘔
依家都仲做緊
差唔多搞掂嚟緊呢個禮拜應該會正常返
希望啦屌

上個禮拜我一樣分唔到身

都無人催搵食緊要

推推

推

推

工作重要，加油

推

剩底嘅，我唔識點回應，當下個腦一片空白，轉唔到。

有句說話喺網上睇返嚟，覺得幾啱，用嚟形容依家嘅情況再好不過。

『愛情從一開始就是在巔峰時期，相遇便是最美好的狀況，之後就是一路走下斜。無論是不是平線在行走，也是一路往下走。』

我哋只係不斷地邁向唔同嘅人生階段，形成一種錯覺係一路進步，一路向上發展緊。

呢段時期，消磨最後嘅耐性，唔係彼此間嘅感情，係對呢段關係，無等待落去嘅耐性。

仍然為對方著想㗎，仍然唔想見到對方傷心個樣㗎，但係當我哋連返去嘅路程上，因為呢啲說話攤曬出嚟講，之後連拖起隻手都尷尷尬尬咁，失去埋嗰一種動力。

就意識到可能我哋真係返唔到轉頭。

生活嘅細節挑唔起我哋愛意，只係需要解決嘅一件事。

「買啲嘢食返去？」
「好啊。」
「買呢個好無？你鍾意食喎。」
「無所謂啊，你都可以買你鍾意食㗎喎。」

原來一段關係喺最後嘅階段，細心嘅溫柔會變成虛假嘅戲碼。

只係顧慮著對方感受，而唔敢將最赤裸嘅事實坦白出嚟。

可能講出嚟，我哋都會因為咁而崩潰吧？

買咗啲嘢食，我哋就返咗去，其實我嘗試想係呢啲生活嘅細節上搵返一啲愛意。

嘗試去營造一啲浪漫嘅情節，依家呢個定位好尷尬，亦唔知點樣定義，或者用咩角色面對呀詩。

都仲係因為唔甘心？定係純粹想試下我哋係咪真係無愛意？

最後我係呢一切嘅反應度，都肯定唔到。似有還無，但我覺得呢一切要咁樣嘅話，已經變得毫無意義。

一入屋，呀詩就去做功課，嘢都唔打算食住。

我不禁想像，可能我哋各自出嚟社會，忙起上嚟嗰陣就會咁？

連同愛情一齊死亡？

推

好sad

推推

詩

今晚返嚟更新