加油短篇sweet故合集
Bottas（已硬）
1001 回覆
266 Like
9 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
加油等埋先瞓
打完check緊
5.
星期日嘅夜晚，我部電話響唔停。
即使我狂cut線，對方仍然孜孜不倦咁打過嚟。
我俾佢嘅堅持打敗，最後都係聽咗電話。
「教練，今日星期日呀，放過我啦⋯⋯我對腳好酸呀⋯⋯」我唔俾對方任何開口嘅機會，一聽電話就開始扮慘，意圖勾起佢嘅同情心。
「酸就跑多幾轉，等身體習慣下。」可惜呢招對魔鬼教練嚟講冇用，佢嘅聲音裏只有冷酷同無情。
我真係服咗佢。佢成日打電話嚟，搞到好似係我爭佢錢咁。
但其實呢一切都係我自己攞嚟，係我知道自己會偷懶，所以之前拜托過佢督促我跑步。
「我一定會係咁拖延，你到時一定要用盡所有方法逼我落街！」冇幾耐之前由我親口講出嘅說話仍然歷歷在目。如果可以回到過去，我一定會狠狠咁打自己幾巴。
扮乜嘢勤力？喺屋企hea唔開心咩？咁多口做咩呢？
「唉，」我聽到溫仲衡嘆咗口氣，睇嚟佢都覺得我好難搞。「咁啦，如果你今日肯跑，我就請你食宵夜啦。」
「我要食串燒。」我舔咗舔嘴唇。
肯跑下話，跑一百米都係跑吖，我沾沾自喜。
「成交。」佢應承得爽快。
我迫不及待咁換衫落街。行到跑步嘅地方，溫仲衡已經喺度等緊我。
佢額上有薄汗，因為佢每次喺我嚟之前就已經自己跑咗陣，等我嚟到之後就專心陪我跑。
其實呢個免費教練真係唔話得，仲要自費請我食嘢吸引我嚟跑步。
「係咪我肯跑就有宵夜食先。」熱身嘅時候，我向佢再三確認。
可能係我期待嘅表情太過明顯，佢忍唔住笑咗出嚟，嘴邊一個酒窩浮現。
「冇錯，如果你可以喺37分鐘內跑完5k，我就請你食串燒。」
？你頭先唔講嘅？？
我立即轉身就走。
「返嚟。」溫仲衡一早估到我會有咁嘅反應，喺我成功轉身之前佢就捉住咗我嘅手臂。
我憤慨咁轉頭，想鬧佢卑鄙，卻對上佢似笑非笑嘅表情。
「想去邊？」佢語氣平淡，但我從中聞到一絲威脅嘅味道。
我即刻唔敢出聲。
媽咪呀⋯⋯佢嗰種教練嘅氣場真係好得人驚⋯⋯
「開始啦。」佢彷彿冇留意我嘅情緒一樣，自顧自咁宣布。
我敢怒不敢言。
喺溫仲衡嚴厲嘅督促下，我最後辛辛苦苦咁跑完5k。
因為要趕住喺佢講嘅時間內完成5k，今次跑完我真係得返半條命。
「36分48秒。幾好吖，達到我set嘅標準。」佢若無其事咁舉錶宣布我跑步所用嘅時間。
究竟佢係咪痴線，點解跑完5k都呼吸自如，好似冇事發生咁嘅？？
「好喇，可以去食串燒喇。」佢講。
但我啱啱跑咗咁耐，而家完全唔想食嘢。
都唔知佢今日係咪一早知道我跑完會唔想食嘢，所以先至咁豪爽話會請我食宵夜。
「呢餐記住先，之後搵日請你食啦。」
聽住先啦。
最後佢陪我沿住頭先跑步嘅路徑散步，等我唞順條氣。
夜晚陣陣涼風吹過。行咗一陣，我身上嘅燥熱都漸漸散去，心情慢慢變得舒暢。
其實堅持到最後嘅話，跑完步的確好舒服。
呢個時間，路上冇其他行人，只有我哋兩個，格外安靜。
「第一次見你嘅時候，你喊緊，我遞咗張紙巾俾你，你仲記唔記得？」行行吓，溫仲衡突然開口，打破咗呢刻嘅寧靜。
乜原來佢認得係我呀？
我點咗點頭。
「其實我一直都想問你，你嗰晚點解喊嘅？後尾又見你成日鳩下鳩下咁，我仲以為自己嗰陣係認錯人。」？？？
咩鳩下鳩下，講嘢小心啲好喎。我關注點完全錯晒。
不過我最後都係如實咁同佢講。可能係秋天夜晚嘅氛圍太舒服，太容易令人放下戒心。
聽完我講之後，溫仲衡沉默咗幾秒，然後開口：「其實我以前都戴過綠帽。」
「吓？！」我語氣勁驚訝，甚至有少少失禮。
「做咩呀，好出奇咩？」佢好似被我嘅反應娛樂到。
唔係講笑，我懷疑佢係為咗安慰我而作出嚟嘅。
「你咁靚仔都戴綠帽？」
弊，唔小心講咗真心話添。
星期日嘅夜晚，我部電話響唔停。
即使我狂cut線，對方仍然孜孜不倦咁打過嚟。
我俾佢嘅堅持打敗，最後都係聽咗電話。
「教練，今日星期日呀，放過我啦⋯⋯我對腳好酸呀⋯⋯」我唔俾對方任何開口嘅機會，一聽電話就開始扮慘，意圖勾起佢嘅同情心。
「酸就跑多幾轉，等身體習慣下。」可惜呢招對魔鬼教練嚟講冇用，佢嘅聲音裏只有冷酷同無情。
我真係服咗佢。佢成日打電話嚟，搞到好似係我爭佢錢咁。
但其實呢一切都係我自己攞嚟，係我知道自己會偷懶，所以之前拜托過佢督促我跑步。
「我一定會係咁拖延，你到時一定要用盡所有方法逼我落街！」冇幾耐之前由我親口講出嘅說話仍然歷歷在目。如果可以回到過去，我一定會狠狠咁打自己幾巴。
扮乜嘢勤力？喺屋企hea唔開心咩？咁多口做咩呢？
「唉，」我聽到溫仲衡嘆咗口氣，睇嚟佢都覺得我好難搞。「咁啦，如果你今日肯跑，我就請你食宵夜啦。」
「我要食串燒。」我舔咗舔嘴唇。
肯跑下話，跑一百米都係跑吖，我沾沾自喜。
「成交。」佢應承得爽快。
我迫不及待咁換衫落街。行到跑步嘅地方，溫仲衡已經喺度等緊我。
佢額上有薄汗，因為佢每次喺我嚟之前就已經自己跑咗陣，等我嚟到之後就專心陪我跑。
其實呢個免費教練真係唔話得，仲要自費請我食嘢吸引我嚟跑步。
「係咪我肯跑就有宵夜食先。」熱身嘅時候，我向佢再三確認。
可能係我期待嘅表情太過明顯，佢忍唔住笑咗出嚟，嘴邊一個酒窩浮現。
「冇錯，如果你可以喺37分鐘內跑完5k，我就請你食串燒。」
？你頭先唔講嘅？？
我立即轉身就走。
「返嚟。」溫仲衡一早估到我會有咁嘅反應，喺我成功轉身之前佢就捉住咗我嘅手臂。
我憤慨咁轉頭，想鬧佢卑鄙，卻對上佢似笑非笑嘅表情。
「想去邊？」佢語氣平淡，但我從中聞到一絲威脅嘅味道。
我即刻唔敢出聲。
媽咪呀⋯⋯佢嗰種教練嘅氣場真係好得人驚⋯⋯
「開始啦。」佢彷彿冇留意我嘅情緒一樣，自顧自咁宣布。
我敢怒不敢言。
喺溫仲衡嚴厲嘅督促下，我最後辛辛苦苦咁跑完5k。
因為要趕住喺佢講嘅時間內完成5k，今次跑完我真係得返半條命。
「36分48秒。幾好吖，達到我set嘅標準。」佢若無其事咁舉錶宣布我跑步所用嘅時間。
究竟佢係咪痴線，點解跑完5k都呼吸自如，好似冇事發生咁嘅？？
「好喇，可以去食串燒喇。」佢講。
但我啱啱跑咗咁耐，而家完全唔想食嘢。
都唔知佢今日係咪一早知道我跑完會唔想食嘢，所以先至咁豪爽話會請我食宵夜。
「呢餐記住先，之後搵日請你食啦。」
聽住先啦。
最後佢陪我沿住頭先跑步嘅路徑散步，等我唞順條氣。
夜晚陣陣涼風吹過。行咗一陣，我身上嘅燥熱都漸漸散去，心情慢慢變得舒暢。
其實堅持到最後嘅話，跑完步的確好舒服。
呢個時間，路上冇其他行人，只有我哋兩個，格外安靜。
「第一次見你嘅時候，你喊緊，我遞咗張紙巾俾你，你仲記唔記得？」行行吓，溫仲衡突然開口，打破咗呢刻嘅寧靜。
乜原來佢認得係我呀？
我點咗點頭。
「其實我一直都想問你，你嗰晚點解喊嘅？後尾又見你成日鳩下鳩下咁，我仲以為自己嗰陣係認錯人。」？？？
咩鳩下鳩下，講嘢小心啲好喎。我關注點完全錯晒。
不過我最後都係如實咁同佢講。可能係秋天夜晚嘅氛圍太舒服，太容易令人放下戒心。
聽完我講之後，溫仲衡沉默咗幾秒，然後開口：「其實我以前都戴過綠帽。」
「吓？！」我語氣勁驚訝，甚至有少少失禮。
「做咩呀，好出奇咩？」佢好似被我嘅反應娛樂到。
唔係講笑，我懷疑佢係為咗安慰我而作出嚟嘅。
「你咁靚仔都戴綠帽？」
弊，唔小心講咗真心話添。
live
好快手
我時刻都mon實樓豬你出文
好感動
Live！！好開心！！！
一變翻第一人稱就又開始睇到傻笑
一路睇一路同自己講，「故黎㗎咋！現實唔會有㗎！」
但樓主你文筆幾好，寫得貼地得黎又有畫面感，令人睇得好投入，pishpish!
但樓主你文筆幾好，寫得貼地得黎又有畫面感，令人睇得好投入，pishpish!
多謝你
睇得開心就好
睇得開心就好下一章大隻靚仔係咪就會哄埋嚟
未諗
瞓覺 推
一日無入嚟多咗咁多頁以為更新咗好多文
現實有 不過唔係我哋姐
啲故sweet到心痛是咪正常
點解心痛
都ok多啦
真嘢唔好講
LM