我自己覺得呢個世界有好多嘢都係隨機發生同埋難以預測,尤其是經濟環境呢樣嘢。可能當初嘅投資人都冇預料到未來會發生石油危機同FED容許貨幣供應過度增長,導致 stagflation呢樣嘢發生, 因為以我所知過去嘅經濟學都認為通脹同埋經濟衰退係唔能夠同時存在, 不幸地最後佢就係發生咗 。如果將來可能又因為發生一啲黑天鵝嘅事件導致又重現返美國stagflation嗰段經濟時期,令到UPRO+TMF呢個組合長期負回報, 對投資人嚟講可以話係一個災難
其實我並不反對呢個策略,只係唔想有人因為backtest左過去十年嘅data就誤會呢個組合係一定成功,一定表現理想,而忽視左黑天鵝發生嘅可能性
所以都係嗰句無論要採用任何投資策略之前都要了解風險, 唔好將投資結果諗得太理想
利申:小弟econ知識只有中六dse level, 如果我有錯嘅話請大家指正