接下來係我一個月前對成件事既整合,我諗用第三身去講呢件事會好啲,因為大部分都係由人地口中講返比我知,即使到宜家呢刻,我都仲係覺得自己發左場夢,所有野都好唔真實。
當Ricky差唔多同乖乖女Natalie分手既時候,就係佢同個ex Yan舊情復熾,呀Yan個時已經有個拍左差唔多一年既男朋友,就係佢同Ricky一分手就同左佢一齊。
係十二月尾,Ricky同Natalie分手之後帶左呀Yan返屋企,相信大家都知Ricky帶佢返去都係為左個樣野,而呀Yan既男友就已經
。
到一月頭既時候,Ricky曾經想搶返呀Yan返嚟,叫佢飛左條仔,而呀Yan諗返起當時係比Ricky飛既,心有不甘,一口拒絕左佢仲冷戰左排,就係個個時候,Ricky遇到岩岩失戀既呀妍,兩個人相遇,因為個一刻佢地都需要一個人係身邊。
佢地岩岩開始既時候,就好似普通情侶進入熱戀期;可惜,過左個幾月之後,當Ricky返返去佢表哥間舊公司幫手,佢同呀Yan就好似五年前咁係呢間公司見返面,再一齊返。
對呀妍嚟講,佢以為係一個旅行、一次公幹令佢地既感情開始變淡,仲怪自己第一次拍拖唔識點去維繫呢段感情;佢以為Ricky需要既係時間空間,但就點都無諗到,佢會攞去陪第二個
。
係呀妍同Ricky最後一次約出嚟既時候,其實Ricky已經帶過呀Yan同佢地以前養既狗豆豆返佢屋企見佢爸爸媽媽,當然佢兩老好開心,就只得嘐妍咩都唔知;Ricky早係旅行既時候,將買比呀妍既野都買兩份,另一份係比呀Yan,雖然佢同行班兄弟都屌過佢,但佢無理照買。
Ricky無勇氣同呀妍講分手,因為呀妍一直都對佢好好,佢覺得由佢開口會變成衰人,個晚佢送到呀妍去屋企樓下既時候,佢最後講左句說話然後就扔低呀妍一個踎係度喊:
「我覺得好大壓力唔想再見你。」
呢句話最大既威力係佢無講將分手兩隻字講出口但又帶有呢個意思,而且仲將責任推左比另一方,營造到自己咩錯都無。
至從呀妍提出各自分開下既時候,佢不斷反省過自己做過啲咩令到Ricky咁大壓力,由始至終佢都以為係自己既錯Ricky先會離佢而去;同時呀Yan同左佢個男友分手,正式同Ricky一齊返。
佢地其中一個原因係因為,呀Yan懷疑自己有左BB,而佢聲稱肯定係Ricky既,因為佢同Ricky搞完之後一直都無同前任搞過,當然Ricky只可以信佢啦
。
帽子戲法可以玩到咁高超,呀Yan都幾唔簡單。
所以係呀妍為左去cool煲去澳門既時候,Ricky一心想當呀妍係後備,萬一佢同呀Yan因為BB既時而分開,佢都輸唔晒;所以佢叫呀妍再比啲時間佢,原來係為左搞清楚呢件事。
最後呀妍自己係Facebook揭發呢一切,提出分手。
呀Yan本來諗住同個BB去迫Ricky同佢結婚,但Ricky點都有懷疑個BB有機會唔係佢既,所以就用唔想太快有小朋友呢啲濕鳩藉口話要落左佢,其實個時都五月,呀Yan係最炆既時候落左佢,應該最少都已經有三個幾月大
。