其實Ricky每次叫我上佢屋企,我都知道佢背後既目的只得一個;我都有直接提出過不如去開房,咁就唔洗係佢屋企提心吊膽,但佢話出面好污穢呀呢樣個樣,唔夠屋企舒服,又唔想亂晒錢。
Ricky繼續一路錫一路刺激我最敏感既位置,但可能我岩岩喊完,完全無咩想搞既感覺。
「我想襯佢地返嚟之前嚟一次。」Ricky係我耳邊到講。
於是我配合Ricky幾分鐘,都有交足戲既,完左之後Ricky攤返係到問左條問題:
「你會唔會覺得我太細滿足唔到你?」
呢條一百萬既問題我唔識答,有無錦囊可以用?
我合埋眼,用左一秒拆解呢條問題:
「傻既,你對我好已經夠㗎啦,其他野都唔重要。」唔識答既問題選擇唔答就可以,因為我又唔想講大話氹佢又唔想坦白傷害佢。
「你仲細仲未見識呢個世界有幾大啫,你又靚又醒目,我驚第時你實好多人追唔要我咋。」
Ricky唔知做咩突然咁感性㗎講埋啲奇奇怪怪既野。
「係㗎,所以你都要一直陪住我,唔好比人搶走。」
我攬實佢,挨住佢既心口,好溫暖。
可能我中學既時候已經會諗好多野,就咁就錯過左可以好純真咩都唔諗咁拍下拖既機會,雖然我有同男仔叫做拖過下手仔既,但完全唔係個回事,感覺似湊仔多過拍拖,而個種感覺同Ricky一齊既時候其實都幾似,唔同既係佢肥肥地好有安全感。
係Ricky訓著左既時候,我係ig post左張相,係我地係AIA Photo Booth影既,當年既主題係影住塊鏡既倒影,用屋頂嚟做背景。
呢張係我係ig post過既第一張拍拖既相,亦係同Ricky既唯一一張。