唔知Ricky係咪嬲嬲地我頭先沖涼咁急衝出嚟，入到嚟佢粒聲都無出就著返衫褲開電腦。
唉頂，原來佢一早已經攞埋條底褲入廁所，佢掂都無掂過底褲個櫃桶，我諗左陣點樣引佢開個櫃桶好。
「呢個櫃裝咩㗎？」我調高把聲懶可愛指住咁問Ricky。
佢繼續㩒電腦擰都無擰轉頭理我......唔撚係真嬲掛。
「哼，唔好理我唔好打開個櫃呀衰人！」
諗起整卡個時比佢話我唔理佢搞到我要氹返佢，宜家想比驚喜又要再比佢嬲就覺得好唔忿氣，自己搞咁多野貼錢買難受，仲要每次都唔見得光咁送上門陪佢，諗諗下就開始眼濕濕點解要受啲咁既氣。
我攞張被冚埋自己個頭，流住無聲既眼淚；其實我好唔鐘意喊，更加唔想比人睇到自己咁軟弱既一面，特別係屋企人面前，我唔想真心愛鍚我既人擔心。
但唔想比Ricky知道既原因唔係因為後者。
過左陣我聽到打開櫃桶既聲，然後就感覺到成身比好重既野壓住。
「呀妍，對唔住呀我咁蠢宜家先睇到。」佢掀起張被錫左我塊面一啖。
Ricky呢一吻，將一股溫暖帶走呀妍既委屈不安，將一個一直搏命忍住咁喊既呀妍變做個小朋友放聲大哭。
「咁我一直諗住比驚喜你，但又整到咁失敗仲要比你嬲....我覺得自己先係又蠢又傻呀...
」我冷靜完呢句又再喊返。「你唔好喊啦，你張卡明明叫我應承唔好再整喊你但宜家又喊到口水鼻涕都流晒出嚟。」佢用紙巾一直幫我抹走眼淚鼻水，但佢一張抹一下搞到成床都係紙巾。
「你仲好講...你呀，邊有人咁樣抹㗎晒曬啲紙巾啦。」我捉住佢隻手咁教佢用印乾自己既眼淚。
「都唔知點解抹既啲眼淚仲有既，好似唔受控制咁。」我望住好認知既Ricky，忍唔住笑一邊抹走仲流緊既眼淚。
「咁以後等我幫你控制，唔會再有下次喊既機會。」Ricky好認真望住我，呢種係咪心痛既眼神？我都唔知道。
Ricky望住我，鍚落嚟，一隻手伸左入件Tee入面，係入面不停遊走。
諗起自己送埋上門但佢連房都唔肯開就覺得自己好cheap
”嘅感覺
