改住先啦屌
2017-06-05 14:21:20
Send出去之後,我反而更加訓唔著,好驚佢隨時會覆我而我會miss左,就好似頭先我一直留係原地咁等佢,怕佢會搵唔到我。
但如果真心搵一個人,就算我匿埋係邊佢都會搵到。
我攞住部電話等等下,就訓著左。
第朝我醒左第一件事即刻睇有無msg,打開chat room,只係見到「已讀」兩個字,我一怒之下將成個LINE delete左,Whatsapp都熄左Last seen同已讀既功能。
連我自己都唔知幾時開始咁在意Ricky,只係一個已讀不回已經改變我平時唔會在意既事。
不過道歉已經係我既底線,佢唔再搵我既話我都唔會求佢去理我。
個幾日我地都無搵過對方,我個表妹又岩岩出世,每日都陪媽媽去睇佢,咁岩醫院個頭就係太平山,有晚我探完妹妹就自己上左去散下步。
「Ricky哥下次帶我去山頂睇日落得唔得呀?我咁大個女都未去過...」我係ig碌到pair情侶係山頂影既相,伏左係佢肚腩到問佢。
一個月後既今日,我係獅子亭望住同相入面一樣既景色,自己一個。
係我沉醉係呢段回憶既時候,我擰轉頭見到個拎住部單反既鬼佬,鏡頭向住呢邊,我以為自己攝左鏡行左去第邊。
佢行左過嚟我呢邊,除左纜係頸既相機落嚟比我睇:
「Sorry for my rudeness, I just took a picture of you.」
金黃色既日落照射住密密麻麻既大廈,而每座大廈都有一點點既燈光點綴,右手邊有個女仔,微風吹起及腰既長髮,因為背光既關係,只係睇到佢側面既剪影,雖然睇唔到佢既表情,但個感覺就好憂鬱。
「Is that me? That's cool, can I take a picture of this?」
「Absolutely!」我用手機影完之後就返去醫院搵呀媽。
多得呢張相,我終於提起精神,暫時放低Ricky既事。