麻甩肥
2017-05-19 16:08:44
「.......................................」
手機上面,播放著一條影片。
畫質唔太清晰,但大致上可以確認人物既身份。
三個男人,將一個女人逼埋牆角....
佢地扯住女人既頭髮,擘大咗女仔個口。
三個人都除咗褲。
片長大約十分鐘。
望住鏡頭裡面,果一個手無寸鐵、驚惶失措、完全係一個無辜受害者既自己...
我知道自己成功咗。
我睇到頭兩、三分鐘....已經唔想再睇落去。
喉嚨入面既果種噁心感,不斷反覆翻騰。
以身犯險....終於得到自己最想要既野。
我甚至唔敢咁快通知阿頭,一直等.....一直等.....
一早知道阿莊唔會咁輕易變節,但我冇辦法,如果唔俾佢地認為我係一個隨便既女人.....
成件事唔會升溫得咁快。
我一定要出賣自己俾阿莊。
我將哩條片,分別Send咗俾TT、阿莊同細輝...
我同阿莊、細輝表明...會唔會報警,全部由TT既行動去判斷。
如果TT要報警爆大獲、我就會將哩條片上交埋俾警方。
片入面,佢地既行為...已經足夠起訴佢地。
一心針對我既只有TT,我相信其他兩個人會成為制止TT既阻力。
我唔需要啲咩冰清玉潔...唔介意將哩啲影片公諸於世。
我只係唔想因為我自己身體上既變化,影響到屋企人。
我唔想屋企人接受唔到我由男變女既事實....選擇相信我失咗蹤而傷心。
家人哩個關口.....我終需要面對。
但...我仲未有哩個勇氣。
依家,所有事都如我所預料咁發展....
但我個心....一直平伏唔到落黎。
阿頭:妹、你要條片黎...做乜野?
我:保障我自己。你放心....我暫時都唔會報警。
我:啲錢我會過俾你。
阿頭本來唔太願意將影片檔交俾我...
佢驚我會拎去做證據,拎去報警....會連累到舖頭同事,影響生意。
雖然佢趕到過黎救我...但佢始終緊張舖頭生意多啲。
所有問題...都係一個錢字。
我用戶口上面,肥仔過俾我既錢.....去買佢哩條片。
肥仔佢個傻仔....真係過咗錢俾我。
阿頭:點解你會知道咁多野...?
阿頭:展示櫃櫃頂支Cam,係阿麒同你講既?
櫃上面果支細Cam,冇接到舖頭server,係阿頭一年之前,同我一齊裝上去。
得我同阿頭知道。
細輝熄Cam既時候...唔知哩一支Cam既存在。
果陣,我將小師妹既Whatsapp紀錄俾咗佢睇....
冇幾耐佢就要我同佢裝哩支cam。
我唔知佢相唔相信TT真係對小師妹做過啲乜野...
定還是...佢已經察覺得TT既為人,要預留一手防止佢變天...
阿頭救咗我。
阿頭:TT同我講,話你唔係阿麒女友,話你害咗阿麒.....
我:我係佢女友,係一個佢願意分享秘密既女友。
我:TT哩個人,你遲早要換...佢係成件事既主謀。
我:如果你唔想...再發生哩啲慘劇既話。
阿頭:阿妹,好抱歉。
我坐咗係床上面。
想要擺脫琴日既陰影。
如果琴日,阿頭趕唔切番黎、或者冇黎到....
「..............!」
我忍唔住嘔咗落啲被度。
喉嚨...好辛苦。