肥仔呆咗呆。
「你....講咩話?」
「只要你同我做愛、令到我高潮.....我先可以變番做男仔。」
阿麒雙眼唔再好似頭先咁,充滿迷醉、滿臉痴態。
佢其實....好清醒。
佢並唔係阿麒。
佢係阿麒既內心.....一個阿麒控制唔到既自我。
哩副女性身軀原來應該屬於既主人。
阿麒口中既阿琪。
「只要你肯幫我,我就可以變番做...張康麒。」
肥仔望住阿琪,不斷搖頭:「冇可能.....」
「唔好呃我.....冇可能。」
阿琪點頭:「...細細粒親口同我講既。」
果然,一切就如肥仔想像中既一樣。
「唔係....唔係咁架。」
「唔會係咁架...」
肥仔冇辦法相信,細細粒就係搞到阿麒男變女既元兇。
佢更冇辦法相信....細細粒掌握住哩種「變性」既能力。
佢冇辦法相信既原因係....
現在發生緊既所有離譜怪事,都因為細細粒既關係...變得合理起黎。
「唔好信....」
「你唔好信,冇理由....」
「如果真係咁....點解要特登關住我地逼我地做....?」
「要強逼我地做既,肯定唔會係幫你變番做男仔咁簡單...」
望住肥仔哩個驚魂未定、猶疑不決既懦弱樣....
阿琪變得十分暴躁、激動:
「你估我好想變番做男仔架??」
「....吓?」
阿琪望住肥仔,帶汗既身軀不斷咁顫抖,佢既內心...其實都極之混亂。
「我本來.....」
「我明明同佢講,我唔想變番做男仔架....」
阿琪一下子由憤怒變成心碎、哀怨....
「但係....但係細細粒佢....」
阿琪不斷搖頭:「佢唔想、佢話唔想我留係你身邊...作為女仔既我。」
「佢怕我會勾引你、怕我會喜歡你....」
阿琪不斷搖頭否認,佢喊既時候,同一般女仔根本冇分別。
甚至,遠比一般女仔更加教人憐惜。
先前,佢先因為阿麒既關係,而被TT佢地企圖強姦過....
依家又因為細細粒既關係,再一次勾起佢既傷痛。
「佢一定要我變番做男仔....」
「佢逼我食藥、話如果我唔可以同你上床既話....」
「佢就.....」
「佢就........」
肥仔都不忍一個女仔傷心至此,開始有啲動容:「點呀...?」
阿琪跪咗落黎,不斷用手心抹去滑落自己臉龐既眼淚:
「佢就會叫TT佢地上黎,拎走我既第一次.......夾硬將我變番做男仔。」
「.............咩話!?」
肥仔臉色發白,佢估唔到.....細細粒既另一個人格可以喪心病狂到哩一個地步。
佢開始有啲慌亂.....但佢仍然試著安慰阿琪。
「肥仔,我好驚呀.....」
阿琪爬向肥仔,拉住佢上衣,不斷哭喊:
「我唔想呀....」
「我唔想再見到TT佢地...我唔想...唔好....」
「唔想俾佢地再強姦多次、唔想咁樣呀.....」
肥仔搭住阿琪肩膀,輕力搖晃,希望可以令佢清醒:
「唔會架....你唔好喊啦....」
原本已經臉紅耳赤既阿琪,因為落淚而變得更加紅腫,佢既歇斯底里,不過係
因為....
佢知...哩一刻既肥仔絕對唔會幫佢。
「你幫我呀.....救我呀肥仔....」
肥仔望住臨近崩潰既阿琪,一時間都難以抉擇。
太多太多.....佢無法接受既事實係佢腦海中盤旋。
肥仔開始質疑自己,質疑自己方才下既定論。
—唔通,當時花雯都係透過哩種方式.....?
佢....真係花雯?