一口氣食咗三盒十八件麥樂雞，第朝個胸勁痛，之後.... (2)

樓下看更 2017-05-27 18:08:17

樓豬仲有無寫其他故？？有既話整條link黎ok??

https://www.shikoto.com/i/s5o

唔係好同風格既，有甜

真係你，我認得你呢個username同舊登果個好似，之前問過樓豬不過樓豬可能睇唔到
使徒個故係紙言冇再更嘅，我有份留言架
同埋樓豬仲會唔會寫埋中原神女個故？

你有睇神女
完咗使徒再諗，使徒就完儲咗十幾話係度刪Bug停更
但神女我寫緊同居故，應該都係行輕鬆on9路線

阿敏

西女人
呷醋既女人好恐怖，阿敏係其中一個

佢未呷醋之前好鍾意佢個角色設定

神女嗰個故我鍾意水瑤

白種黑鬼 2017-05-27 18:39:03

西野七瀬男友 2017-05-27 18:46:50

綠帽奇俠 2017-05-27 19:20:15

肥仔hehe

？

小魚兒 2017-05-27 21:11:12

麻甩肥 2017-05-27 21:22:06

樓豬仲有無寫其他故？？有既話整條link黎ok??

https://www.shikoto.com/i/s5o

唔係好同風格既，有甜

真係你，我認得你呢個username同舊登果個好似，之前問過樓豬不過樓豬可能睇唔到
使徒個故係紙言冇再更嘅，我有份留言架
同埋樓豬仲會唔會寫埋中原神女個故？

你有睇神女
完咗使徒再諗，使徒就完儲咗十幾話係度刪Bug停更
但神女我寫緊同居故，應該都係行輕鬆on9路線

阿敏

西女人
呷醋既女人好恐怖，阿敏係其中一個

佢未呷醋之前好鍾意佢個角色設定
神女嗰個故我鍾意水瑤

會幫阿敏洗白。
都唔怪得佢既，捉佢番黎強姦姦到有感情…一心一意為個兇手付出但係人地對佢看似漠不關心咁，梗係發癲
水瑤好好

我鍾意韻靈

簡單 2017-05-28 00:11:32

肥仔開倉出文

麻甩肥 2017-05-28 00:41:55

我吞一吞口水，終於要講往事啦咩....？

「我中學果陣...」

「好得人鍾意，好多人追。」

.........................

我反哂白眼。

邊有人劈頭第一句就讚自己讚得咁肉麻架！？

「追我果啲全部都係男仔....好多好多....」

「全部都係高大、靚仔、讀書叻、運動好果啲黎.....」

我對白眼反得愈黎愈高。

「我冇一個睇得上眼。」

救命.........

或者細細粒見到我隻眼反得好犀利，即刻補充番：

「佢地全部都好煩，全部我都唔想理。」

我皺起眉：

「咁肥仔呢？關肥仔咩事？」

細細粒平心靜氣，慢慢同我交代番清楚：「肥仔同我由細玩到大。」

「我地以前係鄰居黎，先唔好講我地爸爸有幾親密....」

「我地兩個細細個就一齊玩，讀同一間小學、好多時都係同一班。」

細細粒笑咗笑：

「我地一齊溫習、一齊面對考試，一齊努力考入同一間中學....一齊出夜街、一齊俾父團鬧...」

「我仲記得果陣肥仔都未係依家咁大份....佢爸爸打到佢屁股紅哂，佢仲會脫咗俾我睇...」

我望住依家笑緊既細細粒....

我就知道...佢同肥仔既童年係幾咁美好。

果種笑容，比佢係M記既時候更加真摰動人，佢唔係講緊大話。

佢同肥仔一齊既時光....

的確.....好令人羨慕。

「唔止咁添呀，佢以前好鍾意打機架...成日要人陪佢玩哩樣玩果樣、仲拎哂啲零用錢落去買點...」

果堆ONLINE GAME相就係咁黎....？

「但...聽你咁講，你同肥仔感情明明好好架....點解依家會咁？？」

我完全冇見過肥仔提起過細細粒，到底又係咩事？

細細粒冷笑咗一聲：「哩個....就係我要同你講既故事。」

「有一次....我唔記得咗係中學邊一年啦..........有一個打波好叻既男仔，

準備咗一大堆功夫、又叫觀眾又唱情歌咁同我表白....」

我聽到皺哂眉頭，乜真係有學生有恆心可以做咁多野去溝女架咩？

我諗起我自己......

..............................

完全一啲同「愛」字沾得上邊既都冇。

就算自己冇，同學呢......？

我啲同學都冇試過咁大排場追女仔.....

我唔明可以做到細細粒口中果種唱情歌又搵觀眾既人係咩心態，我只係知道....

哩啲野一食檸檬直頭柒到要退學先解決到。

「我拒絕咗佢。」

果然，正仆街妹.....

不過唔知點解.....硬係覺得佢拒絕咗果啲學校風頭躉就有種好心涼既感覺。

我完全可以幻想自己踩住佢個頭係佢上面大聲笑：

挑！！

佢寧願要我哩啲邊緣宅都唔揀你呀！柒頭，打波叻...

細細粒好詫異咁望住我：「你做咩？」

我回一回神：「啊，冇....」

果然一段唔健康既中學生涯係好容易令人出現性格扭曲....

「果陣我就諗....日日俾啲男仔纏住，都好煩啫？不如......直接搵個人扮係我男朋友...」

「肥仔？？？？？」

我大聲尖叫咗出黎。

細細粒笑一笑：「嗯，肥仔....」

我諗一諗，好老實講....如果搵肥仔扮係自己男友......

我諗都幾安全。

「但佢冇應承我。」

「吓...？」

細細粒點一點頭，好輕描淡寫咁帶過：

「佢同我講...佢鍾意男仔既，所以拒絕咗我。」

「我果陣都係...第一次俾男仔拒絕。」

「拒絕咗我之後，佢就開始處處避開我、所有野...都唔再好似以前咁。」

失落，即使細細粒臉上面冇咩特別表情...

我總係覺得佢有一種被隱藏起黎既落寞...唔想被人發現。

「你果陣時....已經係Sheshe？」

細細粒猶疑咗一陣，點頭：「嗯、或者。」

我腦入面成個劇本.........

肥仔對細細粒始亂終棄，搞到細細粒唔再愛男人............

全部都係我諗多咗？？？

我個頭好痛。

哩個....就係佢地之間既關係？？

一對唔再熟悉既青梅竹馬.....？

好暈....

冇理由係咁架.....

佢地對眼入面....明明就好似有好多故事咁.....

忽然，我電話響。

肥仔打俾我。

我依家先諗番起，肥仔拜託我做既事.....

「阿雯、肥仔想你同佢去睇你Ex...」

我接咗肥仔電話：「喂？」

細細粒哩個時候搖一搖頭：「唔、哩種時候....我行唔開。」

係細細粒拒絕我既同時，電話傳黎肥仔好緊張既聲音：

「麒！你係唔係屋企？」

「唔係呀，做咩？」

「我去咗你電話舖睇過，你地其中一個同事...」

「係花雯既Ex黎....！」

我望住坐係沙發上面，向我投以微笑既細細粒....

呆咗。

「強姦你既元兇、係花雯既前度黎架！！」

「你依家係邊呀？暫時唔好搵花雯住呀，聽唔聽到？」

「喂？？」

「喂？？？」

「阿麒？？？？」

白種黑鬼 2017-05-28 00:45:56

禁室培慾