「你....有冇鍾意過肥仔?」
佢笑咗一笑。
哩一聲笑聲完咗之後,細細粒個樣就變得唔再適合微笑。
「
冇。」
我深呼吸。
始終,親耳聽到佢哩一個答案總係....
「咪住...」
「
冇???」
我有冇聽錯?
細細粒點點頭:「冇。」
「.....吓??」
「咪、咪住....」
細細粒飲咗啖可樂,對我既驚訝感到疑惑:「做咩?」
「你LOL ID叫
花戀月,係咪?」
「係呀,有咩問題?」
「肥仔個ID叫
雪月喎!」
「........嗯、好似係。」
我愈黎愈對佢理所當然既表情感到奇怪:「你叫
風花喎!」
細細粒皺一皺眉:「嗯.....我以前的確叫風花。」
你係咪呃鳩我呀?
「咁花戀月...仲唔係你鍾意佢?」
「名黎架啫....有個戀字未必代表愛架?同埋月....都唔一定就係雪月啫?」
「你又話個名對你好重要既....」
細細粒聽到呆一呆,然後大笑:「哈哈....阿琪你真係好得意。」
「咩呀!咩得意啊?」
佢搖一搖自己果罐可樂,之後打開咗拎俾我既果一罐。
「你驚我鍾意肥仔、唔鍾意你呀?傻妹。」
佢托一托起我下巴、飲咗一啖野飲。
「唔係呀...邊有喎!」
「我....!」
細細粒用佢既嘴唇封住我把口。
屌...又用哩招!
佢含情脈脈咁望住我:「我剩係鍾意女仔...」
「剩係鍾意你一個。」
..........................
我塊臉好熱。
我諗女仔好、男仔好....都抵抗唔到哩一句說話。
一個咁可愛、咁嬌媚既女仔同你肯定佢既心意....
個心跳得好快。
但係,面對細細粒哩啲咁奸詐既小賤人......
「
唔信。」
好老實講,細細粒係我眼中已經唔係果個遞綿條俾我既清純女仔。
雖然,佢個樣好後生,好MK。
但如果佢係同肥仔同年既話...佢其實已經大我三、四年。
係佢哩副青春既肉體、外表之下....到底係一副咩心腸呢?
唔能夠咁輕易相信佢。
「唔信你呀。」
我決定chok多啲料至收手。
我唔知自己咁樣講算唔算係撒嬌。
細細粒搣一搣我臉豬:「唔好咁啦~」
「你都當我傻既...有咩理由人地望到你全裸你地都唔避妒架?」
細細粒好似好認真咁諗咗諗:「肥仔我就唔知....但係我呢....」
佢望一望依家自己上半身,托一托佢對波,對住我傻笑:
「你覺得我會介意咩?」
我睥住佢:「吓話...」
「嘿...講笑啫。」
「一時之間....冇諗過咁多野。」
細細粒側頭望住我:「果陣我剩係想....快啲食咗你之嘛,點理得咁多....」
嗯....算。
當你係個小淫娃。
我望住佢,都係唔出聲。
我腦海入面....閃出一個女仔撒嬌發脾氣應有既表情。
我鼓起泡腮,刻意將頭望向細細粒以外既方向...
「做咩呀....仲係唔信我?」
我見到細細粒好似比想像之中緊張。
.............................
唔通................
唔通,撒嬌真係咁有用?
咁再下一城....
個腦又突然出現咗一個男人鼓腮既樣。
....不了不了,好反胃。
「我同肥仔冇野架囉....」
「你話我俾知,點解你識得上肥仔屋企。」
細細粒皺咗皺眉:「嗯.........估架咋。」
「吓?」
「我係M記果陣見到你同肥仔嗌交呀嘛。」
唔通係....第一日?
「第一日識你,走果時先見到你同肥仔好似係度嗌交...我已經覺得好巧合。」
「咁肥仔又唔鍾意女仔既,你同得佢嗌交都應該幾熟;
而送你番去果陣,你又帶我去佢住果棟大廈,咁我咪...」
「咪住!」
「嗯?」
「你點知肥仔佢唔鍾意女人?」
細細粒望住我....
有少少錯愕。
佢突然嘆咗口氣:「嗯....不如我同你講個故事呀。」
???
「哩個故事....係關於我同肥仔既。」
又開始黎啦....
細細粒對眼,再一次,充滿住傷感:
「
件事,發生係我地既中學時期......」