好L快翼
2017-06-01 10:57:32
個故爛L晒, 好多駁位. 細細粒變左做男仔跳樓死, 法醫會驗DNA, 一驗就知細細粒係原本女仔個身份黎, 件事就已經揚晒啦.
麻甩肥
2017-06-02 03:33:39
「28、29、30」
「一切,都係因為你。」
佢坐咗係病床上,手腕位置仍然留有因為自己衝動犯傻而留下既繃帶。
佢講野既聲音好微弱、好慢。
佢本來就係咁樣一個文靜、嫻雅;端莊既弱女子。
肥仔企係病床旁邊,唔明白應該點做。
到底係安慰佢、抑或斥責佢?
肥仔冇哩種經驗。
肥仔只能夠....企係佢身邊,認真細聽佢講既一字一句。
「因為....我?」
「你既故事....」
肥仔望住佢....低頭。
果一段往事....果一段令肥仔後悔至今既往事........
開始慢慢湧現。
「小雯佢....本應係一個好開朗、好活潑既女仔黎。」
「最少....佢同我相處既時候係咁。」
想到一份感情最甜蜜既時光,為佢虛弱既病容添上咗一份笑靨。
「但每一次...小雯望住你既時候,佢對眼裡面,都總係有種好難以形容既情緒。」
佢嘆咗口氣:「唔係完完全全既恨、亦唔係完完全全既憤怒....」
「更加...唔係完全既愛。」
肥仔聽到哩節,愁容更加不堪。
「果種情感.....我冇辦法去介定。」
「我成日都諗,小雯........接近我既目的,係咪為咗你呢?」
佢望一望肥仔,苦笑:「我同自己講....唔係既、哩啲....係緣份黎。」
「或者....見到你只係一個偶然。」
「不過,肯定係哩一份偶然,令率直開朗既佢變得.........好陰沉。」
「小雯變得唔再似小雯.....點解呢?」
肥仔唔識回答。
或者,自好耐好耐以前起........
肥仔所認識既小雯.......已經變咗。
佢笑咗一笑,一個令人溫暖、充滿住體諒既微笑。
正正係哩種笑容,哩種氣質......令肥仔禁自覺咁靠近哩個女仔。
然而,笑容總有盡時。
憂傷既佢,更加惹人憐愛。
佢......仲係好擔心佢既小雯。
「當時既佢,一定.......」
「一定好絕望、好傷心........」
佢可以理解得到,當時小雯既心情。
佢同情、可憐....
縱然被拋棄,但佢都冇在乎過。
好似....當佢見到小雯望住肥仔既果個目光開始,佢已經預計到會有哩一個結局。
但係.....愛並唔係一種關係形式上既結束就可以切斷得到。
佢伸出果隻虛弱既手,拉一拉肥仔:「我唔係怪你.....」
「每個女仔....都總有佢糊塗既時候。」
「我有....」
「小雯佢都有。」
一個微笑。
「你...都唔好自責啦。」
「或者,佢其實做咁多野......都係為咗要你回應佢既愛呢?」
沉默。
逃避。
一路以黎....肥仔都總係咁樣面對哩個問題。
去到哩一刻,佢問肥仔既哩一個問題....
肥仔依然冇辦法開口,道出佢內心真正既想法。
即使,咁多年黎....肥仔都為住哩樣野贖罪、補償.....
但仍然彌補唔到當初佢既不誠實,對一個女仔所造成既傷害。
其實,佢只不過係做咗一次懦夫。
一次最唔錯最唔應該做既懦夫。
竟然....就令到彼此得到今日既結果。
佢搖一搖肥仔:「係時候架啦。」
佢希望....佢既笑容可以為肥仔帶黎勇氣。
「係時候,帶小雯黎見我啦。」
「善良既....果一個小雯!」
「31、32、33」
跳動既層數終於停咗落黎。
𨋢門打開,肥仔....
用一個比佢身體更為沉重既步伐,走向佢終需要面對既哩個問題。