麻甩肥
2017-05-26 02:30:28
琴晚....
肥仔講既琴晚.....
果一個夢....
係真既?
點解會咁........
我明明...控制唔到自己。
果個狀態,就好似訓著咗咁....
望住你既夢境由你預測唔到既時間推移....
「冇理由....」
「到底.....發生咩事?」
我望住自己....
唔通,真係小琪走咗出黎?
「唔可能既....」
雖然,我總係覺得.....自己哩幾日既心態變得好快咁。
自己好似變得....愈黎愈感性;愈黎愈同情女仔....
發生咗果件事之後,我愈黎愈討厭男人...
但即使係咁,冇理由我會......
完全控制唔到我自己,仲要做埋哩啲咁既野架嘛?
男人老狗搵人哭訴......點可能??
冇可能.....
一定係有啲咩事出錯架啫。
細細粒:琴日,唔好意思。
細細粒:肥仔一黎,就破壞哂...
我望住細細粒Send俾我既whatsapp,突然間覺得有感觸。
到底....細細粒面對肥仔...
會係一個咩感覺?
我唔知道。
佢對我....又係點?
我好想知道。
我諗起肥仔叫我幫佢...
幫佢求細細粒去見一見佢前度。
我唔知應唔應該咁做....
不過,如果一個人可以因為失去咗一個人既愛而要尋死....
我諗佢一定好痛苦。
我.....係咪應該幫佢?
我冇諗過,Sheshe friend會唔會因為見到細細粒而再一次傷心...
我只係....好單純咁想知到到底細細粒、肥仔...佢地之間有咩事發生咗....
我:我黎搵你好唔好?我有啲野想問你。
細細粒:嗯....上次傾計果個公園好唔好?
我:好。
肥仔,你冇同我講既說話.....
我依家就要親自問清楚佢。
我行緊去果個公園,又收到細細粒既whatsapp。
細細粒: 阿琪...你到邊呀?
我:就我到啦,你係邊?
細細粒:唔好意思呀,我可能落唔到黎住...有啲事係屋企做緊行唔開呀,你不如上黎搵我?
我:吓...?
細細粒:係隔離之嘛,我真係行唔開。
細細粒:唔係既...我地第日再見?你電話同我講?
哩啲野,我想面對面傾....
我想知道...細細粒既事。
佢同肥仔之間既事、佢同個EX之間既事、仲有...
對我.....
細細粒又係咩諗法?
唔知點解,平時...
明明冇女仔埋身、冇女仔對自己有咁大興趣...
一啲異性緣都冇既自己...
依家有啦、終於有女仔主動向你獻媚示好,你又擔心人地會玩弄自己、欺騙你感情....
冇蝕底架喎明明、女仔主動送上門....
作為男仔,哩樣當然冇得輸。
而作為女仔....人地都唔會做得出啲咩令你蝕底既事...
點解要咁執著,細細粒對自己既感情係咪認真呢?
我答唔到自己。
我問佢要咗住址。
果然....係同區。
仲要...新建商場既上蓋.........
死人有錢女。
細細粒:等你 (心) 。
我望住佢果個心形圖案....唔係好識得反應。
硬係有種送羊入虎口既感覺。
佢會唔會又強姦我....?
我一諗起佢著圍裙果時個屁股仔......
開始........有少少期待添。