（穿越、商戰、組黨）回到１９９８，再經歷四個寒暑

這一邊廂，樂宜得償所願；另一邊廂，姚智風卻官非纏身，儘管我遭到姚智風一次又一次拖累，想起往日的情義，我還是到了拘留所去探望他。

在拘留所度過了一星期，姚智風一臉憔悴，身型消瘦了不少，他一看到我，便緊張拉著我的手，道：「大鳩，我係咪可以走喇？」

懲教處的職員見狀立時要姚智風縮手。

姚智風把毒品留在車上，又讓我捲入輪姦案裡，我原本是很氣憤的，可是看到他這樣子，我不禁心軟，我道：「姚少，好快就過堂，你嗰條強姦罪，警方證據唔夠告你唔入，至於條藏毒罪，你認罪嘅話，扣埋假期，一年都唔駛就可以出返嚟。」

姚智風聞言情緒激動道：「要坐一年？我唔可以坐監架！大鳩，你幫我搵羅雄清打官司吖！佢係最有料嘅大狀一定可以打得甩架！」

我搖頭道：「姚少，家陣你同斷正無乜分別！驗毒又呈陽性反應，就算搵羅雄清幫你，只係不斷上訴再上訴，拖拖下隨時仲耐過你坐，而且搵羅雄清打官司，用嘅錢係要幾千萬。」

姚智風怒道：「你最後嗰句先係重點，因為錢吖嘛！」

懲教處的職員瞧著我們，喝止道：「喂！你再係咁，我即刻拉返你入去。」

姚智風哭道：「大鳩，我唔可以坐監架！一坐監我就無晒前途，你幫幫我啦！依到一個禮拜都好難頂，一年我捱唔住架！入面有好多大佬，佢地專恰新仔，要俾佢地屌屎忽，我唔想啊！」

我道：「姚少，你唔好亂咁諗啦！」

姚智風道：「大鳩，不如咁啦！你識咁多人，不如搵人疏通下吖！啊！仲有啊！其實阿登佢都有揸過部車，佢先係藏毒嗰個，叫阿登認咗佢啦！橫掂佢做你嘅司機就滿足，坐唔坐監都無所謂啦？我唔同啊！我要出人頭地啊！」

看著眼前的姚智風，我感到一陣心寒，道：「你為咗甩身，要我防礙司法公正，知唔知我會好大鑊架？仲有阿登同你咁老友，你要佢同你受？你無野啊？我地係你朋友嚟架？」

姚智風怒道：「朋友？我先要問你有無當我係你朋友？菁姐同蔣學勤插我嗰陣，你有無幫我啊？我跟你嗰陣，你無報社、無娛樂公司，到你開始發圍，你居然調我去啲無關重要嘅位。」

眼前的姚智風變得不可理喻，他說的都是他一廂情願的想法，他這樣的學歷、工作態度，要留在順勢工作已經很困難，更不要說對他委以重任。雖然我是順勢的主席，但我亦要和菁姐她們交代，正所謂事不過三，我給了姚智風太多機會了，但他都是讓我失望。

姚智風的再三撒野，超越了懲教處職員容忍的底線，他們上來拉走姚智風，姚智風狠狠地道：「成皇志，你依個忘恩負義嘅人，我每時每刻都會詛咒你、詛咒你屋企人、你將來嘅老婆仔女，統統都不得好死。」

看著姚智風溢滿仇怨的目光，我不禁愣住了，我究竟做錯了什麼？究竟我做了什麼事情對不起他的事情，他要這樣仇恨我？

如果當初我聽取菁姐的意見，果斷解僱姚智風，雖然他會惱怒我一段時間，但我們日後還可以做回朋友。

古惑仔 包皮 漫畫版
就係姚智風

即係點

我睇過電影咋

包皮本身跟陳浩南
之後瀨野入去坐，喺監獄畀人恰，同時練咗d身手，不過佢怪鳩陳浩南從來無去探佢監，深深不忿

之後放監去咗「洪興分部」姐係新和聯盛到撈到d要員，搞鳩洪興，之後畀人打死，死前發覺自己真係唔夠料同小器

爸打有追開

我戒咗港漫好耐

其實姚智風咁耐以黎有幫過主角d咩？？

果期古惑仔故事好鬼好睇

諗唔到

死不悔改，唔救也罷

希望今次係姚智風最後一次出場

咁樣鋪排 唔似
之後會再見到佢

姚入到去可能撞到湯仲謀

希望佢出返黎時，成皇志唔好又心軟

好奇搵番姚智風原世界後來會點……
姚智風則在中環的名牌西餐廳當西廚，已婚，但和老婆並不是住在一起的，一人住石梨，一人住天水圍。
陰公，俾主角番一番去，將佢個未來改晒了……

咁都俾你搵返

而家要食皇家飯

難怪姚智風會甘嬲主角，原本個結局都不知幾爽，而家……
出來一定搵男主報仇

屌，佢咁撚廢
報撚到仇咩
不過如果佢同其他人合作就....

可能做無間道，返去男主身邊整鬼佢.......

最好佢知道原世界線既事

眾人原世界線係咩環境

要睇返頭幾章

https://lihkg.com/thread/13267/page/2
再跳過樓……