104 Like
3 Dislike
TheWorldBtwUs
2021-01-22 04:10:31
留名得閒聽吓
邊際靚仔
2021-01-22 04:47:16
支持!巴打講野有啲緊張 不過唔緊要 講多啲應該會好
春泥
2021-01-22 06:56:37
咁你都認得我把聲
不過我講嘢有啲唔夠氣
utility
2021-01-23 11:07:36
push
春泥
2021-01-24 00:47:54
姚智風眼見菁姐和蔣學勤都把矛頭指向自己,他瞧向我道:「咁…我一直無一個職位,我…出去同人傾野都要有個身份架!我…都係諗住幫你啫!」
蔣學勤冷哼一聲道:「咁你傾咗啲咩野返嚟吖?」
蔣學勤提出的問題,姚智風無言以對,他道:「成皇志,我地識咗咁多年,無錯,我係有陣時貪小便宜,但我無諗過害你啊!嗰次我係做錯咗,但之後我都無再搞啲咩蘇州屎,樂宜攞電話件事係之前發生,我都唔知會咁大鑊架!你地攞返之前嘅事嚟算帳對我唔係咁公平,我已經改過,循規蹈矩架喇!」
在場所有人的焦點都落在我身上,蔣學勤說的話有他的道理,只要我把所有責任推在姚智風身上,有可能可以平息整件事,犧牲姚智風對順勢的日常運作沒有任何影響,而且他亦是整件事的始作俑者,解雇他也是合情合理。
然而與姚智風相識這麼多年的情誼,我很難去狠下心腸解雇他,而蔣學勤這樣的做法卻讓我勾起了當天因為我得罪了官幹,蔣天殺把我雪藏,可能我一直出身於草根階層,很討厭管理層以上欺下的行為,「己所不欲,勿施於人」,如果我為了給P廠一個交代而這樣做,那麼與當日的蔣天殺又有什麼分別?
我道:「姚智風只係一位低層員工,我地若果將所有責任放喺佢到,P廠會滿意我地嘅做法?件事就咁容易平息咩?佢地會質疑我點解會將佢地嘅贈品隨處放。」
蔣學勤道:「解雇姚智風,至少俾P廠覺得我地重視佢,係有誠意同佢地繼續合作。」
菁姐點頭道:「成皇志嘅說話有道理,P廠做野一向小心慬慎,佢地未必會接受我地依個做法,會懷疑我地順勢嘅能力同制度,但姚智風犯嘅錯係唔能夠原諒,公司有公司嘅制度,我地一定要對佢進行處分。」
我道:「依家最重要嘅野係點去應付今次嘅危機,其他野擺埋一邊先。」
儘管他們三人都認為不可以就此放過姚智風,但他們覺得都贊同先處理這次危機才是頭等大事。
蔣學勤三人認為我們應該要負起所有責任,好好向P廠道歉,希望得到對方的原諒,我沉思了一會,搖了搖頭道:「我地唔可以咁做,唔可以應錯,一認錯我地就會輸。」
在場的三人都愕然,菁姐道:「成皇志,你錯咗咩?P廠財雄勢大,我地順勢點同佢地鬥啊?」
我打了個手勢,阻止菁姐繼續說下去,道:「我已經諗到方法去應對。」
我擁有順勢最多的股份,又是順勢的主席,菁姐三人只好相信我的決定。
TheWorldBtwUs
2021-01-24 05:59:55
有文推一推
係咪用未來人能力?
好難忍
2021-01-24 06:42:31
揸住佢幾年之後嘅發展方向做情報 根本無可能輸 威脅返佢做大鳩志條狗都仲得
工程自古空餘恨
2021-01-24 09:45:47
正起身有文
聽左巴打網台,當podcast 咁聽
不如巴打講下平行缐既故,我覺得個故幾有意義
春泥
2021-01-24 10:39:03
有六集
前面幾集做得好差
後面有啲改善
收到你嘅意見
我同拍檔反應返
邊際靚仔
2021-01-24 11:17:52
出iphone
好難忍
2021-01-26 02:55:52
三日一文等得有啲辛苦
春泥
2021-01-26 06:45:12
Sorry
最近好忙
洗碗等我嚟
2021-01-26 08:33:07
推
爆裂眼球
2021-01-26 11:22:12
推
邊際靚仔
2021-01-26 11:38:05
唔緊要 慢慢嚟
TheWorldBtwUs
2021-01-26 18:22:13
等文推一推
森林大火鳥
2021-01-26 18:52:33
快樂的SA
2021-01-26 21:15:35
加油
推
春泥
2021-01-26 23:49:15
丹羽建太鐵青著臉,胸口起伏不停,我道:「丹羽先生,請你冷靜啲聽我解釋。」
丹羽建太發洩了一輪後,總算冷靜下來,他點了點頭道:「好,我俾個機會你解釋。」
我好整以暇道:「丹羽先生,你都知道我喺睡仙陳搏嘅弟子,早排佢提及過我會同閣下結緣,然後又預料到無論我無論點去保管PD192,都係會違失嘅……」
丹羽建太冷笑一聲,道:「成皇志,你用依個藉口去推搪責任,未免太可笑喇!」
我搖頭道:「丹羽先生,請你容許我繼續講落去,當我聽到師父咁樣講,我都猶豫好唔好應承丹羽先生你嘅邀請,成為PD192嘅代言人,但係當佢繼續講落去,我就決定要同丹羽先生合作。」
在關鍵的位置故意停頓是說話技巧的一種,好讓丹羽建太更加急切知道我要他知道的說話,他皺了皺眉道:「睡仙同你講咗啲咩?」
我續道:「睡仙話三個月後嘅世界盃,日本隊會以首名出線進入十六強。」
丹羽建太聞言一獃,道:「咩話!國家隊可以出線十六強?」
1998年,日本才首次進身世界盃決賽周,結果是三戰全敗出局,現在日本足球隊,雖然有中田英秀、小野伸二、稻本潤一、高原直泰等黃一代,再加上主辦國的主場優勢,國民都對日本隊在世界上有所寄望,但畢竟同組的對手有俄羅斯、比利時這些實力份子,日本能否順利出線也有很大的隱憂,所以我這樣說,丹羽建太不禁吃了一驚。
爆裂眼球
2021-01-27 00:12:53
搵佢賭波
金色的戰士
2021-01-27 00:57:23
會唔會佢嘅影響力改變到世界盃結果
發夢王李大有
2021-01-27 01:06:46
叫佢地sponsor日本隊
Or廣告
發夢王李大有
2021-01-27 01:08:16
成皇志識到 中田英壽?