104 Like
3 Dislike
好煩燥
2021-02-11 00:58:10
快啲制裁條打靶仔啦
即是咁
2021-02-11 07:56:20
呢兩件嘢都係養唔熟 一定會煩鳩死大鳩志
utility
2021-02-12 14:57:54
push
月夜神
2021-02-12 16:11:05
恭喜發財
TheWorldBtwUs
2021-02-12 23:57:00
恭喜發財
靈感爆燈
森林大火鳥
2021-02-13 06:57:16
新年快樂
pish
游大輝
2021-02-14 00:40:38
過左咁耐先睇到春巴原來出左新 po
留個名先
邊際靚仔
2021-02-14 04:07:20
咁遲
新桓波多野結衣
2021-02-14 09:43:44
春泥
2021-02-14 15:37:45
之前同大家講過搞個關於講網絡文學嘅channel,依家不經不覺間出到第8集,希望大家嘅支持同意見
春泥
2021-02-14 18:28:54
姚智風有些愕然,樂宜得知自己不是什麼成皇志工作室的經理後,便不再理睬自己,想不到現在她居然會主動與自己搭訕。
「我自己嘅遭遇都好似你咁,本身我係選秀比賽嘅熱門,成為Galaxy girl嘅一員,但係依家咩都無喇!」樂宜在姚智風身旁坐下。
「妳人靚身栽好,就算落選一樣大把前途啦!我成日見你同啲導演監制一齊玩。」
樂宜嘆了一口氣,道:「唉,你估我好想痂埋佢地到架,又俾佢地抽水又要陪佢地,先搲得一啲配角,你都唔知依一行嘅競爭有幾大。」
姚智風舉起酒杯喝了一口,道:「如果我真係成為營運經理,我就可以幫你啦!可惜我唔係。」
樂宜亦喝了一口酒,道:「你當初都扮得似模似樣,識得交際應酬都係一種本事嚟。」
得到樂宜的讚賞,姚智風重拾了一點自信,忿忿不平道:「可惜唔係個個都好似妳咁諗,之前我跟成皇志嗰陣,佢報社又無、娛樂公司又無,到佢生意越做越大嗰陣,我嘅待遇同職位反而差咗,就算我有啲地方做得唔啱,但係無功都有勞吖!再加上我地咁多年嘅情義,啲外人咁對我,佢都唔幫手。」
樂宜瞧見姚智風說得咬牙切齒,便道:「其實我同你都一樣,係成皇志害到我地咁慘,佢係我地嘅共同敵人,我地應該搵佢報仇。」
春泥
2021-02-14 18:29:16
姚智風聞言現出錯愕的神情,道:「雖然佢對我無情,但係我唔係啲咁無義氣嘅人嚟嘅。」
樂宜冷哼了一聲,道:「你擺明驚佢啦!做男人做到你咁無膽。」
姚智風兀自不忿道:「我會驚佢,同你講吖!讀書嗰陣佢好廢嗰咋!我踢波又勁過佢,鋤dee又成日贏佢錢,佢喺我地班friend入面無乜存在感咋!自從佢跌親個頭遇到個乜鬼神仙,佢先開始轉運,如果我有神仙照住,成就實好過佢十倍啦!」
「但係神仙照佢,唔照你呢!」
姚智風反駁不了樂宜的說話,變得沉默,樂宜道:「啲衰野唔講喇!我地飲酒啦!」
兩人酒過三巡後,還嗑起藥來,揈頭丸、冰、可樂這些軟性毒品和烈酒一同服用。
二人迷迷糊糊的回到車上,樂宜神智不清道:「我地去邊啊?」
姚智風同樣神智不清道:「我地…去睇月光吖!」
樂宜拍著手道:「好啊!去睇月光。」
姚智風像舞龍一樣把車駛上了大帽山,然後二人解除束縛,在車上幹起了妙不可言的事。
翌日,姚智風被電話鈴聲吵醒,他按下了通話掣,電話彼端傳來霍去登焦急的聲音:「喂!姚少,你喺邊啊?我要揸車去接鳩爺啊!你快啲揸返架車俾我啦!」
「得喇!得喇!依家即刻還返架車俾你。」
掛了線後,姚智風頭痛欲裂,他捂了額頭,依稀記起昨晚在酒吧和樂宜碰上,然後一起喝酒嗑藥,再駕車到這裡。
姚智風左右張望沒有發現樂宜的蹤影,道:「樂宜呢?佢居然走咗,一定喺怕記者影到同我一齊車震,如果係大鳩嘅話,佢一定高興都嚟唔切,依啲女人養唔熟,得閒執劑就算喇!」
Sead_Hajrovic
2021-02-14 21:35:46
冰雪新地
2021-02-14 22:18:52
100%肯定架車比樂宜放咗野陷害成仔!
TheWorldBtwUs
2021-02-14 22:31:45
似wo... 應該仲有同黨接佢走
游大輝
2021-02-15 01:26:01
由第一頁追返落嚟肯定有排
btw 祝春巴同各位新年快樂
身體健康
游大輝
2021-02-15 06:27:40
終於追到 live 了
春泥
2021-02-16 23:33:55
Chapter 54 Galaxy girl(下)
「菁姐,你同主辦單位講聲,我嚟緊架喇!等多我十五分鐘,麻煩晒!」
我掛上電話,臉色一沉道:「阿登,我同你講過今日九點要用車,無事嗰陣,你遲啲返無所謂,但有事做就要準時。」
霍去登結結巴巴道:「鳩爺,其實…我,喔!對唔住啊!」
菁姐與蔣學勤都說我現在是公司主席,平時要跟隨規矩,公私分明,要有主席的格調和威嚴,否則會讓其他員工沒大沒小,不能作出有效管理。
短時間內,我很難達到他們的要求,我的天性並不適合去管理別人,我現在看到霍去登現出一副不知所措的樣子,內心有些不忍,畢竟我們是中學同學。
「阿登,你以後要注意下喇!」
「係,我知道喇!」
這時,車速漸漸慢下來,我問道:「咩事啊?」
「前面查車喎!」
我焦急道:「嘖!趕時間先遇到roadblock。」
未幾,輪到我們接受調查,有三名警員走過來,其中一名警員瞧見我,道:「咦!你係…成皇志,我係你歌迷嚟架!你出嘅CD我有買架!」
另一名警員聞言,道:「成皇志?係咪識風水嗰個啊?」
我道:「阿Sir,我趕時間啊!可唔可以俾我走啊?」
三人中應該是最高級的那一位警員,道:「成先生,唔好意思啊!差人做野,依到經過嘅車,我地都要例行檢查,我地儘快做完,儘快俾你走。」
我和霍去登下車,霍去登提供了駕駛執照,兩位警員在檢查保母車,那名自稱我歌迷的警員喋喋不休地道:「成生,我除咗係你嘅歌迷外,仲好欣賞Galaxy girl,我好多夥計locker都貼晒佢地海報,宛琳珊、Trace、史丹菲當然最多人鍾意啦!但我都好鍾意貞蘭,佢鬼鬼地,有啲肉地,把聲又好聽。」
活動的主辦單位和一眾嘉賓在等候我,我要立刻趕到會場,沒有閒情逸緻去應酬他,我不耐煩道:「阿sir,我真係趕時間,請問我幾時可以走啊?」
「成生,唔好意思,你要跟我地返差館協助調查,我地喺車上發現多種毒品。」
我當場愣住了,那名警員拿著兩包藥丸,神色嚴肅認真,一點也不像說笑。
爆裂眼球
2021-02-17 00:01:19
果時仲未興車cam
邊際靚仔
2021-02-17 00:31:08
呢次水洗都唔清啦
邊際靚仔
2021-02-17 01:07:01
講真相都可能會被人話搵手下頂包