在線上,聽日放假啦大家?
Chapter 23 在命運的巨輪中
在回去的路上,當我們途經歸家必經的羊腸小徑已經時值黃昏,耀眼的金黃色陽光灑落在大地,同時卻奇異地吹起一抺微涼的清風,感受到一股濃濃的秋意直上心頭,同時清琴不禁停下腳步,深呼吸了一口氣,換來我滿腦子的疑惑打量著她,她見狀搖了搖頭對我說道,
「唉,時間過得好快呀!」
我好奇地問道,
「時間過得快有咩唔好?」
她再嘆了一聲說道,
「又要返鋪頭幫手,跟住要溫書,準備考模儀試,然後話咁快就會考啦,一個唔覺意一係讀大學,一係就考A-Level!時間過得仲唔夠快咩?」
我無奈地回答,
「你諗到咁遠嘅?哈哈。」
清琴堆出笑意對我莞爾一笑,接著再徐徐地提起腳步,一邊為時間的流逝感到焦慮,另一邊廂期盼籍著微風能夠把腦海中那皺褶的愁緒退卻;
「依家行返去溫下書先啦。」
「知道,有咩今晚食飯之後再傾啦。」
她點了點頭,我一邊走著一邊想起,清琴是應屆會考生,她的時間表應該隨著會考將至而愈來愈緊湊,既然如此......我應該給予她時間好好的溫書。
「清琴呀,其實我地今晚都唔洗見啦,我膊頭依家都無痛啦,係仲有小小瘀,過幾日就散嫁啦,你放心去溫書啦。」
她斬釘截鐵地答道,
「唔得喎,呢啲傷要揉多一排藥酒嫁,依家睇落就覺得無事,但耐左就會成為舊患,打風落雨你就知味道。」
到底是她想見我多一會?還是清琴所言是否屬實?說實話,我分不清。
只知道我片刻的默然不語,換來清琴的再道,
「咁我都可以一路溫書,一路同你揉藥酒,嘻。」
我錯愕地問道,
「下?你點做到?」
她指著我笑道,
「咁你可以讀俾我聽,等我記入腦嫁嘛。」
「呢個方法唔錯!」
清琴點了點頭輕聲道著,
「你呀,你都要溫書呀知唔知?我叫你讀筆記都係為左你好咋。」
我輕蔑地笑道,
「哈,我至唔驚!我仲有兩年時間。」
清琴聽到後嘖有煩言,擺出一款老師的模樣對我說教,
「你知唔知時間過得好快!總之你要聽我話!知唔知?」
「點解呀?」
清琴聽到後漲紅了臉,呆了一會才對我喊道,
「因為你係我病人,要聽我話!知唔知?」
「你嘅志願係想做護士咩?」
清琴眼神閃過一抺悲愴,
「係呀,我想做護士或者老師,想用生命去影響或者改變生命。」
清琴話音剛落,我的心底同樣不禁劃過一股悽然;
她說,從小到大就有一種感覺,對生命這二字感覺有所虧欠,不論別人還是自己的,所以想為別人的生命多做一點事情。
或許,很久以前,的確有許多人因為這個女孩而浴血賠命於戰場。