一人一間睇咗IG廣告去幫襯嘅Salon/髮型師 (2)

見到好多巴絲分享自己既經歷
想分享下自己係Rainbxw Salon同ZxZx既經歷
比較長 因為兩間都真係用年月日投放左感情
先講自己髮質 天生曲 隔3-6個月就會拉直同染一次

Rainbxw 係我16歲左右開始去既salon
開頭都唔算貴 印象中千鬆蚊係拉直價錢
咩牌子真係唔記得 染就一定係shiseido
一路搵髮型師King整 so far so good
佢會落手幫我做 唔係靠助手

畢左業我就想試漂頭 正常我成日拉直應該都唔suggest... 但佢肯幫我試 真係okay 完全無變海格 只係我漂完隻色唔滿意太深 佢第日即刻免費幫我染過 而且果次係我人生染過最唔乾keep得最好既一次 我記得佢果陣話隻野叫「十字架」

不過 直到佢地close左樓上鋪 所有客轉返去另外果間地鋪 成件事從此變了

約時間 永遠都約到 但去到4點坐到7點 中間係頭都無洗過 坐門口等 佢先行埋嚟同我講唔好意思等咁耐先開始整 整完要11/2點先走到 當然佢都有付出要一樣夜收工

不過地鋪可能多人 開始變左其他學徒/髮型師幫我整頭 佢就最尾剪 好間唔時先落手夾下頭同吹
不過搵左佢咁多年 整得okay原本都唔想走

決心離開既原因 係因為佢唔熟唔食 咁多年佢不斷叫我轉藥水 隔一排就會話有新野 叫我試 話好正 每次都係愈嚟愈貴 由千頭去到千尾我都on9地無走 而每次佢講既新野其實同之前既係無分別 都唔覺keep耐左定靚左定髮質好左 (可能我髮質問題la) 直到佢有次叫我試日本新野 佢拎左本類似自創既目錄出嚟 好記得本簿寫$2800 佢話友情價$2500 咁當然果次係比左錢整 但就再沒然後了。
我唔知佢宜加係咪明碼實價 但果陣其實都幾心傷 因為信佢咁多年而一直愈比愈貴 但唔覺有咩分別 咁多年一直無留意過其他salon search過先發現原來好多都平過佢好多。

之後就上網搵到Za老闆了 佢果陣仲係麥仕維既salon 未自己開 不過已經係明碼實價 千三蚊左右已經係用paimore拉直+shiseido染髮 開頭佢都會落手落腳幫我 都幾有禮貌 又整得okay所以佢果陣係tst開ZxZx 我都跟住佢走

不過 又係同一個問題 時間永遠都約到 但去到次次都要等at least 1hour up 先有人幫我洗頭 去到次次都人山人海 同埋佢都只會負責剪髮果part 去到夜晚開始少人例外 所以整親頭都要2點坐到9點

之前佢cwb開分店 因為佢話之後都會係果邊 我就轉左去cwb整 人係無tst咁多 但佢應該開始hea 就算得閒唔多人佢都唔會再落手落腳幫我做 好彩係幫我整頭既助手次次都係同一個 同埋整得唔錯

可能呢到好多人同我一樣經歷 無野值得意外 但最令我意外 又想轉salon 係早幾個月去搵佢整頭 一切如常 走既時候佢仲同我一齊行左去門口 原本佢叫一叫我 跟住又話無野 走果陣reception個表情又怪怪地 不以為然返到屋企

我發覺原來件衫後面染左一撻色...... 係我衰 當日著白色 但染到既咁岩係黑黑地色...... 我就諗起當時佢一定係睇到 其實佢同reception一齊企隔離 應該兩個都見到 我唔介意染到色 可能無心之失 但我好失望係佢由得我染左色一路係條街到行... 就算佢未諗到點幫我處理都應該話我知 所以 我又萌生想轉salon既念頭了

補充返
VG SALON我都去過 果間係正宗大仆街
上面講Rainbxw愈嚟愈貴 所以我中間去過一次VG
永久black撚list!!!! 好多年前但一世都記得
約時間條友叫紫傑 無記錯係老闆 一心以為佢幫我整
上到去 全程幫我整頭條友叫Peter 個紫傑係無撚掂過我個頭 開頭無撚出現過
仲要係整整下中途失驚無神走埋嚟叫我靚女 原來就係你 你好靚啊 (非自誇) 因為佢接住滿場飛 個個都係講同一句野好撚大聲 我根本連佢乜水都要問返個Peter

好記得當時整Loreal個直療
睇圖個個整完都勁滑勁順
夾果陣一夾係變到勁滑 同平時d負離子夾完全唔同感覺
當我整完果下真係人生最滑 以為好掂

條蛋散Peter幫我剪埋頭 (紫傑都係無撚出現過)
佢竟然一野係我頭髮入面果層係中間一刀剪落去 我果下呆撚左望撚住佢剪
佢話 你個頭唔咁剪會好毛燥睇落好多頭髮好爆
結果我個頭係無撚啦啦好似少左一忽咁 果撮頭髮勁短勁柒
我唔撚識剪頭都知無可能咁撚樣剪
講返個順滑 返屋企洗兩野就無撚左 跟住變成好乾好乾好乾好撚柒乾
極度失望憤怒啊 同埋佢個滑 根本唔係藥水靚 而係部loreal steampod夾完既效果 所以佢既藥水肯撚定都唔係好野

PS： 成間野d人都好撚鍾意讚你 洗頭果個話你眼睫毛好長 條隱形人紫傑周不時行埋嚟話你好靚 比錢條友又話你好靚 想點撚樣？讚我就可以補返果撮頭髮比我？仆街！
蛋散Peter仲話 紫傑係好少落手做野 要去cctvb拍野 同埋自己接job 所以我極度懷疑呢條隱形人係唔撚識剪頭髮

我個fd都去過一次VG，不過好彩係剪，剪完都係覺得嘛嘛，同50蚊冇區別

我都來補充一下
隱形人紫傑係我岩岩洗完頭無啦啦走過嚟搞亂我個頭
跟住影相 我夾完頭果陣 佢又走過嚟影相
我終於明點解平時before after咁靚
因為頭都未吹又要搞亂個頭影相 洗頭水model都變海格老母啦 仲要返屋企洗兩洗乾到仆街
絲打你仲慘 又比條柒頭笑又比佢剪到個頭柒
好彩已成過去 好撚想呢間野快d執

一定要叫你個friend睇呢個post so lucky!!!

我都係乾到仆街啲頭髮
懷疑佢用假貨paimore

唔睇呢個Post都唔會再番去啦，剪都衰，仲夠膽番去做其他咩？
而且我而家都有一個搵開嘅師傅

想問下你係邊道做paimore同幾錢？

有冇人做過webond treatment？效果點？
打算染髮 但諗緊加唔加做埋好

通常呢啲自我介紹10個有10個都係伏

有冇人剪過呢間？
t.a.m.a.s_
價錢合理 睇圖電得好似唔錯

你google佢個名就會知佢係偷圖

我又分享下經驗比巴絲參考下先~

搵咗Yon Chiu 啱啱好兩年，當年因為誤信啲ig salon漂到個頭爛哂好醜樣，經朋友介紹搵到呀Yon，主力做修復，經過咁長時間而家終於叫做變返做正常髮質

通常我搵呀Yon都係剪電染咁，一搞就成日因為佢真係好細心咁逐撮頭髮慢慢剪慢慢染慢慢電 (對上一次淨係剪個part 都剪左整整一個鐘，結果嗰日係佢度坐足八個鐘，同返工一樣咁耐)，但剪完出黎個shape 我係好滿意同都keep 得耐。

不過都要講返，價錢的確係唔平嘅(上直下曲+剪+染，八折咗都要千幾至二千幾)，亦最好要喺屋企用埋佢啲product做保養，但見到自己啲髮質變好的確係好開心嘅！所以我會recommend 比啲頭髮真係爛到唔知點算好嘅人去比佢幫你慢慢養返好啲髮質，過程係漫長 (同貴) 但我覺得都真係值嘅

重點：黃

有冇巴打喺到電過髮？睇佢啲相覺得幾靚..但喺嗰list就好壞參半

jerry_hair_history 漂到我個頭灼傷好痛 結咗幾日疤

佢啲相係自己嘅定係偷㗎？頭嗰幾張啲style同後面嘅完全唔一樣

呢間啲價錢仲要同ig不符 去到又要加依樣嗰樣 又唔會主動同你講幾錢