一人一間睇咗IG廣告去幫襯嘅Salon/髮型師 (2)

想染唔洗漂嘅淺啡色 有冇邊間salon 推介

吓我上個禮拜等都唔洗等直接埋位坐啦喎
整嘅時間同佢報比我都係差唔多
我之前剪完漂完都覺得幾靚好好睇但係甩色之後點就唔知啦
-
然後
佢話漂完1-2個月要補色
我心諗你都要比個名我先搵到你㗎我識你老鼠咩
我問佢係咪搵番佢(我諗正常人聽到呢句都會話 係呀你同reception講番搵___就得架啦 咁樣㗎嘛）
佢話 個頭我幫你染你唔搵我搵邊個
最後我到走都未聽到佢講自己叫咩名
最後個名我點知?
臨俾錢嗰陣望多兩眼自己張單先搵到個人名 重要唔知係唔係salon啲人求9其是但寫個名落去
然後去ig 搵下叫呢個名嘅髮型師 睇埋睇衣著先肯定係佢

都慎重考慮返唔返去補色

男
wfh左幾個月 平時都係屋企自己剪短就算
呢家個頭大爆炸 下下星期復工
想重新搞搞佢 有無邊間會幫我由零設計
唔好下下叫我揀個就剪
唔介意比貴d

lui.fc_hair 同hair de home 唔係同一間?個地址一樣喎, 伏同唔伏都有份既

請問各巴/C打依兩間如何！？

上次去佢話我個頭唔夠厚建議我留多個零月先，所以我上次去齋剪無電，不過剪得唔錯，個髮型師幾有心

想問下要幾錢

試過jackychan_stylist, 講真最初真係幾滿意所以會回頭，但幾個月前再電就feel 到佢好hea,俾我感覺係揀客做咁，如果target 左你個頭影作品相就會比較落力去整，否則就好求其是但，同埋唔知佢係真hea定唔識剪頭髮，齊緝緝打橫剪，求其修下就算，電到出來好老土，都唔知我唔好彩定佢唔想do搵個夾嘅髮型師真係好難，初初以為搵到，點知期望愈大失望愈大。

有冇人知呢間點？ig: hair.by.chill

Highlight 2k

呢兩年試過Panda 同Andy
我覺得Panda又未至於伏，我想要嘅色都做到，仲要係黃係間Salon個朵臭

今日淨係想電就搵Andy，第一次上去佢自己開嘅salon
環境好服務好唔hard sell係真嘅
洗頭洗咗好耐有按摩好驚訝
見上面話啲色唔得，今次都係簡簡單單做個啡色算
出到嚟個效果都滿意，後面個阿太都望過黎話好睇
好似俾佢哋擺咗上IG

睇彩數

想問大家覺得andy d電髮點？我就咁睇佢ig又唔係覺得好啱款咁...

其實我book之前想試yon
但佢個booking去到好後
價錢都偏高下次有機會都想試

因為我啲頭髮幼 今日都同我傾咗好耐點電
感覺佢幾就啲客多過佢話點電就點電
埋單$1080
睇吓今次呢到keep成點再包膠吓

1080係電染剪？

係呀

唔該樓主可唔可以更新下個表？
我想講 Kennycheng.hairstylist 係伏 本來都冇諗住share佢，但見佢出現喺唔伏list，不得不提

今年係IG見到佢就試吓，第一次染髮就係係佢度。上到去等左陣佢叫我坐埋去櫈，我過到去就諗住將袋放上枱度先，點知枱上竟然係放住一部未熄嘅電髮棒，我手指掂到即辣到起泡。但我當時都冇乜嘢因為未必係佢放嘅，同相信佢都唔會係有意啦，但最嬲係佢唔好意思/sorry都冇句，淨講左句叫我小心啲要我問佢有冇嘢茶，佢先慢慢去攞支膏比我搽，仲要我問佢係咩。。佢先答我係燙火膏。。。


到染髮同剪髮。首先佢係勁冇耐性同禮貌，佢問我想剪幾短，我就話未諗好確實剪幾吋，但修短少少唔會大執is ok，之後佢居然話咁好難同你溝通喎你諗好先啦 我洗唔洗行開下
我真係黑人問號到一個點呀 Kennycheng.hairstylist 你身為髮型師係有責任同個客溝通好點剪，如果我成3個字半個鐘都未磨到你都可以屌我，但3分鐘你就同個客耍脾氣？成程佢嘅態度就係唔好問佢咁多嘢，佢冇耐性答。你係做服務性行業，禮貌係基本中嘅基本，仲有，你冇呢個本事寸得起，點解？佢幫我染髮，全程除左揀顏色，佢係完全冇參與過染髮 染完後我啲frd都話睇唔出有咩分別


呢個就係我係Kennycheng.hairstylist 嘅經歷，整體感覺，冇料到，冇禮拜，講嘢扮嘢好假，各位自行判斷

Btw做焗油有冇介紹？