一人一間睇咗IG廣告去幫襯嘅Salon/髮型師 (2)

係咪Yon Chiu果間？

咩叫落咗焗油一齊做，真係第一次聽
見佢IG講到自己好有心，仲話自己電一定keep得耐
一個月就唔曲，絲打你有冇同佢講返。一個月就冇，真係唔掂

唔清楚啊 yon Chiu 個ig睇唔到地址
不過個背景似係同一間

見佢電韓妹頭好靚好想試下 不過有絲話佢西面有啲卻步

個次第一次電髮好on9咁信咗我之後同個做salon嘅朋友講，比佢笑左勁耐

我冇同佢講返呀，因為咁快唔曲我不知幾開心，佢電得好樣衰


呢張相係電完冇耐影嘅

如果係嘅 我上次搵yonchou整頭聽到依個sam對客幾nice架喎

好彩有你提醒下，本身諗住搵佢見佢有po埋story 應該唔係偷圖無死啦。點知都係伏

佢係我遇過最伏嘅仲要係咁坐係到鳩等，等完都係助手做多
又哂錢哂時間又唔靚又傷頭髮
最後我唯有剪短

我個焗油仲要係比錢做

我都揾過kivchan 電兩次染一次唔覺伏 一直有整開直療 幾年前第一次整直療係zazahair 整 但整完出嚟個頭爛晒咁 嗰陣養咗一年個頭就去咗揾kivchan諗住試下直療+電攣髮尾 一開始就問我有冇圖睇下我想要咩卷度 同埋佢都幾細心 剪頭髮都幫我剪咗好耐 感覺上就係執到最好先電(試過遇過勁求其剪嘅 明明爛晒都唔剪走照電) 最重要係唔會交晒俾個助手搞 差不每個step佢都有落手做 見到助手做得唔夠好都會叫佢要補返多啲(整直頭髮擦嗰啲唔知叫咩？😂）so far出到黎個效果真係好滿意 男朋友同朋友都話靚 兩個月前電咗第二次

有天然卷又鬆散嘅人應該明個頭有幾麻煩 完全打理唔到但電完之後跟返佢個方法打理真心係keep到個頭差不多一年

同埋佢唔會好似前面某啲髮型師咁多嘢講 利申 好怕啲髮型師勁多嗲 想靜靜地整頭都唔得感覺上佢好認真同係一個有原則嘅髮型師至少唔會hea/亂搞你個頭

我搵佢電髮係17年嘅事喇，啲收費應該唔同咗
但我印象中個焗油係要錢嘅，都有可能我記錯

電髮幾錢 電完keep到幾耐？

想問 big_potato888 伏唔伏 我見$400包電剪幾抵

curious rabbit salon伏嚟
聲稱用日本貨 其實大陸嘢
可以留意ig@stylist_lol

Big_potato888同curious rabbit 同一間？

佢係股東之一

有冇人剪過？見圖電得唔錯

個地址係soul hairdressing salon
上個post好多絲打都話依間好伏

有無人知點解jim leung個報料ig無咗嘅

畀人檢舉
今朝見佢有開新ac 不過好快又收咗皮

Mickeyjim_hair 嗰個熱療有無人做過？
覺得點？大概幾錢？佢ig完全無寫價