「My name is Joan，Joan of Arc。」
喺百年戰爭嘅後期，法國輿論一直盛傳有一位重裝甲嘅女神，可以力挽狂瀾，拯救國家於水深火熱之中。冇人見過依位女神嘅真面目，冇人有佢嘅ig或fb，剩係知道佢叫貞德（Joan of Arc）。直至1429年四月，當圍攻奧爾良進行得如火如荼之時，有小道消息指貞德即將晉見查理七世，目擊者指貞德女扮男裝，以防落入敵軍手中時會被強姦（眾所周知，軍人平時好難出火），佢全程由士兵護送，一直自稱係「聖女」（La Pucelle）。被問及此行嘅目的，佢回應：
「上帝叫我參戰。」
貞德自言至小就有陰陽眼，見到聖人叫佢去法國（意指王室領地），趕走英國佬同勃艮第佬，仲不忘叫佢要定期去教會。當時查理七世國庫耗盡，正當焦頭爛額之際，一聽到貞德嘅大名，就即刻傳召佢過嚟。貞德一身農民衣裳，向一面疑惑嘅查理七世表示佢係上帝派嚟打救法國，為咗令國王相信，佢仲一字不漏講出查理七世尋晚私底下做嘅禱告原文。震驚嘅查理於是為佢度身訂造盔甲，將佢帶到駐紮喺安茹地區千農（Chinon）嘅軍隊。
據在場人士所述，貞德身高1米57，細細粒但唔到你食。佢樣貌平平，有一抹亮麗嘅秀髮，
，帶點村姑嘅味道，應該話係修女味。根據之後佢幫佢包紮傷口嘅僕人嘅說法，貞德個波都有啲睇頭，隻腳仲幾白滑，不過都係神聖而不可玷污嘅。
【多圖】法國白滑傲嬌少女
現實之中世紀形象
班士兵久仰貞德大名，但估唔到原來依位傳說中嘅女神只得十七八歲，仲要係處，一嚟又運籌帷幄咁嘅樣，於是紛紛拜倒佢嘅石榴甲下。貞德對軍隊進行大改革，強制士兵去教會，又趕走晒軍中妓女，要士兵們一心忠於自己。準備充足，貞德就帶領佢嘅狗公大軍向東面嘅奧爾良進發。貞德嘅軍隊喺五月初抵達奧爾良。
雖然佢只有十七八歲，但係已經身先士卒，手下士兵慣咗淆底而不斷退縮，但佢依然冒著箭雨企前指揮，令到班狗公好似食咗春藥咁撲向英軍。貞德嘅坐鎮對法軍嘅重要性之大，大到遠離佢嘅部隊因為見唔到真人而臨陣逃脫。貞德冇裝備任何武器，剩係攞住佢支旗，因為佢唔想傷害任何人，仲話一支旗勝過一把劍百倍。市儈啲睇，畢竟打手依個職責不嬲都係狗公做架啦，但係人哋貞德始終都企喺前線派軍糧，鼓舞下士氣。
or 自己畫?
就快出長
