[歷史台]日不落的傳奇，大英帝國的故事（2)

百年戰爭

支持

期待出文

加速

第二個成因就係經濟上嘅誘因。中世紀英格蘭主要嘅財政來源，就係紡織貿易。不列顛群島農業冇歐陸咁發達，錫礦又賣唔起價錢，得返數之不盡嘅綿羊有利可圖。英格蘭人起勢生產羊毛，由鄉下間小屋生產，變成喺城鎮入面開工場制造，促進咗城鎮化。依啲羊毛分銷歐洲各地，去到十三世紀末，西歐大部分以手工業起家嘅城鎮好似米蘭咁，已經對英格蘭進口嘅羊毛產生極度嘅依賴。羊毛出口可以話carry住成個英格蘭嘅經濟。

眾多出口地當中，最重要嘅係一海之隔嘅弗蘭德伯國（County of Flanders），即係荷蘭南部鹿特丹，同埋比利時北部安特衛普一帶。英格蘭人將羊毛賣俾弗蘭德人，佢哋將羊毛加工成呢絨，再賣返去英格蘭。弗蘭德地區一直都係法王嘅領地，但係當地講荷蘭話嘅城鎮享有高度自治，而且一向不滿法王向佢地伸出魔爪。法國一旦控制嗰度，將會對英格蘭嘅經濟造成好大嘅打擊。


與英格蘭一海之隔的弗蘭德


中世紀英格蘭的牧羊人

至於第三個成因就嚟自英格蘭另一個好鄰居蘇格蘭。英蘇和約後，一部分原本喺蘇格蘭有土地嘅英格蘭地主，喺1332年私自組織軍隊北征，諗住收復失地。當時嘅蘇格蘭王係布魯斯5歲既仔大衛二世，地主軍團嘅目標係推翻大衛，擁立前蘇格蘭英雄巴里奧嗰仔愛德華．巴里奧（Edward Balliol），不過就遭到蘇格蘭人激烈抵抗，巴里奧尋求愛德華嘅協助，當愛德華知道大衛政府正尋求法國資助，就宣佈北安普頓條約失效，親征蘇格蘭，展開第二次蘇格蘭獨立戰爭。

愛德華喺哈里頓山一戰（Battle of Halidon Hill）中大敗蘇軍，人數較少嘅英軍居高臨下，向深陷泥沼嘅蘇軍展開一輪狂射，蘇軍統帥兼國王監護人戰死，隨行嘅貴族同騎士幾乎被全殲，死傷達4000人。咁英軍呢？

14人。

蘇格蘭喺依一戰入面幾近收皮，要用幾十年時間先可以恢復元氣，小國王大衛出逃法國，巴里奧登上王位，給予英格蘭大片領土，但係翌年就被蘇格蘭保皇派推翻。廿歲嘅愛德華首戰得利，本來想再次出征，但係礙於法國隨時會插佢背脊，於是改變策略。「與其鏟除頑固的薊草，毋寧摘取光榮的百合」，佢將箭頭指向法國。


哈里頓山之戰

我已經忍唔住開aoc aoe玩左征服者威廉同聖女貞德

依家追返毛巴之前寫既德意志歷史 不時有激情互射、顏射字眼出現 笑死我

更新左

個盾係咪神聖羅馬帝國既鷹

依家追返毛巴之前寫既德意志歷史 不時有激情互射、顏射字眼出現 笑死我

呢輯應該少啲呢啲字，大部份時間都係得英國射人

依家追返毛巴之前寫既德意志歷史 不時有激情互射、顏射字眼出現 笑死我

呢輯應該少啲呢啲字，大部份時間都係得英國射人

顏射人囉

依家追返毛巴之前寫既德意志歷史 不時有激情互射、顏射字眼出現 笑死我

呢輯應該少啲呢啲字，大部份時間都係得英國射人

顏射人囉

king Harold battle of Hastings 俾人眼射

其實英格蘭蘭憑著啲咩可以同法國打咁耐？
地少過法國應該無咁多manpower 架？

其實英格蘭蘭憑著啲咩可以同法國打咁耐？
地少過法國應該無咁多manpower 架？

因為法國邊防問題無可能以傾國之力同英格蘭對打

利伸鳩up

因為英格蘭有長弓兵

其實英格蘭蘭憑著啲咩可以同法國打咁耐？
地少過法國應該無咁多manpower 架？

因為法國邊防問題無可能以傾國之力同英格蘭對打

利伸鳩up

因為英格蘭有長弓兵

當時法國內政on99

1337年，菲臘六世宣佈沒收愛德華喺大陸嘅領土，愛德華宣稱擁有法國王位。佢仲喺英格蘭國徽入面，除咗原本嚟自獅心王Richard嘅獅子章外，加入代表法國嘅百合花飾（Fleur-de-lis），表示佢對法國王位嘅宣稱，歐陸風雲入面嘅英格蘭國徽就係咁嚟。


經典的英格蘭國徽

愛德華都知道依場戰爭應該會頗為難打，但佢冇諗過佢咁做，就令英法兩國陷入長達116年既英法百年戰爭（Hundred Years’ War），打到佢個孫個孫先打完。

為咗籌集足夠嘅軍費，愛德華下令商人將幾乎全國所有嘅羊毛賣出，賣出價錢將會借俾愛德華用。但係組建軍隊同船隊嘅開支實在太大，愛德華仲要向議會、低地區（即荷蘭及比利時）一帶嘅商人、以及意大利佛羅倫斯嗰班縱橫天下嘅ibanker借錢。咁一求一借，就嘥咗三年時間。好在法軍冇法子攻破英軍喺加斯科尼以及英吉列開峽沿岸嘅防禦，令愛德華可以有時間準備出征。

1340年，弗蘭德伯爵向愛德華宣誓效忠，表示只會效忠於「真正」嘅法王。籌夠經費嘅愛德華於是渡海親征法國，喺同年6月22日抵達現今荷比兩國交界嘅斯雲河口（Zwin Estuary )。

正式開戰之前，先睇下雙方嘅實力評估先。如果有睇過小弟上一篇文，都知道法國不嬲都係人口大國，依個「不嬲」就係從菲臘二世打敗金雀花帝國，統一法國開始。百年戰爭開始嗰陣，法國嘅人口大約係1500萬至1800萬人，而英格蘭就只係得200萬至370萬人，差成八九倍。一講到人口，就梗係要提一提東方嘅巨龍，當時中國受蒙元統治，人口經過蒙古人屠殺之後，就「只」係得返8400萬人，當中包括鏟緊牛屎既朱重八。

留名

齋睇人口，英格蘭似乎輸緊，但係佢仲有其他方面搭救。首先，英格蘭嘅中央集權做得比法國好，當時係封建制度嘅全盛時期，法國遍地封地，況且法國統一先得個一百幾十年，中央集權尚未完成，境內仲有三大反骨仔：英格蘭嘅加斯科尼、講荷蘭話嘅弗蘭德、同埋屬塞爾特文化嘅布列塔尼，而且有唔少領主喺血緣上，更接近當年佔據法國西部嘅金雀花王室。相反，英格蘭早喺征服者威廉時代已經大致統一，內部較為團結，團結就是大量嘅兵力，就是更多嘅稅收，實在係幫到好多忙。

英格蘭艦隊抵達斯雲河口，同法國艦隊正面撞上，展開百年戰爭第一場戰役--斯魯爾斯海戰（Battle of Sluys)。英軍艦船150艘對上法軍213艘，但其實中世紀所謂戰船，只不過係一堆叫做哥克船（Cog）嘅運輸船，所謂海戰只不過係兩邊船隻親密靠近，上面啲士兵行過去隔離甲板激情推撞，同陸戰無異。


體積細小的哥克船

當時成個歐洲都係咁玩，除咗英格蘭，因為英格蘭人有一樣秘密武器--長弓（Longbow）。