[歷史台]日不落的傳奇，大英帝國的故事（2)

女皇嘅帝國仍然係日不落

wa 60kg咁重

班考古撚話班長弓兵既屍骨既手含辦爛都拉弓拉到畸形

上面有巴打問弩
十字弓唔同長弓
用法近似火槍
殺傷力大
因為槓桿原理唔駛極大力去拉弓
所以訓練時間短
但缺點係上彈好慢好慢
而且射程短
無可能做到長弓陣既遠距箭雨

等緊上機飛英格蘭

一落地小心跌親, 要親手捧住英格蘭土地, 正如William the conqueror同 Mary Queen of Scots咁

愛德華三世都試過
一仆就得米

去巨石陣度仆一仆佢

佛羅倫斯班ibanker投資失利係指咩？

live左
要開返AOE黎玩下

咁大個人就唔好再quote長文啦
仲要quote完同唔quote都無分別
除左浪費所有人時間去look之外...

長弓兵真係英國國寶級部隊，牽制力強、又拉得，係衰在之後火器登場

長弓兵

依種成為英格蘭標誌嘅武器其實源自威爾斯，佢嘅特點當然係長，身長，射程距離亦長，所需嘅訓練時間都好長。典型長弓有成一個標準連登仔咁高，而當時英格蘭人平均身高剩係得米七。長弓射程最少達200米，最多可以有成350米，如果要射近啲，就要用重啲嘅箭。佢嘅威力都非常強勁，據說可以射穿騎馬者包住鐵甲嘅腳，再射死埋騎緊隻馬。事實上，長弓可以將210米外嘅目標殺死，真係同槍有得比，咁當然冇槍咁快同慳力啦。

正因為佢生得咁長，而且射得咁遠，所以長弓手俾普通弓箭手要生得更高，力氣要更大，要用成600N嘅力，等同將10包6kg嘅米舉高一米所需嘅力，所以佢哋同巴打們一樣，通常左手左肩都比較發達。因此，長弓手通常要由細訓練，英格蘭人無論貧富肥瘦，都將射箭當成餘暇活動。當時揸弓嘅就係親生仔，可以匿埋後面射箭，揸斧頭嘅就俾人推上去送死。愛德華同埋議會可以組織全國性嘅長弓手訓練，但睇返法國嗰邊，由於法國冇一個有效嘅中央政府，所以即使有成堆長弓喺度，都冇辦法訓練出足夠嘅長弓手。

射得快射得遠都唔係重點，要射出精彩，最緊要係射得密。長弓可以話係中世紀嘅機關槍，為咗加快發射速度，長弓手唔會慢慢從後邊箭筒攞支箭出嚟，而係將啲箭插喺腳前，一拎就上弓，發射速度最快可以五秒一發。小弟上一篇文都講過，普魯士軍隊屈機嘅原因之一，就係開火嘅頻率較快。唯快不破，自古以嚟都係戰場上嘅真理。







講返場海戰，英格蘭戰船都仲未接上敵船，長弓手就開始發射箭雨，而法國嗰邊嘅熱那亞弩箭完全埋唔到佢哋身。結果甲板戰開打嗰陣，法軍已經傷亡慘重，戰後英軍俘虜幾十艘法國戰船。斯魯爾斯一役徹底摧毀法國海軍，除咗令英軍輕鬆登陸之外，仲令法國冇辦法跨過海峽，偷襲英格蘭本土，戰事轉而喺法國本土進行。

愛德華帶領英軍沿住海岸線，由弗蘭德一路打到諾曼第，菲臘六世一路尾隨，避免同英軍正面交戰。去到9月，佛羅倫斯班ibanker投資失利，冇辦法再資助愛德華，愛德華唯有鳴金收兵，而不嬲都唔夠錢洗嘅菲臘都收工返巴黎。戰事暫停咗9個月後又再繼續，原因係法國西北布列塔尼（Brittany）嗰邊出咗事。

長弓係咪有啲似弩

好唔同
射程長好多 有得玩曲射 不過要訓練得耐d先有戰鬥力

等緊上機飛英格蘭

一落地小心跌親, 要親手捧住英格蘭土地, 正如William the conqueror同 Mary Queen of Scots咁

愛德華三世都試過
一仆就得米

去巨石陣度仆一仆佢

鐵娘子都係簽完聲名唔捨得，先要親手捧住香港嘅土地

咁大個人就唔好再quote長文啦
仲要quote完同唔quote都無分別
除左浪費所有人時間去look之外...

原文真係唔洗quote
留得言都睇左

等緊上機飛英格蘭

一落地小心跌親, 要親手捧住英格蘭土地, 正如William the conqueror同 Mary Queen of Scots咁

愛德華三世都試過
一仆就得米

去巨石陣度仆一仆佢

鐵娘子都係簽完聲名唔捨得，先要親手捧住香港嘅土地

個度好似北京喎

有人話V字手勢就係來自長弓手[sosad
]

女皇嘅帝國仍然係日不落

一退聯全世界死狗咁

有人話V字手勢就係來自長弓手[sosad
]

唔係反V咩？雖然唔知真定假

如果亞洲又打
聯合王國會唔會又跟隊

不過要應付左蘇蘇同歐盟先仲有冇精力重返亞洲

於是喺1346年，愛德華再次渡過海峽，今次仲帶埋佢16歲嘅仔－－黑太子愛德華（Edward the Black Prince），佢叫黑太子係因為佢鍾意着黑色盔甲，留意返，係冇黑公主（Gill the Black Princess）依樣嘢嘅。英軍喺諾曼第登陸後，愛德華就封黑太子做騎士。英軍一路向北，向弗蘭德進發，菲臘又係跟住佢尾。愛德華諗住同法軍玩捉伊人，搵機會入佢中路，直入巴黎。但係任佢點行，菲臘都係保持兩秒距離，愛德華實在頂唔順，於是喺克雷西（Crécy）掉頭，正面對抗法軍，打響著名嘅克雷西會戰（Battle of Crécy ）。


黑太子愛德華

法軍有成三萬人，而英軍剩係得一萬。英軍統帥有愛德華三世同埋佢個黑太子，而法國嗰邊就有菲臘六世同埋支持佢嘅神羅諸侯，當中最出名嘅就係波希米亞（Bohemia；今捷克）國王－－盲王約翰（John the Blind），佢喺克雷西會戰之前已經盲咗足足十年，但係仍然能處理政事，甚至領兵打仗，認真犀飛利。

法軍統帥原本由經驗老到嘅王室巡官（Constable of France）擔任，但係佢一早喺諾曼第俾愛德華俘虜，所以軍隊由菲臘親自統領。英軍高踞山丘，法軍要仰攻十分困難，菲臘諗住等到第二日，軍隊唞足精神先進攻，但係佢班神羅朋友急於領功，逼使菲臘立即進攻。依個時候又嚟咗場雷陣雨，英軍可以將長弓收喺件甲入面，費時雨水整到弓弦失去彈性，但係法軍嘅熱那亞弩太大件，只可以由得佢哋濕哂。


於高處等待敵人的英軍

英軍一進入弩箭射程範圍，法軍即刻集體發射，依個時侯天氣又突然變好，但係猛烈嘅陽光令弩手難而瞄準高踞山丘嘅英軍，加上弩弦被淋到失去彈性，啲箭射得唔夠遠。長弓手迅速反擊，熱那亞弩最快只可以七秒一發，慢長弓兩秒，就係依兩秒差距，令到法軍俾長弓兵撳住嚟砌。長弓手一拎，一撘，一拉，一放，啲箭巴巴聲咁飛落敵軍到，啲法國佬形容啲箭好似「落暴風雪」咁，令到熱那亞弩兵傷亡慘重，被逼撤退。

後方嘅法國騎士忍唔住，發動衝鋒，但係同撤退緊嘅弩兵撞埋一堆，散晒陣營。依個時候英軍又趁亂激情噴射，仲要對住冇包甲嘅馬嚟射，唔少騎士墮馬，之後班蛋散民兵乘機空群而出，圍毆冇咗隻馬就變廢柴嘅騎士。今次真係邊個衝就做鬼。但係班騎士唔忿氣，繼續爬上山坡。

毛巴會唔會講埋板甲

一支唔聽軍令既軍隊

一支唔聽軍令既軍隊

法國人嘛

原來黑太子咁靚仔