【熱血】【武鬥】源界神話第二部 — 神魔雙雄

中出路飛 2020-02-04 11:40:21

第二十九章陳一

小木屋內。

壁爐裡的乾柴燒得啪啦作響，搖曳的火光溫暖簡樸的小飯廳，男嬰在手造的嬰兒木床上睡得正香，而陳一和龍天墳在繆思的命令下乖乖坐在飯桌進餐。

繆思是陳一的妻子，一個中俄血統的美女，擁有西方人的深輪廓。她身上沒有半點源力，也不會武術，跟外表一樣弱不禁風。她溫柔健談（至少比陳一好說話得多），而且以前是西餐學徒，所以能煮得一手好菜，更把這個家打理得整整有條。

「紅酒汁煮雞脾伴菜蓉餅，慢用呢。」

「好耐都冇食過雞脾，哈哈。哎，唔介意我用手食？哈哈。雞脾要落手食先惹味。」龍天墳吃得津津有味。

雞脾是龍天墳的至愛，看他當年處女出場，在茶餐廳點餐的那一幕就知道了。

「隨便隨便，你賞面就好呢。重有好多，千祈唔好浪費。」

陳一漫不經心地瞧看龍天墳，一言不發地繼續挾菜，吃飽後放下筷子便逕自走出屋子。師兄弟兩人同桌食飯，卻是各自修行，彼此把對方當成空氣。幸好有繆思不時緩和氣氛，才不致尷尬罷了。

當然，龍天墳對過去的事仍耿耿於懷，霎時間也不知要怎樣面對陳一才好。畢竟，後者跟自己在「B時空」仍是以命相搏的仇敵，現在卻居然像朋友般坐在一塊，難道不奇怪嗎？

龍天墳不是洪轟天或者刑爆烈，記性倒好得很呢。

「龍先生同阿一以前關係好好吧？」繆思抱起呱呱哭叫的男嬰，訕笑道。

「佢係我師兄。不過想殺死我.....甚至自己親生妹妹。唔，我認識嘅陳一同屋外面嘅男人係截然不同嘅兩個人......」龍天墳說到後面支支吾吾的，聲音弱不可聞。

「唔同嗎？」繆思好奇道：「龍先生不妨照直講呢。」

龍天墳沉吟半晌，續道：「冷酷，心狠手辣，為權力可以放棄一切嘅男人。至少嘛，唔會係一個丈夫同慈父囉。」

「所以你恨佢？」

龍天墳不語，一時間陷入沉默。

「阿一的確係一個冷漠，不善表達情感嘅男人。不過佢同時都係一個溫柔，重感情嘅人。」

「溫柔？你真係眼光獨到。」龍天墳嘿嘿笑道。

「嗯，我認識阿一嘅時候，佢正被教庭追殺，身受重傷，甚至曾經想將我殺人滅口呢。」

「的確係陳一嘅作風，佢就係一個咁嘅男人。」

繆思笑了笑：「但佢冇做到。後來教庭發現我窩藏阿一，將我視為共犯，幾百個源者將我工作嘅餐廳包圍。當時佢重傷未好，其實大可以掉低我一走了之。但佢最後選擇趕到餐廳將我救走。」

「英雄救美？然後呢？」

「日與夜嘅追殺，喺我哋幾乎走投無路嘅時候遇到鏡海大師，抵達鏡國......嘻嘻，最後就有咗高翔，喺呢座山定居啦。」繆思溺愛地看著懷中的男嬰。

「佢變咗。」龍天墳若有所思。

「人同食物一樣，透過嘅調味料以及烹調方式，味道都會徹底改變，可能會變得美味，亦可能糟蹋食材。喔，我本來唔知道龍先生喜歡食雞脾呢，嘻嘻。」繆思打一個眼色。

龍天墳愣一愣，錯愕地看著眼前的碟子。

這時候，陳一忽然推開木門，探頭進來幽幽道：「龍天墳，食完你嘅最後晚餐就好躝出嚟受死，唔好浪費時間。」

龍天墳聳聳肩，嘀咕道：「屌那媽，都係冇變。」

＊

夜半時份，木屋外的雪地上。

此時，龍天墳氣喘吁吁地攤在白雪中，臉頰一片瘀青，身上的爪痕縱橫交錯。

陳一站在一旁把玩雙手的爪套，不屑地說道：「老鼠始終係老鼠，永遠都唔係貓嘅對手。你除咗頂帽之後，就唔識用源力？呢一個係你嘅致命傷。」

「哼，我同你唔同，要靠『媒介』先可以運用到體內嘅源力。」

「錯。你似乎連基本概念都冇。首先，撇開之前所。第一，源力就係源力，從冇流派之別，所謂『六系源者』之說不過係人類透用自己可以理解嘅方式去分類。事實上，源者係一個容器，境界愈高，容器自然愈大。」

「容器？境界？」

「解源境、化絲境、源界境、晉聖境、聚靈境、師源境、禦王境、聖帝境、始尊境。照鏡海和尚所講，人界受無形嘅規則所限，力量只可在聚靈境之下。一旦突破到聚靈境，『領路者』就會立即出現，將源者接到源神界或者源淵界。所以，你可以將晉聖境與聚靈境理解為人神之間嘅分水嶺。源者修練任何功法都殊途同歸。」

「第二，源者實力即使再強大，只靠自身嘅源力始終有限。想要變得更強，甚至突破到晉聖境，必須感受身體以外嘅源力。」

竅門在於呼吸。

陳一瞧了龍天墳一眼，冷笑道：「休息夠就開始。七日之內，我保證你會死上千百次。」

龍天墳緩緩爬起來，拭去嘴角的血漬，雙眸充滿戰意。

「繼續吧。你好好把握呢七日，因為七日過去之後，你永遠都無辦法殺死我，嘿嘿。」

白雪紛飛，師兄弟兩人同時邁步而上，身影再度在茫茫飄雪中閃爍........

生有時 2020-02-04 11:59:12

輕輕一推

阿墳 2020-02-04 12:02:48

唔係唔使戴帽啦咩