【熱血】【武鬥】源界神話第二部 — 神魔雙雄

深夜一推，我終於做到啲野喇
Btw,唔知點解硬係覺得中出巴支筆好神奇，因為小弟我本人真係幾鍾意紫色，而咁啱沈夢生隻色又係紫色

係喎 我真人都係鍾意黃色

我都好鍾意藍色

樓主d文睇得好舒服,有feel有feel
加油出多d

契弟晏啲覆

在錯誤的宇宙尋找愛是鏡海的寫照
不過鏡海不是基的

咁早番工

我先剛剛番到屋企

原來係鏡海既舊情人

仲以為鏡海嘅情人得三上老師佢地

噢

中出巴，想問個無聊問題，鏡海係咪有頭髮嫁？因為頭先重睇最新嗰幾part，望到鏡海個名突然腦中浮然咗卡卡西個樣(p.s唔知卡卡西係咪蝗語，細個叫開畑鹿驚嘅，但唔知幾時開始就叫咗卡卡西，如果係蝗語嘅話，對唔住）

沈施主睇黎你要重睇，貧僧的頭髮係時長時短，無記錯仲有時係光頭

死喇，睇嚟真係有重睇嘅必要，但唔知有冇記錯鏡海巴你真人好似係長頭髮，因為我記得好耐之前唔知講起咩，好似見你有提過

中出巴打快少少

我頭髮生好快，所以成日留完長又想短，剪完短又想留長
而家係剛好man bun

長頭髮既男人好正

終於追到live 中出巴hi

第二十二章 真相是.....

一星期後的正午，明鏡寶殿內。

此時，鏡海和尚一如往常地盤坐在古銅佛像下的蒲團上誦經，直至龍天墳和魏獨一行人步進寶殿，他剛好唸完最後一個音節，緩緩睜開雙目。

鏡海和尚掛上一抹淡笑，表情毫不意外，彷彿早就已經知道眾人這一天，甚至這個時候會出現。

一切都在他的意料之中。

「親愛嘅少林戰士，短短幾日就回復得七七八八。大家生龍活虎，重可以蹦蹦跳跳，實在令貧僧安慰呢，嘿嘿。」

幹，這哪裡算是生龍活虎啊！你看過「生龍活虎」的人會包得像木乃伊，臉上一片青、一片紫的？！他們在心裡嘀咕，倒不敢把心底話說出來。

坦白說，鏡海和尚的話也錯不了。經過一個星期的靜養後，連傷得最嚴重的龍天墳和魏獨都可以下床活動，只是身體仍然處於虛弱狀態罷了。

至少，跟走路一拐一拐，被巨人泰拿折磨了幾日的陸思家相比，他們的確是生龍活虎。看著不似人形的陸思家，他們覺得自己很幸福啊！

現在的鏡海和尚雖然掛起那副嬉皮笑臉，跟當日比試時擺出的冷酷姿勢截然不同，但大家已經知道前者的實力遠超想像。重要的是，他們知道鏡海和尚對自己不存惡意，當日嘴裡說要擊殺大家，其實也不過是激將法而已。要是鏡海和尚要殺死大家，用不著搞得這麼麻煩，在山裡隨便埋了自己就好。

經過這一場敗仗後，眾人終於從「年輕強豪」的夢中驚醒過來，認清天外有天的事實。擊敗源魔莫迪就很厲害嗎？錯了，原來一點也不夠看。

到底要到怎樣的境界才算得上真正的強者？像鏡海和尚的？又或者，強者的領域不在這個世界之中，而是守夢曾經在言談中提過的陌生之地，『源神界』？他們不約而同想到同一個地方。

洗去一身傲氣，然後認清不足，虛心求學，這是變強的第一步......

大家在鏡海和尚的指示下圍坐在磚地上，活像一群等老師給自己說故事的學生。

魏獨問：「既然我哋已經通過你老人家嘅試煉。我哋想知道自己嘅身世以及有關體內禁制嘅事。」

「首先，你哋嚴格上並未通過貧僧嘅試煉。不過，試煉之事且暫且擺到一旁。出家人從不食言，今日喺殿中一定可以解答各位嘅疑問。只怕知道真相之後，各位又能否給予自己一個『答案』呢？哈哈。」鏡海和尚故弄玄虛地打趣。

「答案？」

鏡海和尚饒有意味地反問：「各位喺呢個『位面』鬧得滿城風雨。如今更要掀起革命，對抗教庭。目的呢？要取代教庭，成為呢個『位面』未來嘅統治者？」

「另外，當大家知道自己嘅身世，會繼續留喺呢個『位面』，抑或要回去各位成長嘅『位面』呢？喔，貧僧所講嘅『位面』係一種叫法。」

鏡海和尚看著一頭霧水的眾人，失笑道：「果然，飯要一口一口食，奶要一個一個摸。各位認為世界係點構成？」

「將一切固有嘅思維、概念拋到腦後吧。世界劃成三層，源神居住嘅源神界、群魔亂舞嘅源淵界以及大家如今身處嘅人界。源神界、源淵界又簡稱為『神界』同『魔界』。哎，之前大家遇到嘅莫迪正係來自源淵界嘅小源魔囉。」

對於鏡海和尚口中的源淵界，魏獨一點也不陌生。畢竟，死神艾比、孟婆就從源淵界而來，而自己去過的幽冥殿更是源淵界的九幽之地。

另一邊廂，當龍天墳聽到源神界時，則不禁想起傳授自己功法的「土地公」，讓有在明鏡山出手相救的月文山。

「平行時空。」沈夢生自語。

鏡海和尚點了點頭：「神魔兩界只有一個，但人界乃三千世界，就如你所講嘅平行時空。每一個位面擁有自己嘅歷史、文明，依靠不同嘅『天命』去支撐。『天命』無形，亦是可變，既可以係人類嘅氣運；亦可以係上古神兵利器。當一個位面失去『天命』，自然會走向滅亡。」

「既然位面係平衡而生，咁即係會出現另一個『我』？我同另一個『我』兩者有連結？如果同一個位面出現兩個『我』，會有咩後果？」沈夢生一語中的。

鏡海和尚輕笑：「會，或者唔會。至少呢個位面之中，就只有一個『你』。按天道規則，凡人係唔容許同時出現喺同一個位面。」

他略頓，若有所思道：「兩者，只有活其一。」

「呢一個問題同各位嘅身世有關，一切要由二十四年前開始講起......喔，與其由貧僧講，倒不如由各位施主嘅眼睛去睇吧。」

語畢，鏡海和尚布袖一甩，一面二米高的古樸銅鏡憑空出現在寶殿中央。鏡面出現一個漩渦，瞬間把眾人的心神吸進去........

「好好直視呢一場悲劇吧。」鏡海和尚環視目光失焦，像靈魂被播走的眾人，呢喃道。

＊

就在大家的心神陷進過去的畫面之時，殿內除鏡海和尚以外，還有一個人沒有受到影響.........

她正是守夢。

「鏡海大師，我有一事相求。」守夢站起來，緩緩走到表情呆滯的陸思家身後。

鏡海和尚淡然一笑：「夢施主......貧僧應該叫返你蝶姑娘吧，不妨直說。」

守夢沒有否認：「大師果然係諸相島嘅天才神僧。大師神機妙算，可知『佢哋』會否追到人界？」

「你要避嘅勢力係擁有特權，隨意來往三界嘅一族。答案好明顯吧，不過係遲早嘅事。」

「你可以幫我？」

「幫你逃走？嘿嘿，守門一族嘅小新娘。」

守夢的纖手擺在陸思家的頭頂上方：「如果你都無辦法，我唯有再試一次－」

「停手吧。是福不是禍，是禍擋不過，萬般皆是命。你已經將寶簫丟過五次，幾經轉折依舊重回手手中呢。再者，你再搞兩搞，陸施主隨時會白痴啊！」

守夢眼眶泛紅，不甘道：「即使幾多次，我都會保護佢。人界唔安全，我就帶佢去源淵界。」

「蝶姑娘，你當初與魏獨等人而行，應該係對佢哋有所期盼吧？」

守夢抿唇不語。

「耐心等待吧。逃唔過乃命運，你哋相遇又何嘗唔係命運安排呢。未來往往難以預料，善哉善哉。」

勇巴打

守夢同陸思家

天命……千火姨

慘