[古代思想入門（一）]黑暗儒家心法之荀子

呢個係咩Post呀？

有追開嘅巴絲打都知道
之前我一直係講開「古典文學入門」嘅
中國古典嘢係環環相扣，不可分割
讀文學要讀得好，最好都係對中國思想有少少理解
而睇完古典，當然要睇埋現代藝術嘅入門啦
https://lihkg.com/thread/141337/page/1

今次我決定以先秦諸子入面
一個好鬼特別，又算係長期受人誤解嘅關鍵人物
以荀子呢個思想家作為今次嘅主題
佢係近年又算備受注視
連Dse中文都列佢篇勸學做範文
如果有中學生會睇，希望幫你攞多幾分
你又好唔好奇，佢點解會被戲稱做：
「黑暗儒家界嘅思想」



呢到我主要會集中講：
1.
由文本一步一步去接觸，理解佢嘅諗法
盡量介紹一個整體嘅荀子思想
2.
簡介中國古代思想嘅基本概念
希望可以對中國思想史有更多嘅把握
因為之前主要都係講文學
唔知講思想嘅嘢會點樣
盡量輕鬆少少
希望唔會悶親大家啦

而家會keep往更新三個Post
唔想咁煩一頁一頁追
歡迎點入去：
http://deliver90.blogspot.tw/
多謝大家

介紹吓我參考嘅文本原典
唐代楊倞注
清代王先謙集解
《荀子集解．考證》一書
「注」：
即係注解考證
睇吓句野點解有咩典故咁
「集解」：
即係集合前人說法
再加以思考，比出自己嘅睇法

尷尬還是特殊？
談荀子生平及其歷史角色

荀子係中國思想體系入面
被歸為「儒家」一派
可以話係孔子、孟子之後
最具代表性嘅人物
講到荀子一定要講埋佢嘅生平
有好值得玩味、思考嘅地方

《史記．孟子荀卿列傳》曰：

荀卿，趙人。年五十始來游學於齊。……而荀卿最為老師。齊尚脩列大夫之缺，而荀卿三為祭酒焉。……春申君死而荀卿廢，因家蘭陵。李斯嘗為弟子，已而相秦。荀卿嫉濁世之政，亡國亂君相屬，不遂大道而營於巫祝，信禨祥，鄙儒小拘，如莊周等又猾稽亂俗，於是推儒、墨、道德之行事興壞，序列著數萬言而卒。因葬蘭陵。

荀子活係戰國七雄嘅時代
即係齊、楚、燕、韓、趙、魏、秦
仲未比秦始皇統一天下果陣
而佢就係趙國人啦
後來出國去左齊到讀書做大官

呢到有三個重點：
1.「最為老師」、「三為祭酒」
相比孔子孟子成日走黎走去
希望自己學說比人重用
荀子可以話係撈得十分之掂
係現代黎講就係做教育局長咁
絕對係領導階層嘅人黎

2.「李斯嘗為弟子，已而相秦」
荀子係歷史上備受討論
甚至受到好多批評
都係因為佢有兩個弟子
一個係法家大師韓非子
一個係輔助秦始皇統一天下嘅李斯
秦始皇暴政，焚書坑儒
都係受到李斯主張法家思想嘅影響



黃子華講過：請你好好放低
秦始皇搞左樣咁得罪知識分子嘅事
後人就開始追溯返
哦原來係李斯嘅諗法黎
即係佢仆街啦
哦原來李斯係荀子嘅學生
咁佢咪仲仆街
所以呢個歷史角色對後人點睇荀子
造成左好大嘅負面影響
甚至今時今日都仲未完結
Btw，
根據上面推論，荀子又自認係孔子嘅學生
哦原來萬世師表都係……

3.「春申君死而荀卿廢」
荀子在世時享有高位
無得撈之後就專心著書
「序列著數萬言而卒」
幾萬字就係寫左本《荀子》出黎
呢本書嘅特色係
對比《論語》、《孟子》
呢種仲係以對話為主嘅語錄體
《荀子》已經係一篇又一篇完整嘅議論文
係文學黎講，樹立左議論文嘅典範

另外題外話講少少
所謂盡信書不如無書
上面話荀子「年五十始來游學於齊」
如果真係五十先去齊國
佢即係有成百幾歲命仲要有精力寫幾萬字
所以有學者話係「十五」先啱
又有人話佢真係活到咁老
所以其實我地係無法確定荀子生日死忌
而呢一種古人生平背景研究
好多時都係吹水式嘅推論，只能夠大致確定範圍

多謝巴打支持

其實都可以係佢口述，由幾個徒弟一齊寫架姐

其實都可以係佢口述，由幾個徒弟一齊寫架姐

巴打講得好
呢邊講語錄體係指內文以對答為主
偏重句子，無咩篇章結構同推論
而荀子呢本書就係好著重篇章嘅結構
已經好似我地今時今日寫文章咁

高質po留名

多謝絲打留名
大家對文學有興趣可以睇埋佢

高質po留名

有牙巴打好
又要多謝你捧場
無以為報唯得得閒盡量打多少少

高質po留名

有牙巴打好
又要多謝你捧場
無以為報唯得得閒盡量打多少少

我記得李斯同韓非子都跟過荀子學嘢，有兩個神級學生，老師當然都唔會差 又係時候睇史記

李斯呢個賤人
睇咗勤學但依然冇咩行動力，我就覺得自己真係不成大器

高質po留名

有牙巴打好
又要多謝你捧場
無以為報唯得得閒盡量打多少少

我記得李斯同韓非子都跟過荀子學嘢，有兩個神級學生，老師當然都唔會差 又係時候睇史記

史記明明將孟子同荀子並列
但今時今日我地已經唔記得左荀子
講真老師嘅諗法
有時學生反而會反其道而行
用學生去批評老師無咩說服力

李斯呢個賤人
睇咗勤學但依然冇咩行動力，我就覺得自己真係不成大器

勸學嘅重要
一定要讀埋其他篇章先知
我慢慢介紹，到時一定會有另一種睇法

訓前會出多篇

可以講下《大學》

留名

正野留名先!

多謝巴打熱心捧場

留名先，未睇過荀子

留名

正！讀緊科古代思想，
個呀sir狂話荀子既思想係失敗既儒家，
只有孔子個孫同孟子先係正統。
留名學野

LM
會唔會有機會講鬼谷子
佢真。名師出高徒
個個學生都好有成就

可以講下《大學》

《大學》正呀喂
以前曾經要背過佢頭幾段
直到今時今日都幾記得
有機會實講
巴打識貨