我好鍾意世史,所以好比心機溫
希望世史攞好grade到時放榜幫下科數
學校考試通常4x/50
Paper25-27/30
我又覺得自己唔值依個分 唔知係唔係老師手鬆
我寫字好快,但真係超樣衰 改善緊
暫時最大困難係背地方名同年份 真係好難記 巴打有無心得
點睇南非同以巴史?應否棄
同學你可以將你做過嘅essay/ dbq send 比我睇吓再比啲意見你
字寫得多之餘,真係要睇到先有用,唔係就算比你寫到2000 字一條Essay(2000 字嚟講篇幅真係算多)都無用,Marker 睇唔到就當無架啦 ... 真係好重要。
記地方名同年份,或者我嚴格上嚟講係記例子啦。其實喺依方面我無咩心得,因為我都係用得多所以就不自覺地記咗。你可能覺得好奇怪,但我講個比喻比你聽可以就會明。舉例你返屋企係要輸入密碼先開到門,當你一出門口就會用到個密碼一次。假設你每日至少出一次街,即係你每日都會用到個密碼。喺依個情況下,其實你根本唔需要刻意做啲咩就已經記住咗個密碼。因為你用得愈多,就愈易記得 ... 同樣道理擺喺歷史科都適用,至少在我而言係work。
所以我好鼓勵學生係以「練習」作為溫習方法。
而上述方法其實仲有個優點,就係你知道邊啲例子先重要,老實講歷史例子真係多到我自己都唔記得,就算我每個課題落咗好多個例子喺筆記到,但實際我拎嚟答題目可能都係果10-15 個例子。至於其他例子唔係唔用,只係比較少機會你用到,可能10 條題目,有成6-8 條都係用到果10-15 個例子,餘低果2-4 條先會用到其他例子。依點你點樣知道?都係靠你多練習先知道 ... 當然補習我都可以同你講,但肯定無你自己親手練後後領悟咁深刻。
至於以阿同南非棄唔棄真係要睇同學你個情況係點,但因為剩係出Essay,一般我都會叫學生棄咗佢。或者剩係Tip 幾條Essay 搏佢出咗可以搬字過紙,無出都唔使心痛。
希望幫到你啦,有問題歡迎再問~
Btw 如果你想練習Pastpaper 並予以批改的話,可以inbox/ email/ whatsapp 我索取,加油啊。