倖存
2019-04-26 17:16:12
「睇埋先翻去啦~」我的目光已被電視裡的畫面所深深吸引著。
「咁你一定要聽嫲嫲話呀吓。」媽媽蹲下來捉著我手道。
「嗯...得喇得喇。」如是者,爸爸媽媽真的先回去了,然後我就繼續留在嫲嫲家看完花師奶再走。
爸爸媽媽走後,嫲嫲也沒有做些什麼,就是有時候坐在床上看著我,有時候又會到窗邊看著天邊輕聲自言自語。
「嫲嫲呀,你係唔係悶呀?如果悶嘅話可以睇電視喎~」廣告期間,我問嫲嫲。
「唔悶呀~」只見嫲嫲輕笑道:「你睇吖~」
語畢,嫲嫲又再坐到床上,摺了那件已經反覆摺了好幾次的衣服。
當片尾曲開始播放時,嫲嫲才從洗手間裡走了出來:「B 仔要行喇?」
「嗯...翻屋企 lu ~」我笑著拍拍手站了起來。
於是,我和嫲嫲便踏上回家的路,嫲嫲沿路上都牽著我的手,不過她的手比媽媽粗糙,感覺雖然很不同,但卻很溫暖。
來到大廈門前了,我忽然想起爸爸媽媽和嫲嫲剛才的對話,便問嫲嫲:「嫲嫲,你等陣有咩做?」
嫲嫲沒有第一時間回答,想了一會兒後才說:「記得唔好同爹哋媽咪講...嫲嫲可能去執下嘢。」
聽到這話,我決定——
A —— 點頭
B —— 跟嫲嫲說不要去執拾紙皮