《模擬人生》
人生,
從出生到去世,
每一個選擇都造就了日後的自己。
LET'S PICK YOU ANSWER.
--------------
每個人生的最後一刻,都是被蓋上白布的那一霎吧。
只是,在那從白轉黑的剎那,我卻被拉近了另一個漆黑一片的空間。
驀然,一道強光映入眼簾,我捂住了眼,慢慢適應了漸漸變弱的光線後才放低手。
眼前播放着我整個人生的回顧......從出生的那一刻到吐下最後一口氣的時候,那些記憶全都在這回顧中快速重播着......
凝望着眼前那個跌跌碰碰的自己,熱淚盈眶的我也禁不住潸然淚下。
「喊乜吖...」回顧播畢,眼前是一個坐在長桌後的......人嗎?
「每日我都見無數個咁嘅人喺到睇自己人生回顧錄嘅時候喊苦喊寣,冇用㗎。」他說:「你仲有冇咩願望啊?睇下幫唔幫到你實現。」
我愣了愣,在思緒飛馳之際,我吐出了一句話:「可唔可以......比我翻去以前......」
「哈。」他續說:「翻去就冇可能㗎喇,比多一個人生你就有機會嘅。」
「咩意思?」我皺眉問道。
「你本功德簿入面夠分吖嘛,咪有資格活多一次人生囉。」他說。
「係咪代表我可以做多次自己!?」「咪傻啦,你個人生已經完咗,翻唔到轉頭,你宜家選擇活多一次人生,就會冇咗你呢個人生所擁有嘅所有記憶。」
「冇例外......?」「冇人翻過去。」
「吓...」「冇嘅,以往所有功德完滿嘅人都唔會選擇活多一次,因爲佢哋個個都話實在太攰,所以你唔去都好正常。」
「咁如果......」「唔好再如果,快決定,下一個死人已經到咗。」
我按住懊悔的內心,然後說:「比多一次機會我啦。」
說不定,我會成爲那個例外......帶着回憶過去......
這時,眼前頓時浮現了兩個選項——
A —— 「90後出生模擬人生器」
B —— 「00後出生模擬人生器」