【遺忘的】《小松奇妙物語》（４）

「傳說啊‧‧‧‧‧‧呢間學校，存在一個美少年。」女同學紛紛說出：「因為佢太靚仔，所以見到佢嘅女仔，都會瘋狂咁愛上佢。」

「咁佢，就係上面？」我指一指上層。

「嗯‧‧‧」女學生點點頭，細說：「傳聞話，佢就喺上面嗰層徘徊，如果有機會嘅‧‧‧‧‧‧話唔定我哋喺到都可以睇到佢嗰樣！」

「美少年‧‧‧‧‧‧」我回憶起，小松被一個不知名少年捉走的場面：「佢係人？人無可能困住自己喺上面，除非有嘢食嘢飲‧‧‧‧‧‧」

「咁我哋就唔知啦，始終都係傳說嚟。」

「有冇方法上到去？」我又問。

「冇啊，鎖匙學校好似已經遺失咗，七樓都封鎖咗成年。」

說罷，女學生們便手牽手的落樓梯去：「睇嚟都係無緣遇到美少年嫁喇～」

捉住鐵閘的我，搖了搖：「好堅固‧‧‧」

我把匙孔的模樣記緊，回去跟匙匠說，可他說鎖孔太複雜，而拒絕這份委託。

現在，只有等待假道學回來。

沒處可去的我，走到鄰近的公園，坐在那裡的鞦韆上。

越是接近黑夜，這裡的景色就越是不對路。

感覺，有一層層的虛霧掠過街道小巷，早上城市的光景不復在，取而代之是個陰冷的小鎮。

人，也好像變少了。

什麼一回事？城市本應有的生氣，為什麼都消失掉似的。

文

係咪伊藤潤二個十字街口的美少年

陣陣不安、寒氣捲襲而來，彷彿有東西在暗角處，將你偷偷窺視，並且不懷好意。

到後來，街燈都熄滅，只餘下鞦韆旁的街燈，依然照亮著我，像是最後的光圍，

「嚓‧‧‧」連這燈，都好像快要熄滅了。

不是吧？整個城市，每家每戶都沒有一個人開燈，是斷電？但奇怪的是，我不得有人的出現。

只有，死寂。

「呼‧‧‧」倏地，背後出現不明的抖氣聲。

我馬上向前仆倒，轉身凝望‧‧‧‧‧‧

「假道學！」

「‧‧‧」他貫徹惜字如金的性格，說：「你見到‧‧‧‧‧‧周圍？」

「周圍‧‧‧？」我不明解。

「真正嘅周圍。」

「傳說啊‧‧‧‧‧‧呢個講故台，存在一個美少年。」連登仔紛紛說出：「因為佢太靚仔，所以見到佢啲文嘅連登仔，都會瘋狂咁愛上佢。」

係文呀！！！

「咩意思‧‧‧」

「我喺你身上施加咗精神屏障，不過應該逐漸退效‧‧‧‧‧‧」

「你講清楚啲。」我靠前一步。

「你由入嚟開始，見到嘅綠林美樹至到忙碌嘅城市，都係假。」

「假‧‧‧？」

「如果人類就咁入到紫魅世界，感受到嗰種單純嘅死寂同虛空，不出半日就會發癲。」假道學作出說明：「我施加咗精神屏障俾你，先可以暫時制止。」

「即係我宜家眼前灰冷到不見天日嘅世界‧‧‧‧‧‧」我橫望周遭：「先係真正嘅紫魅‧‧‧‧‧‧世界？」

「雖然呃咗你，但都只係驚你承受唔住。」假道學呼出一口氣，說：「宜個永無天日嘅環境，一旦留耐咗，就會逐漸將你同化。」

「咁茶婆‧‧‧‧‧‧」我回想剛才的事情：「仲有嗰班學生‧‧‧」

「茶譚村，仲有嗰位茶婆都的確存在，但唔係你眼中落住楓葉嘅隱世桃源，茶婆亦都係另一種形態嘅怪物。」假道學說出真相。

「咁佢係咩嚟？嗰啲茶又係‧‧‧‧‧‧」

「你唔會想知。」一句，輕描淡寫。

我終於知道為何假道學一直對周遭都愛理不理、更不搭多餘的話。

原來我見到的一切，都是虛假。

「咁‧‧‧嗰班學生？」

「亡靈，紫魅世界存在好多。」他說。

此時，又一陣狂風拂至。

真的完全想像不到‧‧‧‧‧‧

我剛才一直，處身在這種地方。

「有時候接受所謂嘅真相，倒不相去相信虛假。」假道學掩手指，放在我太陽穴：「所以，你要我繼續對你施放精神屏障？咁樣，你就可以見番頭先嗰個，充滿街燈、有行人、好似充滿生氣活力嘅城市。」

「‧‧‧‧‧‧」

「否則，你就要同我一樣，面對宜個‧‧‧‧‧‧」假道學停頓一下，說：「醜陋嘅真相。」

我捉住他的手，並移開走：「唔需要‧‧‧」

「你確定？咁你精神最好保持住正常，否則，好易招惹惡靈附身。」假道學說。

假道學彷彿跟我訴說，真相未必好。

有時候，人也許需要虛假。

好鍾意墨巴句
有時候，人也許需要虛假

人與人之間只需要虛假

有時候接受所謂嘅真相，倒不相去相信虛假。

推

我們身邊太多假人

包括我,你同墨巴

支持

訓先