【遺忘的】《小松奇妙物語》（４）

是晚，小松不顧環保，將家裡的燈都開啟，確保每一處都光亮的，還會事先叫我進入黑暗的地方進行偵查。

「真係有用？除咗增加用電收費。」我問。

「有呱⋯唔好問我啦，好驚呀。」小松還刻意穿著長袖外套，讓兩隻手都可以收入袖內。

「嗰個女人，好似遇上咗啲麻煩。」

「我都俾佢搞到⋯⋯完全無心機溫書喇⋯⋯」小松焦點不穩地，閱讀書本。

「但佢嘅麻煩，似乎只有你媽媽解決得到。」否則，怎會夜裡打來，而且叫得那麼嚇人。

「我唯有聽朝打番俾佢，同佢講媽咪已經唔喺屋企⋯⋯」小松焦慮地按住前額，嘆了口長氣。

翌日，早上八時正。

明媚的陽光把昨日的不安感驅逐，小松才逐一把燈關下，然後回到客廳那，致電昨夜的女生。

「嘟⋯嘟⋯嘟⋯嘟⋯」電話持續不通：「電話暫時未能接通，請重新再打過。」

接下來，小松重新打了上十次，依然無法接通。

「仲係唔通⋯⋯」她憂慮地說：「我唔想佢出去旺角白行一趟。」

「咁你會唔會去？」

「我唔知啊⋯小葵你話呢？」

「既然佢曾經識你媽媽，咁去交代下都可以，就當係順便交代你媽媽嘅情況，俾佢知。」

如是者，小松在五時正到達了旺角地鐵站，在B出口附近一帶搜尋昨夜那名女人的身影。

在那人流人往的出入口，有個焦慮不安的身影特別惹人注目，她半依半靠地貼住牆壁，似是等待某人。

「係咪佢？」今天坐在小松頭上的我，問。

「可能係⋯⋯」小松戰戰兢兢地走過去，禮貌地問：「你好⋯係咪⋯⋯搵杞島博子⋯嘅小姐？」

「你⋯係⋯」那女人像幾天沒睡，累容呈面：「琴日⋯接教授電話嘅女⋯？」

「我係啊，我叫小松⋯」

「咁⋯教授呢？」

「我媽咪佢⋯⋯」

「可能得教授先幫到我⋯⋯！」那女人抓住小松的膊頭。

「嘶～～～！！」我立即露出駭人的警告。

那女的見我發出不滿的低嘶，馬上放開小松的肩膀：「唔好意思⋯我叫⋯江梓華。」

「好⋯」小松點點頭，開始交代：「其實我想同你講⋯⋯我媽咪，已經唔喺到。」

「唔喺到⋯？教授佢⋯死咗？！無可能！」江梓華瞪大眼睛，有些驚訝。

「唔係死咗！」這是，小松確信的一點：「只係暫時失咗蹤⋯⋯」

「失蹤⋯失蹤⋯⋯」突然，她又追問小松：「但既然你係教授嗰女⋯肯定⋯點都識少少嘢⋯⋯你可唔可以幫幫我！！？？」

「吓⋯幫你？」

「呢到唔太方便講⋯⋯去第二到。」江梓華說。

之後，我們從旺角地鐵站B出口，轉移陣地到一間樓上咖啡店。入到去，江梓華立即點了杯黑咖啡，說要保持清醒。

咖啡店雖然位於二樓，但設有落地大玻璃窗，因此仍然能大範圍觀望到街道上繁華的景況。

「唔好意思⋯可能麻煩到你。」江梓華坐下。

「唔緊要⋯」小松抿嘴。

無緣無故地，我們被帶來聽她說事情。

「我打過嚟，其實係因為，嗰隻嘢又嚟搵我。」

「嗰隻嘢？」

「一隻⋯⋯你博子教授，九年前擊退嘅怪物，佢騷擾咗我好耐，直至最近又開始搞我。」

有文

「咩怪物⋯⋯」小松神情深入，似想聽她下去。

「嘔心嘅怪物⋯我形容唔到，我從來唔敢直視佢⋯⋯」江梓華合緊眼睛，喝下黑咖啡：「我要喺人多嘅地方，先唔會俾佢捉走⋯」

「吓⋯？」

「每晚只要我一訓覺，就會感覺到被窩入面有嘢捉住我，想拉我入去某個地方⋯⋯」

「你有冇打開過張被啊⋯⋯」

「冇⋯我唔敢望入面係啲咩⋯⋯只係敢即刻遠離張床，然後我洗頭嗰陣，一合埋對眼，又會感覺到有對手想拉我走。」

「⋯⋯」

「呢隻怪物九年前已經搞過我一次！嗰陣⋯博子教授幫我擊退咗佢⋯⋯我估唔到佢又再返嚟⋯你有冇方法幫到我！！？既然你係佢嗰女，一定知道有啲方法⋯⋯」

有文喇

小松的第一次

今日生日，可唔可以乞墨巴一句生日快樂

Hb

混血妹

日本妹

日本妹好正呀

小松妹妹