【遺忘的】《小松奇妙物語》（４）

文啊

墨巴唔要你喇

遺忘了

有文未

文啊bb

想問下墨巴係邊到出緊第二個故？

兩爺孫好像是第一次外出？原本應該是睡眠時間，但我還是被強行放到頭頂，一起出去。

巫市。位於貝澳一片荒無人煙的空地，接近郊區地方。為了小松，爺爺特意乘寒出發，駛車前往。

「呼～」夜晚氣溫有點冷，爺爺抽起煙來。

而坐在後座的小松，則呼氣到車窗上，然後用小手指畫畫那些驅趕魔鬼咒。

「落車之後要緊實我喎～小松。」

「如果唔跟會點？」小松跟任性很易牽扯起。

「可能啊～？哈哈，可能會有神秘嘅人帶你走，帶你去紫魅世界。」

「點解媽咪喺節目到，成日話紫魅世界等同於鏡嘅？」小松望住倒後鏡。

「因為啊，嗰到係反映人內心嘅真實世界。」爺爺續說：「裡面嘅生物，好大部份都係由人內心潛藏以久嘅壓抑，或者長期扭曲嘅心靈產生而成，係全人類共同製造出嘅怪物。」

「就冇好嘅？」

「當然有好，但既然人類隱藏得嘅，又會好得去邊。」

創意台

原來休息就係出呢邊 墨巴真係唔洗訓

「咁班怪物生活喺紫魅世界，又有咩目的？」小松好多問題。

「有啲係為咗實現自己慾念，有啲係漫無目的咁行走，有啲純粹想加害其他生物，所以好危險。」爺爺較細電台聲音：「你爺爺我接觸開嘅係地獄惡魔，而你外公接觸開嘅係塵世妖怪，全家得你媽媽一個係接觸紫魅世界，對嗰到有深入認知。」

「咁阿爸呢？你唔會同我講佢真係一個獸醫啊嘛？一個成日要OT嘅獸醫！！？」

「你爸爸‧‧‧‧‧‧都係等你親自問佢喇，你兩父女感情咁好，哈哈哈。」

「玩嘢啊，邊忽好。」小松踢一踢前方椅背。

車子停汨在路邊，落車後爺爺便牽住小松的手，一起走上郊區那片荒地。

熱鬧的荒地。

彷彿別有洞天，在穿過某個路牌後，前方不遠處就出現混雜的人聲和不明的火光。

「啱啱明明好似咩都無嫁‧‧‧‧‧‧」小松疑惑。

「結界。」爺爺簡而直接。

我都想訓 但這是責任

食緊飯有文睇

「咁我起個結界俾自己同朋友一齊入去玩，咪好正？」小松又提出異想。

「好消耗法力架，要維持咁大同穩定嘅結界，背後施法嘅人都要有番咁上下年資。」爺爺細撫嘴唇，打個比喻：「就好似‧‧‧‧‧‧你要一個大學博士不斷寫論文，而隻隻字都要有質數，唔係為咗堆字數寫嘅。」

「哇‧‧‧‧‧‧」小松感嘆起來：「你一打呢個比喻，我即刻幻想到有幾痛苦，同有幾困難。」

不知不覺，兩人步入巫市中。

巫市裡有分攤位，或是店子。建築好奇怪，有圖案特別的圓柱圖騰、綻放不同色彩的火炬、現代不會見到的吉普賽人流浪車、形形式式的大小帳篷。

有店舖賣符紙、有的賣動物血液、有的賣上百種不同的昆蟲毒物。老闆多半都不是正常人，不是情緒神經質，愛跟對面店的老闆對罵，就是身上生了顆大腫瘤，或是瘦骨嶙峋。

除此之外，會有不知從哪來的鼓聲、吹笛聲、歌唱聲，聲音若隱若現進進出出你耳邊，你卻不會找出其來源的位置。

種種東西併合起來，就成為神神怪怪的巫市。

而且在黑夜舉行，氣氛渲染下，感覺自己不活於現代香港這時空之中，

文！！！

唔好逼得自己太緊呀墨b

來逛市的，有高貴、有頹靡、有神秘，每個經過店子的人，都只會把視線停留在商品一秒，不會表露心跡。

「佢哋有巫師、有魔女、有男巫、有賢者、有神媒、有驅魔者，唔同嘅人都會出現喺到。」爺爺邊說，邊帶小松逛市：「你唔可以向佢哋表露心跡，佢哋有好有壞。」

「‧‧‧‧‧‧會唔會有狼人或者吸血鬼？」小松左顧右盼。

「有嘅～不過都應該化成人形，你唔會察覺到佢哋存在。」爺爺開玩笑道：「除非今晚係月圓，或者小松你流咗好多血，可能會激起佢哋本性。」

「咁我哋宜家去邊？」

「一位你媽咪嘅朋友，占卜好厲害，就嚟搵佢占卜吓你嘅將來？」

我愛黎明！我愛黎明！